CELEBRAMOS O DÍA ESCOLAR DA PAZ E NON VIOLENCIA

Hoxe venres, celebramos no cole,  o día escolar da paz , e por iso fixemos as seguintes actividades:

- Os nenos e nenas prepararon un precioso mural con desexos, onde colocaron as súas pombas.

- Unha coreografía que prepararon na clase de Ed. Física, coa súa mestra María e, interpretaron a canción "Paz, paz, paz" de Juanes, que prepararon coa mestra Marta, na clase de música.

Presentamos a continuación un vídeo resumo das mesmas.

Esperamos que vos gusten!

ENTREVISTA A MARÍA PRIETO

 O alumnado de 6º de primaria participou na gravación dun novo programa de RADIO NA BIBLIO, cunha entrevista a María Prieto (avoa de Nerea Pigueiras), traballadora na fábrica de conservas ALBO de Celeiro.

Esta entrevista está enmarcada dentro do proxecto "Coñecemos Celeiro". Nesta ocasión mergullámonos no mundo das conserveiras e en especial no traballo que en elas se realiza.

DÍA ESCOLAR DA PAZ E NON VIOLENCIA

O domingo, 30 de xaneiro, celebramos o día escolar da paz e non violencia e por iso esta semana xa estamos traballando nesta data tan importante.

O alumnado de 2º de Ed. Primaria elaborou este fermoso poema redactado e debuxado por eles. 

Un fermoso traballo dirixido pola súa mestra Anxélica.

Actividade de Educación Afectivo Sexual

 

O alumnado de 5º e 6º de Primaria participa no programa de Educación Afectivo Sexual, organizado polo profesorado do centro e impartido pola sexóloga e psicóloga Raquel Braña.

A charla/formación consiste en dúas sesións de hora e media (luns e xoves) e ten como obxectivos o coñecemento, a aceptación e a relación.

COMEZAMOS O ANO CO NOSO CALENDARIO

Este ano 2022 elaboramos un calendario onde os protagonistas son os nenos e nenas do noso centro.

Este curso o noso Proxecto Documental é "Coñecemos Celeiro" e por iso quisemos dar a coñecer algúns lugares representativos do noso pobo.

Esperamos que vos guste e que fagades uso del.