Donación de libros para o colexio

A familia do alumno Iago Sánchez de 6º curso de Primaria fixo entrega dun lote de libros que imos aproveitar para as bibliotecas de aula.

Moitas gracias pola súa aportación.

Un libro moi especial na BIBLIOSOÑOS

O profesor do centro, Vícente Míguez Salgueiro, vén de facernos entrega dun volume do libro 

"Conserveiras 

de Celeiro, Vicedo, Bares e Barqueiro", 

que escribiu xunto co tamén profesor do CEP Lois Tobío, historiador, presidente do Seminario de Estudos Terra de Viveiro e Cronista Oficial de Viveiro, Carlos Nuevo Cal.

Invitamos a toda a Comunidade Educativa a participar da lectura de tan interesante libro.

Resolución do Plan de mellora de bibliotecas escolares para o curso 2018-2019

RECOLLIDO DO BLOG DAS 

BIBLIOTECAS ESCOLARES DE GALICIA

O DOG do 20 de setembro publica a Orde de 10 de setembro de 2018 pola que se resolve a convocatoria do Plan de mellora de bibliotecas escolares en centros públicos non universitarios, de titularidade desta consellería, para o curso 2018/19.  

O documento conta de catro anexos, segundo os diversos apartados contemplados na convocatoria inicial:

• Anexo I: Centros integrados no PLAMBE en convocatorias de 2005 a 2007, e de convocatorias de 2011 a 2016, que reciben asignacións para ampliar e renovar os fondos da colección.
• Anexo II: Centros integrados no PLAMBE nas convocatorias de 2008 a 2010, que reciben, igualmente,  asignacións para renovar os fondos.  Neste caso tamén reciben asignación para renovar e ampliar mobiliario e equipamento imprescindible para o funcionamento da biblioteca como centro creativo de aprendizaxes.
• Anexo III:Centros integrados no PLAMBE na convocatoria 2017, que reciben asignación para fondos, mobiliario/equipamento e gastos de funcionamento da biblioteca escolar.
• Anexo IV: Centros públicos que se incorporan ao Plan de mellora de bibliotecas nesta última convocatoria de 2018 e que igualmente reciben asignación para fondos, mobiliario/equipamento e gastos de funcionamento da biblioteca escolar.

• TEXTO DA ORDE DO 10 DE SETEMBRO- RESOLUCIÓN PLAMBE (PÚBLICOS)- 2018/19 

O noso Centro pertence á Convocatoria 2009-2010, polo que este vai ser o 10º curso que estamos neste Plan. 
Ademais de asinarnos orzamento para libros (1400 €) tamén nos asinaron orzamento para mobiliario e equipamentos (1200 €). En total 2600 € que empregaremos na mellora da nosa BIBLIOSOÑOS.

1º día do curso escolar 2018-2019

Enviámoslles un afectuoso saúdo de benvida ao iniciar este novo curso escolar. 

Comezamos esta nova andaina con entusiasmo e ilusión e como sempre, comprometéndonos a impartir unha formación integral, enfocada cara á adquisición de valores, aprendizaxes e competencias.

Comezamos o curso 2018-2019

Imos comezar un novo curso e facémolo dando a noticia de que alumnado do noso colexio foi premiado en varias categorías, no  

Concurso de Carteis "Festa da Merluza de Celeiro 2018"
que convoca o Colectivo Chilindrín-Asociación Penalba de Celeiro 

1º Premio: Gardaría Municipal de Viveiro.
2º Premio: 4º Infantil, CEIP de Celeiro.
Accesit: Pedro Arias Garcia, 4º Primaria, CEIP Celeiro.
Accesit: Amalia Alonso Otero, 2º Primaria, CEIP Celeiro

Noraboa a todas e todos os participantes e felicidades polo premios acadados.
Estos son os carteis gañadores:

 4º Infantil

 Pedro Arias

Amalia Alonso