PROGRAMA NÚMERO 6 de RADIO NA BIBLIO

Publicamos hoxe un novo programa de RADIO NA BIBLIO, facémolo en formato vídeo "Como o fixemos" e en formato audio. 

Lembrade que podedes ver todos os programas na PÁXINA ESPECIALda RADIO NA BIBLIO.

Este programa foi realizado polo equipo formado por Antía, Aarón, Bryan, Tábata, Carmen e Julia, alumnas e alumnos de 6º curso.

O tema escollido foi "As nosas experiencias de laboratorio".  Despois dun estudo profundo dos diferentes reinos a titora de 6º curso, Rita, propúxolles facer un Laboratorio para realizar diferentes experimentos cos seres vivos. Comezaron a preparar os experimentos e así fixeron 5 grupos. Cada un deles tiña que traballar un reino preparando  e ensinando aos diferentes cursos de primaria os seus experimentos.

 

Presentación do libro "Esta non é outra historia de piratas"

Na tarde do luns, 1 de abril, na Sala da Biblioteca Municipal de Viveiro,  María Rolle Insua presentou o seu primeiro libro "Esta non é outra historia de piratas", ilustrado por Mari Carmen Pernas.

O acto foi presentado por Iván Díaz e nel tamén interviron Jaime Oroza e  Silvia que compuxo e interpretou a canción que leva o mesmo título do libro. Na presentación, despois de falar as protagonistas María e Mari Carmen, proxectouse un book trailer realizado pola ilustradora do libro.

«É unha sensación única cando che veñen os nenos dicindo 'comprei o teu libro'»

Neste día en que se celebra o día Internacional do libro Infantil e Xuvenil é unha noticia moi importante para as bibliotecas escolares pois entra un novo libro con moita frescura e entretido na súa lectura.

Na nosa biblioteca xa temos varios exemplares e o alumnado de 3º e 4º curso teranno como lectura obrigada para o 3º trimestre.

Seguro que faremos un traballo especial con canción incluída!!!

Traballando no proxecto "Ao abeiro dos nosos montes"

Durante as dúas primeiras semanas do mes de abril imos levar a cabo varias actividades relacionadas co proxecto "Ao abeiro dos nosos montes". 

• Luns 1, o alumnado de 1º e 2º curso viaxan ata o Barqueiro no concello de Mañón para visitar a Mina Sonia de Cuarzos Industriais.

• Martes 2, o alumnado de 5º e 6º recibe a visita de Roberto Cabo Pérez, inxeñeiro de montes e membro do Espazo Agroecolóxico A Estruga, que lles falará dos montes, os seus usos e tamén como interpretar planos dos mesmos.
• Xoves 4, o alumnado de Infantil recibe a visita de Marcos Besada, inxeñeiro agrícola e membro do Espazo Agroecolóxico A Estruga, que lles falará do Xardín Botánico do noso Colexio.
• Venres 5, o alumnado de 3º e 4º curso recibe a visita de Carlos Méndez, presidente da Comunidade de Montes "San Roque", quen falará de como se xestiona a mesma.
• Mércores 10, o alumnado de 1º e 2º curso recibe a visita de Marcos Besada para falarlles da flora e fauna dos nosos montes.

En posteriores entradas no blog iremos poñendo os traballos realizados e que tamén quedarán recollidos na PÁXINA ESPECIAL DO PROXECTO

AO ABEIRO DOS NOSOS MONTES

2 de abril, Día Internacional do Libro Infantil - 2019

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

Cada ano unha Sección Nacional ten a oportunidade de ser a patrocinadora internacional do Día do Libro Infantil. Esa Sección elixe un tema e selecciona a un autor ou autora importante do país co fin de que escriba unha mensaxe para os nenos e nenas do mundo, e a un recoñecido ilustrador ou ilustradora para que deseñe un cartel que se difunde en colexios, bibliotecas, a través dos medios de comunicación, etc. Con este motivo organízanse diferentes actividades de animación, encontros con escritores e ilustradores, concursos e outras accións puntuais.

No seguinte vídeo nenas e nenos de 6º curso presentan os libros que están a ler:

PROGRAMA NÚMERO 5 de RADIO NA BIBLIO

Publicamos hoxe un novo programa de RADIO NA BIBLIO, facémolo en formato vídeo "Como o fixemos" e en formato audio. 

Lembrade que podedes ver todos os programas na PÁXINA ESPECIALda RADIO NA BIBLIO.

Este programa foi realizado polo equipo formado por Candela, Ainara, Nayara, Ánxela, Leire e Ana, alumnas de 6º curso.

O tema escollido foi a celebración do día da Árbore e o Día da Poesía.

1 de abril, Día das Artes Galegas: Luís Seoane

Luís Seoane, a figura distinguida co 

Día das Artes Galegas 2019

O Día das Artes Galegas foi instituído en 2015 e conmemórase o 1 de Abril. Até agora os nomes homenaxeados foron os do Maestro Mateo (2015), 

Castelao (2016), Maruxa Mallo (2017)   

Alejandro de la Sota (2018) e este ano

Luís Seoane (2019)

NA PÁXINA ESPECIAL

ARTES PLÁSTICAS NA MARIÑA 

atopamos moita máis información.

 

Dado que este curso estamos a traballar as POÉTICAS DIVERSAS, realizaremos actividades centrando a nosa atención na poesía como a principal expresión literaria do Seoane escritor.

Encontros do PLAMBE

Encontros PLAMBE 2018/2019

Os días 21 e 22 de marzo celebráronse en Compostela os Encontros do Plan de mellora de bibliotecas escolares correspondente ao curso 2018/2019, con intervención de persoas expertas en diversos ámbitos relacionados coas biblioteca, a literatura, a comunicación, o patrimonio, a mediación lectora, as competencias informacionais e mediáticas, a tecnoloxía educativa e a produción audiovisual. Ademais, presentáronse un total de 26 experiencias de centro de moi diverso contido (funcionamento da biblioteca escolar, "hora de ler", voluntariado, biblioteca inclusiva, espazo creativo, proxecto lector, Radio na biblio, clubs de lectura, traballo por proxectos e outros). Neste ano de "poéticas diversas", a poesía estivo presente da man de Mar Benegas, Montse Pena e Carlos Negro.

A coordinadora da nosa Biblioteca tamén acude a estas xornadas pois forma  parte das súas obligacións por pertencer ao PLAMBE (Plan de Mellora de Bibliotecas Escolares). Entramos no Plan no curso 2009-2010 polo que para o vindeiro curso celebraremos o 10º aniversario de xeito moi especial.

As xornadas son un punto de encontro para compartir, aprender, expoñer... moi diversas actividades das Bibliotecas Galegas. 

Aproveitamos este encontro para reunirnos as compoñentes e o compoñente da MICRORREDE PLAMBE A MARIÑA para ultimar os preparativos da convocatoria deste curso:

"A POESÍA QUE SENTIMOS" 

Tamén contactamos coas asesoras e autoridades educativas a quenes lles fixemos entrega das invitacións para a inauguración que será o martes, 4 de xuño.

Celebramos o Día da Árbore, Auga e Poesía

Día Internacional dos Bosques

 Día Mundial da Poesía

Hoxe foi un día moi especial!   Despois do recreo xuntámonos todos os cursos para celebrar o Día da Árbore, Auga e Poesía.

Durante a semana estivemos preparando esta celebración con diferentes actividades:

• Aprendimos a canción Árbores da fraga 
• Escollimos unha árbore do noso colexio para apadriñala 
• Aprendimos un poema para recitalo no apadriñamento 
• Realizamos murais e debuxos 

Na celebración fixemos:

• Os nenos e nenas de 6º curso plantaron un ameneiro mentres os demáis cursos cantamos a canción "Árbores da fraga" 
• Apadriñamos a árbore que cada curso escolleu e lles recitamos os poemas 
• Rematamos a xornada facendo limpeza dos diferentes espazos exteriores do noso colexio: as plantas do parque infantil, o horto, a charca, o xardín zen e os patios interiores. 
• Despois de todo o inverno había moito que limpar e agora na primavera poderemos disfrutar dun entorno limpo e coidado. 

No seguinte vídeo podemos ver un pequeno resumo da celebración.

 A continuación podemos escoitar os poemas que foron recitados nos apadriñamentos.

Obradoiro dos presentadores, 4º Infantil

Presentamos o vídeo do alumnado de 4º de Infantil realizado pola súa mestra Iris.

Na Semana da Prensa na Escola fixeron un "Obradoiro de Presentadores".

Traballando no proxecto "Ao abeiro dos nosos montes"

 AO ABEIRO DOS NOSOS MONTES

O proxecto documental que estamos a traballar este curso vai sobre os montes, árbores e animais que nel viven, por iso arredor da celebración do Día da Árbore, os diferentes cursos están a presentar diferentes traballos sobre as árbores.

• 6º Infantil: Presentación "BENEFICIOS DAS ÁRBORES"

• 2º de Primaria: "Colección das árbores de 2º curso", I O Carballo

• 4º de Primaria: "Nove razóns para plantar unha árbore"

Exposición de libros e traballos poéticos

Xa estamos comezando a  preparar a celebración dos días da Poesía, Árbore e Auga, por iso no rincón das exposicións xa podemos atopar libros relacionados coas diferentes celebracións.

Poesía musicada e ilustrada

O xoves, 21 de marzo, celebraremos o Día da Poesía, da Árbore e da Auga, por iso nas aulas xa se están realizando moitas actividades.

Agora presentamos un vídeo que recolle dous poemas musicados:

• "Verdes, Verdes" con debuxos feitos polo alumnado de 6º Infantil e cantado polo alumnado de 2º curso.
• "TOC, TIC, TOC" con debuxos feitos polo alumnado de 5º Infantil e cantado polo alumnado de 6º de Infantil.

RADIO NA BIBLIO: Especial DÍA DA MULLER

O equipo de traballo formado por Antía, María, Julia, Ana e Candela gravaron o PROGRAMA DE RADIO NA BIBLIO NÚMERO 4 co tema do DÍA INTERNACIONAL DA MULLER.

No vídeo podemos ver "COMO O FIXEMOS" e tamén podemos escoitar o audio.

Recordade que atoparedes todo o relacionado coa RADIO NA BIBLIO na seguinte páxina especial

SEMANA DA PRENSA NA ESCOLA

Esta semana todo o centro participou de diferentes sesións para traballar a prensa na escola.  

A introdución do xornal na escola non é só unha ferramenta pedagóxica senón tamén un medio importante de conectar ao neno co mundo que lle rodea.

Realizáronse moitas actividades, na seguinte presentación podemos ver a exposición destes traballos.

Apadriñamento Lector

Durante esta semana, o alumnado de 3º curso de Primaria, nas sesión da  Hora de Ler,  realizou  un Apadriñamento Lector que consistiu na dramatización do conto "Os nós da rede" de Sara Cone Bryant (adaptación de Xosé Lueiro). 

Tamén cantaron a canción "O mariñeiro Malapata" (Letra de Gloria Fuertes e Música de Xosé Lueiro).

De luns a mércores foron polos cursos de Primaria e o xoves fixeron o apadriñamento para o alumnado de Infantil na Biblioteca.

SEMANA DA PRENSA NA ESCOLA

RECURSOS  PARA  TRABALLAR  A PRENSA  NA  ESCOLA

Semana da Prensa | Programa Prensa-Escuela

LA VOZ DE GALICIA

A semana da Prensa na escola axuda aos alumnos a comprender o universo da prensa. Favorece o exercicio da lectura comparada das informacións e desenvolve o espírito crítico. Tamén se contribúe ao reforzo da lectura e da escritura. Ao mesmo tempo, ao largo da semana, trátase de amosar a gran variedade dos medios de información: prensa escrita, cotiá ou revistas, estacións de radio públicas ou privadas, canles de televisión nacionais ou rexionais, novas redes de información e a prensa realizada polos mozos.

OBXECTIVOS A TRABALLAR

• Fomentalo uso da prensa na aula.
• Descubrir a diversidade dos medios de información.
• Incitar aos alumnos a lela prensa utilizando varias fontes e soportes de información.
• Saber de  onde veñen as informacións producidas e difundidas polos medios.
• Situar no espacio e no tempo, os acontecementos que marcan a actualidade.
• Recoñecer as diferentes seccións dun periódico. 
• Diferenciar entre feitos e opinións.

RADIO NA BIBLIO: PROGRAMA Nº 3

O equipo de traballo formado por Pablo, Andrés, Alonso, Nayara, Carmen e Ainara gravaron o PROGRAMA DE RADIO NÚMERO 3 cos seguintes temas:

• O Entroido no colexio de Celeiro
• Entrevistas a Vicente Míguez e Carlos Nuevo

No vídeo podemos ver "COMO O FIXEMOS" e tamén podemos escoitar o audio.

Recordade que atoparedes todo o relacionado coa RADIO NA BIBLIO na seguinte páxina especial

Unha clase moi interesante

Hoxe poidemos contar coa visita de Vicente Míguez Salgueiro (exprofresor do centro) e Carlos Nuevo Cal (profesor no CEP Lois Tobío e tamén Cronista Oficial de Viveiro), ámbolos dous pertencen ao Seminario de Estudos Terra de Viveiro e son coautores de varios libros entre eles "CONSERVEIRAS". 

Un libro moi especial na BIBLIOSOÑOS

O alumnado de 6º de Primaria, na área de Plástica coa profesora Rosa, está a traballar o diseño gráfico nos diferentes envases, por iso oportunamente, Vicente e Carlos, lles deron unha charla moi interesante: 

• Unha pouca de historia sobre a importancia das conservas ao longo da historia. 

•  A chegada das conserveiras a Galicia e concretamente sobre a industria conserveira en Celeiro. 
• A historia sobre as latas de conservas, a súa decoración e simboloxía. 
• Amosáronlles diferentes follas de lata cos diferentes diseños ao longo do tempo.

Todo o alumnado participou con gran interese na pequena charla informativa e seguro que tomaron boas ideas para logo realizar os seus propios traballos de deseño gráfico na área de Plástica. 

Dende o Centro queremos agradecer a Vicente e a Carlos a súa labor na charla informativa pois todo o alumnado disfrutou da "clase especial recibida".

Día Internacional da Muller

Este ano, no noso colexio, adicamos o DÍA INTERNACIONAL DA MULLER a

LUZ POZO GARZA

FESTA DE ENTROIDO 2019

O venres, 1 de marzo, celebramos a nosa tradicional festa de Entroido.

• Desfile polas rúas do Chao (ás 11:30 horas) con disfraces relacionados co mundo dos bosques e montes: flora e fauna galega ou personaxes fantásticos (fadas, trasnos, santa compaña, ananos, bruxas...), tamén houbo leñadores e corredoras da CAMOVI.
• A continuación chocolatada con larpeiradas antroideiras no patio do colexio
• Bailes e cancións.

RADIO NA BIBLIO: Especial Rosalía de Castro

O alumnado de Valores  de 6º curso, Tábata, Julia, Carmen e Bryan, realizaron un programa especial adicado a Rosalía de Castro coas seguintes propostas:

• Semblanza da poeta
• Entrevista ás mestras Angélica, Patricia e Marta
• Entrevista ao alumnado
• Entrevista ás familias e veciños do Chao

Seguimos á espera do material técnico especial para poder traballar con máis recursos, pero non quixemos perder a oportunidade de dedicarlle este pequeno traballo a ROSALÍA DE CASTRO.

VÍDEO QUE RECOLLE "COMO O FIXEMOS"

CELEBRAMOS O DÍA DE ROSALÍA DE CASTRO 2019

Hoxe celebramos o DÍA DE ROSALÍA DE CASTRO, foi un acto compartido coas familias e veciños na Praza do Chao en Celeiro.

Fixemos as seguintes actividades:

• Desfile con pancartas, seguindo a proposta da AELG (Asociación de Escritores en Lingua Galega)   

MANI-FESTA-ACCIÓN

co poema que nos fala da emigración

VIUDA DOS VIVOS, VIUDA DOS MORTOS

(Do libro Follas Novas)

• Recitado de versos de Rosalía 
  
• Cantamos dúas cancións dos poemas:

PASA RÍO  do libro Cantares Gallegos

VIUDA DOS VIVOS, VIUDA DOS MORTOS do libro Follas Novas

 VÍDEO conmemorativo coa canción de creación propia: 

"VIUDAS DOS VIVOS, VIUDAS DOS MORTOS"  

VÍDEO DO RECITAL DE POEMAS PARA ROSALÍA NA BIBLIOSOÑOS

 VÍDEO RESUMO DA CELEBRACIÓN

 

Traballos presentados ao concurso de ideas

O alumnado de 6º curso convocou un concurso de ideas para buscar un nome e un logo para a RADIO NA BIBLIO.

O equipo encargado desta actividade colocou os traballos presentados e elixiron 3 semifinalistas en cada apartado. O seguinte paso será elixir un gañador ou gañadora.

Na seguinte presentación podemos ver todos os traballos.

Dúas celebracións moi importantes no noso colexio

Estamos a preparar as dúas celebracións inmediatas: 

DÍA DE ROSALÍA DE CASTRO e o ENTROIDO

O venres, 22 de febreiro, como en anos anteriores, a partir das 12:00 horas, sairemos á Praza do Chao a celebrar o Día de Rosalía de Castro (24 de febreiro), faremos:

• Desfile con pancartas, seguindo a proposta da AELG (Asociación de Escritores en Lingua Galega)   

MANI-FESTA-ACCIÓN

• Recitado de versos de Rosalía 
• Cantaremos dúas cancións dos poemas:

PASA RÍO  do libro Cantares Gallegos

VIUDA DOS VIVOS VIUDA DOS MORTOS do libro Follas Novas

Na páxina especial de ROSALÍA DE CASTRO atoparemos moita máis información.

O venres, 1 de marzo, celebraremos a nosa tradicional festa de Entroido.

• Desfile polas rúas do Chao (ás 11:30 horas) con disfraces relacionados co mundo dos bosques e montes: flora e fauna galega ou personaxes fantásticos (fadas, trasnos, santa compaña, ananos, bruxas...)
• A continuación chocolatada con larpeiradas antroideiras 
• Bailes e cancións.

Durante a semana do luns 25 ata o xoves 28  seguiremos os mandatos do MECO.

No blog do ENTROIDO podemos ver moita máis información.

DÍA MUNDIAL DA RADIO 2019: 13 DE FEBREIRO

13 de Febreiro: Día Mundial da Radio 2019

No ano 2013 a ONU aprobou a proclamación da UNESCO do Día Mundial da Radio. Proponse a data do 13 de febreiro por ser a da creación de Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a coperación internacional entre os organismos de radiodifusión."

Este ano celébrase co lema: "Diálogo, tolerancia e paz".

No noso colexio, o grupo de traballo formado por Alejandro, Pablo A., Antía, Martina, Julia, María e Candela, foron os encargados da realización do programa de radio conmemorativo.
Podemos velo na páxina especial da RADIO NA BIBLIO:

CLICA NA IMAXE

DURANTE A HORA DE LECER, NO PATIO DE RECREO,  ESCOITAMOS 
OS PROGRAMAS DE RADIO NA BIBLIO

Día Internacional da Muller e a Nena na Ciencia

O 11 de febreiro é o Día Internacional da Muller e a Nena na Ciencia. A iniciativa 11 de Febreiro promove a realización de actividades que, visibilizando o labor das científicas, conmemoren este día, fomenten vocacións científicas nas nenas e axuden a pechar a brecha de xénero en ciencia.

MÁIS INFORMACIÓN NO BLOG DAS BIBLIOTECAS ESCOLARES DE GALICIA

11 de febreiro: Día Internacional da Muller e a Nena na Ciencia

Entrega de premios de poesía no Concello de Viveiro

O sábado, 9 de febreiro, no Concello de Viveiro, tivo lugar a entrega de premios de Poesía de NADAL, coas concelleiras de Cultura e Educación Isabel e Lara e o Teniente Alcalde Jesús Fdez.

O alumno do noso colexio, Diego Fernández Bermúdez de 4º de Primaria, foi premiado e por elo, dende a Bibliosoños, queremos felicitar á súa familia e tamén a el polo traballo e esforzo.  NORABOA!!!

Visita a ASPANANE

O xoves 7 de febreiro, o alumnado de cuarto curso visitaron as instalacións de ASPANANE e participaron nos talleres de cerámica, serigrafía e madeira. 

No obradoiro de cerámica fixeron  figuriñas, no de madeira un chaveiro e no de serigrafía unha bolsa de papel.

Foi unha visita moi agradable, os usuarios de ASPANANE e os seus monitores foron moi agarimosos e simpáticos con todos nós.

Queremos agradecerlles  toda atención prestada cara ao noso alumnado e o noso colexio, MOITAS GRACIAS!!!

O noso alumnado participa no "FUN POLO AIRE"

FUN POLO AIRE

Na mañá do xoves, 7 de febreiro, alumnado  de Infantil, 1º e 2º curso de Primaria, do noso colexio participou na gravación dunha sección do porgrama da TVG Fun polo aire, que se emite polas tardes. 

Fixeron a gravación na Biblioteca do colexio coa reporteira Nuria Castro e o cámara Marcos Sarmiento. 

O programa seguramente xa se emitirá na tarde do venres 8 de febreiro e tamén estará colgado na páxina da CRTVG.

ENLACE AO PROGRAMA

RADIO NA BIBLIO. PROGRAMA 0 "COMEZAMOS"

Presentamos o vídeo da realización do  PROGRAMA 0 de RADIO NA BIBLIO.

Tamén podemos escoitar o audio.
Para máis información podedes visitar a Páxina da Radio na Biblio

CARTEL DAS BASES DO CONCURSO DE IDEAS PARA O NOME E LOGO DA NOSA RADIO

 

PÁXINA ESPECIAL PARA "RADIO NA BIBLIO"

Na páxina RADIO NA BIBLIO, que atoparedes na marxe esquerda do blog insertaremos todo o relacionado coa nosa Radio Escolar e outras seccións importantes da nosa biblioteca.

Estes días, o alumnado de 6º curso, están a gravar o PROGRAMA "0" que en breve subiremos tamén ao blog.

Cabe destacar deste programa que fan unha convocatoria de concurso de ideas para buscar un nome e un logo para a nosa RADIO.

As bases repartiranse polas aulas e tamén informarán o alumnado encargado desta sección. 

Dende aquí avanzamos que se establecen 3 categorías:

• Infantil
• 1º, 2º e 3º curso
• 4º, 5º e 6º curso

O nome e o logo terá que estar relacionado coa biblioteca e coa radio escolar.

1 de febreiro, Día da Lectura en Voz Alta

1 de febreiro, Día da Lectura en Voz Alta

Na nosa biblioteca practicamos a LECTURA EN VOZ ALTA. 

O alumnado de 4º curso, na Hora de Ler e a través do proxecto de lectura dixital ELBE.2, están a ler o libro "Contos por palabras" de Agustín Fernández Paz.