15/4/21

APRENDENDO XEOGRAFÍA

Os nenos e nenas de 4º de Ed. Primaria levaron a cabo un proxecto de xeografía. Dito proxecto consistiu en deseñar unhas maquetas para representar os distintos elementos do relevo, empregando diferentes técnicas e materiais.

No seguinte vídeo, podedes ver estas maquetas tan chulas.

 



26/3/21

DÍA INTERNACIONAL DO LIBRO INFANTIL E XUVENIL

 
O Día Internacional do Libro Infantil e Xuvenil celébrase o 2 de abril, coincidindo co  natalicio do escritor danés  Hans  Christian Andersen. O obxectivo, é espertar o interese e amor polos libros e a lectura dos nenos e novos e facer diso, un hábito de vida. 

Hans  Christian Andersen, foi o creador dalgúns dos contos clásicos infantís máis lidos en todo o mundo como o  Patito Feo,  Pulgarcita, o Soldado de Chumbo ou a  Sirenita e que tamén foron levados ao teatro e á gran pantalla. 

Para conmemorar esta data realizamos dous vídeos que recollen dous contos:

"Alicia no país das marabillas"de Lewis Carroll (Alumnado de 4º de Primaria)

 "Os músicos de Bremen"dos Irmáns Grimm (Alumnado de 3º de Primaria)


Estes traballos forman parte do proxecto "CONTOS E CANTOS" que levamos a cabo dentro da dinamización da Biblioteca Escolar e da Lingua Galega coa colaboración especial das titoras Xulia e Rosa e a profesora de Música.


22/3/21

RADIO NA BIBLIO: Poesía, árbore e auga

Programa de RADIO NA BIBLIO realizado por: Patrik (técnico de son), Andrés, Angel, Yeray e Sara.

Trataremos os seguintes contidos: 

• Andrés contaranos as últimas noticias sobre Marte 

• Angel o Día da árbore 

• Yeray o Día da auga 

• Sara do Día da Poesía e de como o celebramos no colexio 

    • Escoitaremos as seguintes cancións: 

  •      A margarida branca, cantada polo alumnado de 6º de Infantil 
  •      Verdes, verdes, cantada polo alumnado de de 2º de Primaria 
  •      Árbores da fraga, cantada polo alumnado de primaria. 

 


19/3/21

TRABALLOS SOBRE AS ÁRBORES E A POESÍA

O 21 de marzo ten doble celebración: Día das Árbores e Día da Poesía, por iso no colexio sempre relacionamos ámbalas dúas temáticas.

Durante a semana todos os cursos traballaron a poesía relacionada coa chegada da primavera, as árbores, plantas e natureza en xeral.

A continuación presentamos o Mural Colectivo realizado con poemas ilustrados:

O alumnado de 5º de Infantil traballou o poema "O cuco" de Manuel María e representáronno con figuriñas de plastilina. O produto final é o seguinte vídeo:

Deixamos tamén un enlace a unha recompilación sobre a temática da naturela na obra de Manuel María:

Este ano, ao igual que o curso pasado por mor da pandemia, non faremos  celebración conxunta por iso fixemos unha lista de reprodución no noso canal de youtube en relación coas árbores, auga e  poesía para recordar as anteriores celebracións.




16/3/21

Preparando as seguintes celebracións

 Os días 21 e 22 de marzo son unhas datas que no noso colexio temos sempre presente:

 

No colexio temos un blog especial dedicado á POESÍA:

BLOG  DÍA MUNDIAL DA POESÍA

Tamén temos unha páxina que recolle todo o que realizamos en torno ao día da árbore e da auga

DÍA DA ÁRBORE E DA AUGA

Durante esta semana estamos levando a cabo actividades complementarias relacionadas con estas datas e que unha vez finalizadas publicaremos no blog.




EXPOSICIÓN DE LIBROS E TRABALLOS



12/3/21

Entrada no blog de Escolas... nas Ondas!

 PREME NA IMAXE PARA ENTRAR NO BLOG 

E VER O  POST DO DÍA DA RADIO 2021 DO NOSO COLEXIO


9/3/21

MÁIS TRABALLOS PARA O DÍA DA MULLER

 


 

 

 

TRABALLOS DE INFANTIL



 

 

TRABALLOS DE PRIMARIA

4º, 5º e 6º


O alumnado de 6º de Primaria realizou un xogo de procura de  información sobre varias Mulleres Trans que traballaron a prol da IGUALDADE.

4/3/21

TRABALLOS REALIZADOS PARA O DÍA DA MULLER

 Durante esta semana estivemos traballando sobre a temática da Igualdade entre homes e mulleres tendo en conta a celebración do Día da Muller o 8 de marzo:
  •  Ampliación da páxina de recursos: 
  • Exposición de traballos e selección de lecturas:
  • Vídeo colectivo en homenaxe ás MATRIARCAS

1/3/21

Imos traballar o Día da Muller

 Saímos de Rosalía e agora toca traballar o DÍA DA MULLER antes DÍA DA MULLER TRABALLADORA.

PREME NA IMAXE 

PARA ENTRAR NA PÁXINA DEDICADA A ESTA TEMÁTICA

 

Este curso imos traballar a canción MATRIARCAS de Guadi Galego.

 No seguinte vídeo temos a letra e música:



24/2/21

En homenaxe a Rosalía de Castro

Hoxe é o Día de Rosalía de Castro, un día moi especial nos colexios de toda Galicia, por iso deixamos nesta entrada do blog unha presentación que recolle todos os traballos que realizamos durante a semana para recordar a Rosalía e que foron propostos a través dos equipos de Biblioteca e Dinamización da Lingua Galega.

PREME AQUI PARA PODER ACCEDER A ELES





Programa de Radio na Biblio: Especial Rosalía de Castro

 PÁXINA DA RUFOSOÑOS

A Radio da Biblioteca do CEIP de Celeiro

Con motivo da celebración do Día de Rosalía de Castro, o alumnado de 6º curso preparou un programa especial dedicado á nosa gran escritora galega.

No programa participa o grupo formado por Nicolás F., Bruno, Helena, Alison e Lía. 

Traballaron os seguintes contidos:

  • Breve semblanza da súa vida e obra.
  • Os poemas que musicamos e cantamos no colexio
  • Os diferentes traballos que se realizaron nas aulas durante esta semana: murais, vídeo-libros, marcapáxinas, caligramas con distintos poemas da autora e tamén inventaron acrósticos no nome de Rosalía...


 

18/2/21

Preparando a Rosalía de Castro

24 de febreiro, Día de Rosalía,

 nas Bibliotecas Escolares de Galicia

Na Bibliosoños temos unha páxina especial dedicada a ela 

onde atopamos moita información e 

tamén recollemos todos os traballos que realizamos por cursos:

PREME NA IMAXE PARA ENTRAR

Tamén cantamos moitos dos seus poemas:

13/2/21

DÍA MUNDIAL DA RADIO


PREME NA IMAXE PARA ENTRAR NA PÁXINA DA  RUFOSOÑOS 

PARA VER E ESCOITAR O PROGRAMA DE 

RADIO NA BIBLIO DEDICADO AO 

"DÍA MUNDIAL DA RADIO"


12/2/21

ENTROIDO 2021

Este ano non quixemos deixar de "celebrar" a tradicional FESTA DO ENTROIDO, por iso e como mellor puidemos, seguindo as normas de seguridade COVID, non nos faltaron as ganas para seguir os mandatos da MECA e disfrazarnos o venres antes das vacacións do Entroido.

NO BLOG DO ENTROIDO TEMOS MÁIS INFORMACIÓN

VÍDEO COAS FOTOS DO ENTROIDO 2021 NO COLEXIO



11/2/21

11 de febreiro: Día internacional da Muller e a Nena na Ciencia

 COMPARTIMOS O ARTIGO DO BLOG DAS BIBLIOTECAS ESCOLARES DE GALICIA

No ano 2015, a ONU estableceu un Día Internacional para recoñecer o rol crítico que xogan as mulleres e as nenas na ciencia e a tecnoloxía, a través da Resolución A/RES/70/212. A finalidade é lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas... SEGUIR LENDO

Tamén vos convidamos a entrar na seguinte páxina  #NoMoreMatildas e visualizar o seguinte vídeo:



7/2/21

MANDATOS DO MECO

E aquí tedes un vídeo resumo dos mandatos do meco.... e xa sabedes que....
O MECO MANDA
O MECO ORDENA
E SE NON OS CUMPRES
PAGARÁS UNHA CONDENA

Así que toca divertirse! Boa semana




 

5/2/21

MANDATOS DO MECO PARA O ENTROIDO 2021

 

Na entrada do cole xa temos preparada a MECA deste ano que nos irá "mandando" o que temos que traer na semana do Entroido.

E ollo ao máis importante!!!: temos que seguir cumprindo as normas sanitarias porque a COVID-19 segue aí...



PREPARANDO O ENTROIDO

     Os días 15, 16 e 17 de febreiro son as datas do  NON Entroido deste ano.

No colexio sempre celebramos estas festas tan populares e pronto vos informaremos dos mandatos do MECO.

Para ir buscando información sobre estas festas fixemos a seguinte presentación:

PREME NA IMAXE 


 TAMÉN PODEDES OLLAR O BLOG DO ENTROIDO


4/2/21

MAIS ACTIVIDADES NA SEMANA PARA A PAZ

   A semana pasada non poidemos gravar esta fermosa canción Irmaus do poema de Celso Emilio Ferreiro, interpretada polos nosos nenos e nenas  de 6º de Ed. Infantil coa axuda do seu mestre Mario, pero si o fixemos hoxe aproveitando esta fermosa mañá na que nos acompañou o sol.



1/2/21

29/1/21

SEMANA ADICADA A PAZ

Como cada ano nestas datas, o noso alumnado estivo a facer moitas actividades relacionadas coa Paz, xa que mañá sabado, 30 de xaneiro,  celebramos o DIA ESCOLAR DA PAZ E A NON VIOLENCIA.

Foron moitos os murais que elaboraron, ademais das distintas manualidades. Na clase de música tamén recordaron cancións relacionadas con esta data tan especial.

Deixámosvos a continuación unha pequena mostra dos traballos realizados polos nosos rapaces e rapazas.

MURAIS E TRABALLOS ELABORADOS POLOS NENOS DE ED. INFANTIL

MANUALIDADES ELABORADAS POLOS NENOS E NENAS DE 1º E 2º ED. PRIMARIA


ACTUACIÓNS MUSICAIS SOBRE O DIA DA PAZ

LIBRO DO ABECEDARIO SOBRE A PAZ ELABORADO POLO ALUMNADO DE 6º DE ED. INFANTIL
 


EXPOSICIÓN DE LIBROS DA NOSA BIBLIOTECA SOBRE A PAZ
VÍDEO REUMEN DOS NOSOS TRABALLOS



28/1/21

Concurso de microrrelatos da Real Academia Galega

 

Xa está en marcha a convocatoria do IV Concurso de microrrelatos da Real Academia Galega e PuntoGal, aberto á participación de persoas de todas as idades. Animamos a toda a comunidade educativa e en especial ao alumnado a participar.

BASES DO CONCURSO

27/1/21

VISITA "THE BLUE ROBOT PROJECT"

Hoxe tivemos a visita de Blue, o androide de Fedepesca que permanece estes días na Cofradía de Celeiro .    O alumnado de 5º e 6º de Ed. Primaria tivo a oportunidade de coñecelo e poder interactuar con el.

Faloulles da importancia da biodiversidade e do seu coidado e da importancia de manter un equilibrio sostible no mar.  Ademais faláronos dos distintos tipos de artes de pesca e da importancia de usar o axeitado para manter limpo o noso mar.

Os nenos/as puideron interactuar con Blue, que lles fixo algunha pregunta despois da súa explicación e que os nosos rapaces e rapazas souberon responder con gran acerto.

A continuación deixámosvos unhas fotos da sesión tan entretida que tivemos:




E agora, aquí tedes un vídeo resumo do máis divertido:



10/1/21

Comezamos o 2º trimestre!

 Comezamos o 2º trimestre e como todos os cursos prestarémoslle moita atención á Celebración do Día de Páz e Non Violencia, para ir traballando podemos ir buscando moita información nas seguintes páxinas e presentacións. BO COMEZO DE TRIMESTRE!!!

 PREMER NAS IMAXES

PÁXINA DE RECURSOS PARA  TRABALLAR O DÍA DA PAZ E NON VIOLENCIA


NA SEGUINTE PRESENTACIÓN ATOPAREMOS 

AS CANCIÓNS QUE IMOS PREPARAR ESTE CURSO


21/12/20

PRESENTACIÓN: TODO SOBRE O NADAL 2020

Proxecto "CONTOS E CANTOS"

Desde a Biblioteca e en colaboración coa Aula de Educación Musical, levamos varios cursos poñendo en marcha un proxecto que titulamos "Contos e cantos". 

Consiste na lectura ou posta en escea dun conto, de autor ou popular, que preparan as titoras e titores nas aulas e que se acompaña dunha canción que preparan na aula de música.

Neste Nadal as titorías de 3º, 4º, 5º e 6º curso prepararon catro contos coas súas respectivas cancións.

 "CONTO DE NADAL" Charles Dickens


"O ABETO" Hans Christian Andersen


"O SEGREDO DO NADAL" popular

"O NADAL DOS CONTOS" Xose Lueiro



15/12/20

Encontro Literario con MARÍA ROLLE

 Na maña do martes 15 de decembro, o alumnado de 4º de Primaria, tivo un Encontro Literario con MARÍA ROLLE, autora do libro "Esta non é outra historia de piratas".
Foi unha sesión moi divertida: 
  • Visualizaron un vídeo de presentación.
  • Fixéronlle moitas preguntas sobre o libro.
  • As nenas e nenos entregaron a María un libro feito cos debuxos de cada capítulo do libro.
  • Fixeron un xogo especial sobre o coñecemento do libro: "PASAPIRATA".
  • Rematamos  este encontro cunha  asinatura de libros.


 

 

14/12/20

PREPARANDO O NADAL

Comezamos unha semana con moitos preparativos para este Nadal 2020 tan atípico e diferente.

  • Estamos a ambientar o cole con moitos traballos realizados polo noso alumnado (seguindo todos os protocolos)
  • Este ano o FESTIVAL DE NADAL será virtual polo que dedicaremos toda esta semana a realizar as diferentes gravacións que poderedes disfrutar o último día antes das vacacións:
    • CONTOS E CANTOS de Nadal...
    • PANXOLIÑAS con moitos bailes...
    • E a visita do noso APALPADOR... 
  • Como ven sendo habitual, todas as actividades tamén poderedes seguilas a través dos diferentes blogues do colexio.
Estamos a piques de rematar un  trimestre moi diferente a dos outros anos, no que nos tivemos que ir  readaptando a... "Os moitos Protocolos". 
Todo o alumnado e todo o profesorado fixo un gran esforzo para seguir traballando con moito entusiasmo e ilusión. 
Gozaremos das necesarias vacacións de Nadal, non sen antes comprometernos a seguir todas as normas con responsabilidade e así poder volver moi pronto á tan ansiada normalidade.
Para desexar a toda a comunidade educativa un Bo Nadal e Feliz Aninovo enviámosvos a seguinte Postal Virtual:
 


11/12/20

RECOMENDACIÓNS LECTORAS PARA O NADAL

Agora que se achegan as datas do Nadal e os nenos e nenas terán que escribir as súas cartas para Papá  Noél e  SS.MM. Os Reis Magos, é un bo momento para incluír un libro nas peticións. Desde este blogue  poderedes atopar recomendacións para axudar  a realizar as súas misivas. 





2/12/20

Día Internacional das Persoas con Discapacidade


O 3 de decembro é o Día Internacional das Persoas con Discapacidade. Este ano, a OMS únese aos seus asociados baixo o lema «Un día para todos», co cal se quere reflectir a crecente aceptación de que a discapacidade forma parte da condición humana. Case todos nós experimentaremos unha discapacidade temporal ou permanente nalgún momento das nosas vidas.


Para recordar este día fixemos un "vídeo-postal" do NADAL con pictogramas e presentamos o conto "O cazo de Lorenzo".

 

 

VER NESTE BLOG MÁIS ENTRADAS SOBRE BIBLIOTECA INCLUSIVA  

PREME NA IMAXE PARA ENTRAR NA PÁXINA DE RECURSOS

As nenas e nenos de 6º de E.I. conmemoraron este día.




26/11/20

MES DA CIENCIA EN GALEGO

Durante todo o mes de novembro as nosas aulas  enchéronse de experimentos e así as científicas e científicos foron presentando os seus traballos.

Alumnado de 1º curso

Alumnado de 2º curso

Alumnado de 4º e 5º curso

 
Alumnado de 6º curso


Novembro, Mes da Ciencia en Galego nas Bibliotecas - 2020

Desde a Asesoría de bibliotecas escolares realizouse unha recompilación de recursoso dixitais, relacionados coa ciencia, en galego, que se pon a disposición de todas as bibliotecas: libros e unidades didácticas descargables en formato pdf, páxinas web de institucións, museos e asociacións de profesores e divulgadores científicos, convocatorias e propostas, blogs de ciencia dos centros educativos, experiencias de bibliotecas escolares, etc.

25/11/20

25 de novembro, Día Internacional da Eliminación da Violencia contra a Muller

O Día Internacional da Eliminación da Violencia contra a Muller celébrase anualmente o 25 de novembro para denunciar a violencia que se exerce sobre as mulleres en todo o mundo e reclamar políticas en todos os países para a súa erradicación.

Lei Orgánica 1/2004, do 28 de decembro, de Medidas de Protección Integral contra a Violencia de  Género. BOE, no seu artigo 1.1., define a violencia de xénero como aquela que, “como manifestación da discriminación, a situación de desigualdade e as relacións de poder dos homes sobre as mulleres, exércese sobre estas por parte de quen sexa ou fosen os seus cónxuxes ou de quen estea ou estivesen ligados a elas por relacións similares de afectividade, aínda sen convivencia”, e “comprende todo acto de violencia física e psicolóxica, incluídas as agresións á liberdade sexual, as ameazas, as coaccións ou a privación arbitraria de liberdade.”

No colexio traballamos cara á igualdade entre nenos e nenas, mulleres e homes, onde descartamos todo tipo de violencia.

PREME NA IMAXE: Nesta páxina atopamos todo o que traballamos por cursos

Este ano tan atípico, o alumnado de 5º e 6º curso foron os encargados de ambientar o  recuncho expositor. Nel podemos ver mensaxes que nos invitan á reflexión e a seguir traballando para erradicar todo tipo de violencias.
Durante esta semana o alumnado de 4º de E.I. elaborou xogos cooperativos con materiais de refugallo aportado polas familias. Hoxe, 25 de novembro, Día Internacional da Eliminación da Violencia contra as Mulleres, aprenderon valores empregando os xogos que elaboraron.
 
Tamén o alumnado de 6º de E.I. din: "STOP A VIOLENCIA MACHISTA"