José Gómez Casas foi alumno deste colexio do que garda moi bos recordos, en especial o seu primeiro día cando entrou con 3 anos, a súa avoa díxolle que... "ía á compra e que enseguida o volvía a recoller".
As súas asinaturas preferidas eran as Matemáticas e a Educación Física. Despois foi ao Instituto María Sarmiento e recoñece que lle costou un pouco adaptarse pero máis adiante, xunto co seu pai, incorporouse á Educación Secundaria para Adultos e ámbolos dous remataron os estudos.
Iso si que é esforzo e valentía!
Jose segue a estudar con entusiamo no IES de Ortigueira o Ciclo Medio de Carpintería e incluso recoñece que tivo boas notas.
Compaxina os seus estudos co traballo na empresa de carpintería do seu pai "Che Ramón". Ao comezar a traballar a súa vida persoal toma un rumbo moi especial que el así valora, dado que se pode organizar mellor, con máis "orden" e que lle permite poder estudar e divertirse coma un rapaz da súa idade (ten 17 anos). Recoñece que a orientación do seu pai foi básica para poder emprender esta nova etapa da súa vida.
Che Ramón e Jose están a colaborar en varios proxectos do colexio:
- A cría de pollitos, para o que nos cederon os materiais.
- Exposición de ferramentas de carpintería de ribeira.
- Ademáis foron os encargados da reforma no novo escenario do colexio.
