Que é IBBY?
A International Board on Books for Young People (IBBY) é un colectivo sen ánimo de lucro. Está composto por asociacións e persoas de todo o mundo comprometidas coa idea de propiciar o encontro entre os libros e a infancia. IBBY fundouse en Zurich (Suíza) en 1953 e está constituído por setenta seccións nacionais. En España IBBY está representado por OEPLI, Organización Española para el Libro Infantil y Juvenil, sección española de IBBY con sede en Madrid. OEPLI está organizada en catro seccións en consoancia coa pluralidade cultural e lingüística do Estado español: o Consejo General del Libro Infantil y Juvenil (para a lingua castelá); CCLIJ Consell Català del Llibre per a Infants i Joves (para a lingua catalana), GÁLIX, Asociación Galega do Libro Infantil e Xuvenil (para a lingua galega) e Galtzagorri Elkartea (para a lingua vasca).
No hay comentarios:
Publicar un comentario