CELEBRAMOS O DÍA DA PAZ E NON VIOLENCIA

Chegado este gran día de celebración o noso colexio xa está totalmente preparado despois de levar a cabo todas as actividades que propuxemos:

• POEMAS PARA A PAZ
• LIBROS PARA A PAZ
• VÍDEOS CONMEMORATIVOS 
• VÍDEO-CONTO "O ESQUÍO PREGUICEIRO"
• LECTURA DE POEMAS NA BIBLIOSOÑOS
• AMBIENTACIÓN COAS POMBAS DA PAZ e O NOSO MUNDO.
• Manifesto: AS NENAS E OS NENOS APRENDEN O QUE VIVEN

 No seguinte vídeo podemos ver un pequeno resumo das mesmas.

Vídeo-Conto "O esquío preguiceiro"

O alumnado de 6º curso de Valores Socias e Cívicos prepararon un vídeo-conto para conmemorar o Día da Paz e Non Violencia.

Este conto é unha adaptación realizada por Xosé Lueiro da fábula de Esopo “La cigarra y la hormiga”. 

A intencionalidade didáctica desta historia quere poñer en valor o traballo e o esforzo frente á pereza ou preguiza. 

 Está narrado por Tábata, Julia, Carmen e Bryan, alumnas e alumno de 6º curso. 

A continuación do conto podemos escoitar a canción que leva o mesmo título “O esquío preguiceiro”, cantada polo alumnado de 1º curso.

VÍDEOS CONMEMORATIVOS "Día da Paz e non Violencia"

BIBLIOTECA INCLUSIVA

Biblioteca Inclusiva é o nome dun novo programa no contexto do Plan LÍA 2016-2020 de Bibliotecas Escolares, que desenvolve algunhas das liñas contempladas no desafío número tres deste Plan. Este programa pretende sensibilizar sobre a necesidade de avanzar cara unha biblioteca que responda ás necesidades de todo o alumnado do centro e que enfronte os retos, dunha forma decidida, que presenta a diversidade. 

O noso centro acaba de ricibir unha cuantía importante co fin de renovar e ampliar os fondos da colección da biblioteca escolar e tamén para renovar e ampliar o mobiliario ou o equipamento da mesma, de cara a unha mellor atención da diversidade e cara unha BIBLIOTECA INCLUSIVA. 

ACCESO AOS MATERIAIS DA XORNADA "BIBLIOTECA INCLUSIVA. LECTURA E DIVERSIDADE" (importante selección de recursos)

LIBROS PARA A PAZ

Exemplos de Producións Sonoras dentro do Proxecto: RADIO NA BIBLIO

No blog das Bibliotecas Escolares de Galicia atopamos exemplos de programas realizados por varios centro educativos.

Primeiras producións sonoras de Radio na biblio. Curso 2017/2018

POEMAS PARA A PAZ

O día 30 de xaneiro celébrase o DÍA DA PAZ E NON VIOLENCIA, por iso nas aulas xa se están levando a cabo diferentes actividades.

Dende a Bibliosoños propoñemos as seguintes:

• Como este curso está adicado ás POÉTICAS DIVERSAS seguimos pedindo traballos sobre a poesía, neste caso sobre o tema da PAZ.
• O mércores, 30 de xaneiro, no tempo do recreo e na Biblioteca, faremos un maratón de lectura destes poemas.
• Recolleremos imaxes da actividade e faremos un vídeo especial.
• Co alumnado de 6º curso realizaremos un vídeo conmemorativo deste día coa canción "O PROGRESO".
• No blog especial do DÍA DA PAZ E NON VIOLENCIA iremos publicando todas estas actividades

Escolas... nas Ondas!

No páxina web de PONTE... NAS ONDAS!, no apartado de Escolas... nas Ondas! e dentro de VÍDEONOVAS  podemos ver o noso vídeo do OBRADOIRO DE INICIACIÓN Á RADIO.

CLICA NA IMAXE

OBRADOIRO DE INICIACIÓN Á RADIO

Durante a mañá do martes, 15 de xaneiro, o alumnado de 6º curso de Primaria participou no Obradoiro de Iniciación á Radio impartido por:

• Damián Alonso, actor de voz e dobraxe e de teatro. Locutor en publicidade e documentais en radio e tv.

• Xerardo Feijoo, mestre e integrante da A.C.P. Ponte...nas ondas!

O profesorado do centro tamén recibiu formación na tarde do mesmo día.

 O traballo foi moi ilusionante e quedamos comprometidos para poder realizar programas de RADIO "ao noso xeito".
Queda moito traballo por diante:

• Elixir a ubicación do estudio de radio.
• Adquirir os materiais: mesa de mezclas, amplificador, altosonantes,micros...
• Diseñar que tipo de programas de radio levaremos a cabo.
• Formar os diferentes equipos de técnicos, presentadores, guionistas, colaboradores...

No seguinte vídeo podemos ver imaxes do Obradoiro recibido e a gravación do PROGRAMA DE PROBA.

Moitas grazas a Xerardo e Damián polas súas ensinanzas e bos consellos!!!

COMEZAMOS O 2º TRIMESTRE

Comezamos este 2º trimestre e, como xa informamos na entrada do mes de decembro, imos comezar un novo proxecto:

RADIO NA BIBLIO

O alumnado de 6º curso e o profesorado do centro vai participar no OBRADOIRO DE INICIACIÓN Á RADIO durante martes 15 de xaneiro e terá como contidos:

1ª Parte

• Locución, dicción, articulación transmisión da voz.

• Elaboración de Podcast 

• Introdución ao manexo do programa Audacity: gravación e edición do son.

 2ª Parte

• Montaxe dunha emisora: Espazo físico. Aparellos básicos: (aportados por nós como mostra ou usando os que teña o cole) mesa de mesturas, amplificador, micros, alto falantes, ordenador.

• Estrutura dunha emisión: Sintonías. Cortes de voz. Cortes de música. Diferenza entre locución e control técnico.

• Elaboración dun programa, deseño e tipoloxía de programas: como elaborar un guión e unha escaleta. Que temas podo tratar?. Música para os programas. Licenza para utilizar as músicas dos tres disco-libros editados por PNO: “Meniños Cantores”, “Cores do Atlántico” e “Na ponte”

 O obradoiro será impartido por :

• Damián Alonso, actor de voz e dobraxe e de teatro. Locutor en publicidade e documentais en radio e tv.

• Xerardo Feijoo, mestre e integrante da A.C.P. Ponte...nas ondas!

FESTIVAL DE NADAL E VISITA DO APALPADOR

E xa chegamos ao final do 1º trimestre, todo estaba preparado para o gran día!.

O alumnado de 6º de Infantil, xunto coa súa titora Cristina Freán, prepararon unha dramatización moi especial do conto "O Apalpador e o arco da vella".

Tamén cantamos as panxoliñas que preparamos para este Nadal.

Tivemos a visita especial do noso particular Apalpador e por último disfrutamos  dunha pequena sesión de cine nas diferentes aulas.

Foi un día moi especial!

FELICES VACACIÓNS DE NADAL

 

NO BLOG DO NADAL PODEMOS VER OS VÍDEOS

CLICA NA IMAXE

O castiñeiro do Apalpador

Cal é a orixe do Apalpador? Por que un carboeiro do Courel decidiu dedicar a súa vida a sorprender cada fin de ano con pequenos agasallos?

Todo isto o descubrimos neste fermoso libro e na adaptación dramatizada que realizaron as nenas e nenos de 6º curso, xunto coa súa titora Rita Lamas.

NO VÍDEO PODEMOS VER A ACTUACIÓN 

O Apalpador e o arco da vella

Hoxe tivemos a visita dos usuarios da Residencia DOMUS VI de Viveiro que nos contaron o conto do Apalpador e o arco da vella de Xoán G.

Participamos todo o colexio e pasamos uns momentos moi agradables con todos eles.

Moitas gracias pola vosa visita.

AMBIENTAMOS O NOSO NADAL

Esta semana remata o primeiro trimestre e xa temos a ambientación de Nadal casi rematada. 

No seguinte vídeo podemos ver o Belén de Infantil e de Primaria, ás árbores de Nadal, as tarxetas de felicitacións... 

A comunidade educativa do colexio quere desexar un 

BO NADAL E FELIZ ANINOVO 2019

Aprendemos moitas cousas sobre CORREOS

 

O alumnado de Infantil, 1º e 2º curso, na Biblioteca do Colexio, tiveron  a visita de dúas carteiras, Loreto e Elisa Rapa, tía e nai de Antía de 2º e Adrián de 5º Infantil.

Elas levan moitos anos sendo carteiras do servizo de Correos.

Explicáronlles todo o procedemento desde que escribimos e enviamos unha carta ata a entrega e recepción do destinatario.

Fixeron moitas preguntas e aprenderon moitas cousas sobre este importante servizo de comunicación.

Moitas gracias ás dúas pola súa dispoñibilidade e atención hacia o noso alumnado.

Concerto de Nadal na Igrexa de Celeiro

O coro do colexio foi invitado a cantar na Igrexa Parroquial de Celeiro o domingo, 16 de decembro. Cantaron para as familias e veciños un programa cheo de vilancicos, panxoliñas e cancións e Nadal.

Difrutaron moito e foron moi aplaudidos polo numeroso público que asistiu a este pequeno concerto.

NOTICIAS NA PRENSA

LA VOZ DE GALICIA, A MARIÑA

Actividades especiais do colexio

O coro do colexio participou na tarde de onte no Mercado Solidario que organiza a Residencia DOMUS VI de Viveiro, tamén donamos lotes de tarxetas de Nadal feitas polo noso alumnado.

Foi unha tarde entrañable en familia; as nenas e nenos cantaron para os residentes que os escoitaron con moita atención e foron moi aplaudidos.

Tamén queremos publicar o vídeo da panxoliña inédita deste Nadal "Alo no Portal", con imaxes relacionadas coa ambientación do colexio. Con este vídeo participamos no concurso da CRTVG "A Canción do Nadal 2018".

Seguimos recollendo información

Ponte...nas Ondas! Información para irmos collendo forzas para comezar coa RADIO NA BIBLIO

Colaboramos co Mercado Solidario

O emprego da radio na escola

A radio implica imaxinación, maxia, música, expresión, comunicación, coñecemento, diversión, reflexión e tamén tecnoloxía, novidade e realidade social.

Para máis información podemos ver a seguinte presentación de Javier Prado Espiñeira, membro do grupo REDE ESPORA: