PÁXINAS DE RECURSOS DO NOSO COLEXIO

Ola a tod@s! nesta entrada do blog queremos recordarvos que tedes á vosa disposición moitos recursos que preparamos entre todo o profesorado do colexio para que podades seguir as actividades diarias

BLOG INFANTIL

BLOG DE INGLES

BLOG AULA DE APOIO

BLOG EDUCACIÓN FÍSICA

BLOG EDUCACIÓN MUSICAL

AULA VIRTUAL para as actividades diarias

 

MÁIS RECURSOS...

Na marxe dereita tedes os enlaces para entrar nas seguintes webs:

BAÍA EDICIÓNS CON VÓS NA CASA

 

En Baía Edicións saben que todas e todos temos moito que ler ou reler na casa, pero co beneplácito das súas autoras e autores deixáronnos unha listaxe de títulos a escoller que vos poden axudar a superar o confinamento. 

"Só pedimos que lembredes a súa empatía e fagades un uso responsable destes textos respectando a súa obra, que tan xenerosamente prestaron para a nosa campaña #euquedolendo #baíaconnósnacasa."  

(É que nos piden desde Baía Edicións e nós dámoslles as gracias pola súa xenerosidade)

PREMEDE NA IMAXE PARA DESCARGAR OS LIBROS QUE VOS INTERESEN

FELIZ DÍA DO LIBRO

DÍA DO LIBRO E DEREITOS DE AUTOR

Este ano o Día do Libro conmemorámolo dende as nosas casas. Por iso as mestras e mestres do cole quixeron agasallar a todo o alumnado cun conto moi popular dos irmáns Grimm: Os sete cabritos (unha adaptación de Tareixa Alonso & Teresa Lima).

  ACTIVIDADES NO COLEXIO por cursos

 

Este curso a MICRORREDE A MARIÑA #QuedaNaCasa

A MICRORREDE PLAMBE A Mariña, proxecto colaborativo que forman as Bibliotecas Escolares de:

EEI SAN ROQUE (Viveiro)

CEP LOIS TOBÍO (Viveiro)

CEIP de CELEIRO (Celeiro-Viveiro)

CEIP Plurilingüe de COVAS (Covas-Viveiro)

CEIP Plurilingüe SANTA RITA (Galdo-Viveiro)

CEIP Plurilingüe PEDRO CASELLES ROLLÁN (Xove)

CEIP de CERVO (Cervo)
CEIP Plurilingüe VISTA ALEGRE (Burela)

CEIP FONDO-NOIS (Foz)

IES MARÍA SARMIENTO (Viveiro)

IES VILAR PONTE (Viveiro)
IES PERDOURO (Burela)
IES ILLA de SARÓN (Xove)

IES MONTE CASTELO (Burela)

Escola Oficial de Idiomas de RIBADEO

TOMOU A SEGUINTE DECISIÓN:
Suspender o noveno proxecto:  "Cidadá(n)s da Mariña, Cidadá(n)s do mundo"

e aprazalo para o vindeiro curso, dadas as circunstancias por mor do COVID-19.

Por estas datas, coa chegada da conmemoración do Día do Libro, o noso centro abriría a exposición no colexio, para logo no mes de maio confluír nunha gran exposición conxunta nas salas do Concello de Viveiro.

Todo estaba preparado, pero... como xa dixemos, este encontro terá lugar dentro dun ano. Non obstante nestes momentos quixemos realizar unha actividade especial:

Como actividade especial editamos un vídeo onde:

• as diferentes bibliotecas saúdan a todas as comunidades educativas
• facemos un repaso das aito edicións anteriores

Lembrando a Dona Luz Pozo Garza

A Real Academia Galega expresa o seu fondo pesar polo pasamento de Luz Pozo Garza. 

A decana da poesía galega, nada en Ribadeo en 1922, finou hoxe na Coruña, a cidade na que residía dende finais dos anos 80. 

A poeta, ensaísta e catedrática de literatura de ensino medio formaba parte da RAG dende 1950, cando con só 28 anos foi nomeada membro correspondente, e dende 1996 era académica de número.

A súa é unha das voces esenciais das letras galegas da segunda metade do século XX, renovadora tanto na forma como na temática abordada. 

O amor e a sensualidade foron dúas constantes na súa obra, caracterizada por un fondo lirismo e o diálogo intertextual íntimo coa tradición poética galega e universal. 

A luz como elemento simbólico central é outro sinal de identidade dunha autora que nunca deixou de escribir. 

En 2019 publicou o seu último libro, Pazo de Tor, un libro de homenaxe ás raíces familiares pola vía materna. 

LUZ POZO GARZA, filla adoptiva de Viveiro

DÍA DO LIBRO E DEREITOS DE AUTOR

Achégase o Día Mundial do Libro e do Dereito de Autor, en acepción da UNESCO, e desde a Consellería de Educación, Universidade e formación Profesional edítase o díptico para conmemorar este día 23 de abril de 2020.  LER MÁIS

Este curso dende a BIBLIOSOÑOS propoñemos como actividade:  

• Visualización da páxina SITES, que recolle todas as celebracións deste día desde o curso 2009-2010, polo tanto estamos no 10º aniversario da mesma.
• En especial podedes ir ao apartado:

 ACTIVIDADES NO COLEXIO por cursos

VÍDEO DE ENCONTRO: PROFESORADO E ALUMNADO DO COLEXIO

O domingo 12 de abril, lanzamos a proposta que podedes ler tamén na imaxe da dereita.

Trátase de que nos enviedes imaxes para logo realizar un vídeo colaborativo en recordo destes días de confinamento na casa.

ANIMÁDEVOS A PARTICIPAR!

Recibimos a revista O PAPAGAIO

"O Papagaio estaba desexando saír voando ate as vosas casas e bibliotecas para achegarvos todo o que preparou para o número de Abril pero parece que imos ter que ficar na casa algúns días máis así que vos envía unha versión dixital deste número en formato PDF para que poidades descargala e desfrutala na casa."

CLICA NA IMAXE PARA LER

Seguimos lendo nas nosas casas

Ola nenas e nenas! para este tempo de confinamento nas vosas casas recordámosvos que tedes a vosa disposición a posibilidade de seguir utilizando a lectura dixital a través do proxecto ELBE.2

Déixamosvos  unha presentación para repasar o seu funcionamento e invitámosvos a que fagades uso dela.

PREME NA IMAXE

Xa temos preparados os vídeos cos vosos traballos!!!

PREPARANDO O DÍA DO LIBRO INFANTIL

O día 25 de marzo a Bibliosoños propuxo esta actividade para conmemorar o Día do Libro Infantil e Xuvenil.

Participou o seguinte alumnado:

• 4º Infantil: David, Carmen e Iria
• 6º Infantil: Cristina
• 1º Primaria: Antón, Paula
• 2º Primaria: Nuno, Julia, Cristina, Mateo e Celia
• 3º Primaria: Antía, Valeria
• 4º Primaria: Laura
• 5º Primaria: Bruno e Helena
• 6º Primaria: Pedro Gil

NORABOA POLO VOSO TRABALLO, 

SODES UNS ARTISTAS!!! 

1 de abril, Día das Artes Galegas

#bescolaresgalAbertas: 

1 de abril, Día das Artes Galegas - 2020

O día 1 de abril, celébrase o Día das Artes Galegas que, neste 2020, homenaxea ao arquitecto Domingo de Andrade. Aínda que a maior parte da súa obra podemos vela en Compostela, fora dalí tamén deixou a súa pegada en Lugo e Ourense.

É unha ocasión para afondar nos espazos creativos das nosas bibliotecas na temática arquitectónica, tanto nos fondos bibliográficos como nos materiais manipulativos. 

PÁXINA DO COLEXIO

 

 

No colexio "somos moi artistas", polo menos no apartado musical, por iso podemos entreternos ollando a páxina dedicada ás:

ACTIVIDADES MUSICAIS NO CEIP DE CELEIRO

 

PREPARANDO O DÍA DO LIBRO INFANTIL

O Día Internacional do Libro Infantil e Xuvenil celébrase o 2 de abril, coincidindo co  natalicio do escritor danés  Hans  Christian Andersen. O obxectivo, é espertar o interese e amor polos libros e a lectura dos nenos e novos e facer diso, un hábito de vida.
BLOG DAS BIBLIOTECAS ESCOLARES DE GALICIA

Como en anos anteriores (aínda que este sexa diferente) o IBBY (International board on books for young people) chama á conmemoración do Día do Libro Infantil o 2 de abril, data de nacemento de Hans Christian Andersen. O obxectivo é promocionar os bos libros infantís e xuvenís e a lectura entre os máis novos. 

A sección patricinadora deste ano é Eslovenia que difunde a mensaxe de Peter Svetinai lustrada por Damijan Stepancic: Fame de palabras. 

GÁLIX, Asociación do Libro Infantil e Xuvenil, facilítanos a tradución ao galego de  Héctor Cajaraville. 

• Mensaxe e cartel en galego 
• Día do LibroInfantil - OEPLI
• Concurso GÁLIX "Un poema na túa voz" (Remata o prazo o 10 de abril)

Quen foi  Hans  Christian Andersen?

Hans  Christian Andersen, foi o creador dalgúns dos contos clásicos infantís máis lidos en todo o mundo como o  Patito Feo,  Pulgarcita, o Soldado de Chumbo ou a  Sirenita e que tamén foron levados ao teatro e á gran pantalla.
Foi un escritor, abocado á literatura infantil, a cal se coñece nos cinco  continentes, ademais, os seus libros foron traducidos a máis de oitenta idiomas.

•  CONTOS CONTADOS (Kalandraka)
• 10 libros infantis para fomentar a lectura 
• VÍDEOS EN YOUTUBE DE HANS CHRISTIAN ANDERSEN 

Xa temos preparados os vídeos cos vosos traballos!!!

ENTRADA DO DÍA 2 DE ABRIL DE 2020

VÍDEO CONMEMORATIVO

Xa temos o vídeo que realizamos con todos os traballos que se presentaron á proposta da BIBLIOSOÑOS:

IMOS SEGUIR TRABALLANDO... A BIBLIOSOÑOS PROPÓN...

Moitas gracias ás familias pola súa implicación. Temos que seguir traballando por iso animámosvos a que sigades as novas propostas que fará a BIBLIOSOÑOS

 

RECURSOS EDUCATIVOS NA REDE

Somos conscientes de que a situación que estamos a vivir nestes intres non é doada para ninguén, por ese motivo, todo o persoal do CEIP de Celeiro querémosvos enviar ánimos e toda a forza do mundo, e dicirvos que entre todos poderemos se non combater a este virus polo menos facelo menos presente na nosa sociedade.

Tede en conta que, isto non é de obrigado cumprimento, e non o facemos para seguir avanzando no currículo, senón porque consideramos as rutinas como esenciais no desenvolvemento e aprendizaxe dos máis pequenos.

Por outra banda dicir que consideramos como tarefas escolares:

- as manualidades

- a pintura e o debuxo

- a lectura ( de libros, contos, ...)

- a escritura (copia ou producións propias, esquemas e resumos, redaccións...)

- as matemáticas (facendo listaxe para a compra, estimando prezos, medindo ingredientes cociñando, xogando coas moedas... facendo medidas das habitacións da casa, facendo planos en escala...)

- os xogos de mesa en familia (como pode ser o parchis, o tabú, scrabell, o uno, cartas, puzzles...)

- o exercicio físico na casa (facendo bailes, subindo e baixando un chanzo, facendo saltos, barrer,....)

- Cantar (memorizar cancións e cantalas en galego, en inglés, en castelán...)

Para iso deixámosvos a disposición a páxina web do centro, e o blog, onde poderedes atopar diferentes recursos para traballar.

Así pois, queremos achegarvos unha serie de recomendacións para que os vosos fillos e fillas non perdan hábitos, e se lles faga máis ameno o confinamento.

• Contos:

Coronavirus no es príncipe ni princesa
http://aulasgalegas.org/recursos-na-rede/
https://es.ixl.com/?partner=google&campaign=8855101097&adGroup=94161111043&gclid=EAIaIQobChMI3sn1zriw6AIVy6ZRCh2mmAyVEAEYASAAEgKs1_D_BwE
comprensión lectora general
https://www.mundoprimaria.com/lecturas-para-ninos-primaria
xogos
www.yojuegoencasa.es (hai que rexistrase pero é totalmente gratuíto)
Espectáculos On-line
www.salondolibro.gal/salon-virtual/ totalmente gratuíto e onde podemos atopar, acutación musicais, contacontos, talleres…

• Libros lectura Online

- https://keepreadingencasa.planetadelibros.com/ (libros para descargar gratuítos tanto para nenos e nenas como para adultos)
El señor cuadrado y sus amigos:
https://weeblebooks.com/es/ciencia/senor-cuadrado-amigos/ I
Un techo de estrellas:
https://weeblebooks.com/es/espacio/un-techo-de-estrellas/
Descubriendo a Julio Verne
https://weeblebooks.com/es/biografias/descubriendo-a-julio-verne/
La historia y sus historias (+11/12 anos)
https://weeblebooks.com/es/historia/la-historia-y-sus-historias/
Rosa contra el virushttps://bbkfamily.bbk.eus/es/mediateka/rosa-contra-el-virus/
Numeroso títulos infantiles:
http://www.digital.pintar-pintar.com/bookcase/combj

Dende o grupo de docentes do CEIP de Celeiro, esperamos vervos axiña, e lembrade#eutaménquedonacasa#

DÍA DA POESÍA

BLOG DO COLEXIO DEDICADO AO DÍA MUNDIAL DA POESÍA

(Nestes días de quedar na casa pode ser unha boa ocasión para lembrar actividades que fixemos no colexio con motivo desta  e outras moitas celebracións)

Hoxe, 21 de marzo celébrase o Día Mundial da Poesía 2020, co obxectivo de apoiar a diversidade lingüística e dar a oportunidade ás linguas ameazadas de ser un vehículo de comunicación artística. 
Durante a 30 reunión da UNESCO, en París en 1999, o organismo proclamou o 21 de marzo, como Día Mundial da Poesía, a proposta do editor Antonio Pastor  Bustamante.
Ao principio propúxose o 23 de abril, pero como xa se celebraba nesa data o Día Mundial do Libro, decidiuse finalmente o 21 de marzo, coincidindo co  equinoccio de primavera no hemisferio Setentrional.
Este día busca promover o ensino da poesía, fomentar a tradición oral dos recitais de poéticos, apoiar ás pequenas editoriais, crear unha imaxe atractiva da poesía para que non se considere unha forma anticuada de arte, senón unha vía de expresión, e restablecer o diálogo entre a poesía e as demais manifestacións artísticas, como o teatro, a danza, a música e a pintura.
A poesía contribúe á diversidade creativa ao cuestionar a forma na que usamos as palabras e o noso modo de percibir a realidade. Exprésase de maneira diferente e sutil e consegue comunicar cousas de maneira diferente.

Lembrade a proposta da BIBLIOSOÑOS:

IMOS SEGUIR TRABALLANDO... A BIBLIOSOÑOS PROPÓN...

Estamos a recibir moitos traballos ben bonitos. 

O luns 23, cos traballos recibidos, faremos un vídeo conmemorativo

Moito ánimo e feliz DÍA DA POESÍA!!!

Unha ponte especial "QuédateNaCasa"

Hoxe comezariamos unha ponte moi especial pero o COVID-19 cambionos todos os plans.
Deixámosvos novas propostas:

• O venres 20 de marzo, ás 16:45 PACO NOGUEIRAS, o autor do Vídeo CD "BRINCA VAI" ou "RADIO BULE BULE" dará un concerto a través de Instagram. Non o perdades!
• O COLECTIVO NOGA (Narración Oral Galega) ten unha nova canle de You Tube que se chama "PANDEMIA DE CONTOS". 
• • ACTIVIDADES DE ENTRETEMENTO PARA ESTES DÍAS...

  • IMOS SEGUIR TRABALLANDO... A BIBLIOSOÑOS PROPÓN...

IMOS SEGUIR TRABALLANDO... A BIBLIOSOÑOS PROPÓN...

Dende a Bibliosoños facemos a seguinte proposta de traballo voluntario 

para o alumnado de Primaria.

Esta semana si houbese cole celebrariamos os días da ÁRBORE, AUGA E POESÍA.

Por iso vos propoñemos que:

• procuredes ou inventedes un poema relacionado coa natureza, árbores, animais... (en galego, castelán ou inglés)
• escribides o mesmo nun folio ou folla
• facedes un debuxo ben bonito relacionado co texto e escribides o voso nome e curso
• pedídeslle a mamá ou papá que lle faga unha foto ao voso traballo para que o envíe ao seguinte correo: bibliotecaceleiro@gmail.com
• tedes de tempo ata o luns 23 de marzo
• coas fotos recibidas faremos un vídeo para celebrar dende a distancia estas conmemoracións que tanto nos gustan.

Outra proposta:

• podedes enviar un vídeo recitando ese poema elexido
• ao mesmo correo e ata o luns 23 de marzo

 Nota: O traballo e envío do mesmo ten que estar supervisado pola vosa familia

Tamén vos invitamos a ler e ver o blog BIBLIOSOÑOS

O EQUIPO DA BIBLIOTECA.

Para conmemorar o Día da Muller

O vindeiro 8 de marzo é o Día da Muller por iso no noso colexio durante esta semana fixemos actividades e traballos para fomentar a igualdade entre nenas e nenos, homes e mulleres e visualizar os seus dereitos.

Cada ano este día vai dedicado a unha muller relevante relacionada co Concello de Viveiro, pero este ano quixemos preguntar ás familias por esas mulleres que están no noso recordo e que foron parte fundamental da nosa sociedade por diversos motivos. A enquisa proporcionounos a figura de Dolores Salgueiro Fernández, "A Chitona".

PÁXINA SITES DEDICADA Á CHITONA

• Na Biblioteca elaboramos unhas pequenas presentacións: 

• O seu fillo Vicente Míguez (exprofesor do colexio) impartiu unhas pequenas charlas para todo o alumnado dividido en dous grupos: Infantil, 1º e 2º curso e outro con 3º, 4º, 5º e 6º curso.

• Tamén nos preparou unha pequena exposición con fotografías

• Nas aulas tamén prepararon diversos traballos e murais

Máis traballos sobre Rosalía de Castro

Hoxe presentamos o traballo realizado polo alumnado de 5º curso. Prepararon unha LIÑA DO TEMPO da vida e obra de Rosalía. Ademais fixeron a presentación no seguinte vídeo.

Aproveitamos tamén esta entrada para presentar

 o poema de "Adiós ríos, adiós fontes" que preside a Nova Biblioteca.

Rematou o concurso de recollida de pilas

O pasado mes de xaneiro foi convocado o concurso de recollida de pilas e o noso colexio

participou recollendo un total de 350 kilos aproximadamente.

Toda a comunidade educativa colaboraou neste proxecto e por iso queremos agradecerlles todo o esforzo realizado.  MOITAS GRAZAS!!!

Aínda que o concurso rematou seguiremos recollendo para a seguinte convocatoria.

MOITO ANIMO E SEGUIDE TRAENDO PILAS!

FORMACIÓN DE RADIO NA BIBLIO CON LUIS PARDO

Entradas realizadas por:

Carla Rodríguez, alumna de 6º de Primaria:

O xoves día 27 de febreiro veu a darnos unha charla informativa sobre a radio Luis Pardo que é un presentador que traballa na Cadena Ser. Con el aprendimos as catro cousas imprescindibles para facer radio: a voz, a música, o son e o silencio.

Deunos uns papeis con noticias verdadeiras nas que tivemos que adaptar a noticia para lela mellor e noutro tivemos que lela en varios tonos.

Tamén nos ensinou un podcast e deunos consellos para facer un guión.

Pasámolo moi ben e aprendemos moitos. Teremos os seus consellos en conta!

Iker Díaz, alumno de 6º de Primaria:

 O xoves pasado, Luis Pardo, o periodista da cadena Ser ensinounos o bonito e o fácil que é emitir na radio. Fíxonos varios exercicios relacionados coa radio e explicounos como facer o guión máis curto e menos latoso. Tamén como expresarnos mellor lendo e para rematar falounos dos Podcast e escoitamos "El gran apagón". Foi moi divertido!

Traballos sobre Rosalía de Castro

Seguimos presentando traballos realizados no colexio para dar a coñecer e conmemorar a figura de Rosalía de Castro. Nesta ocasión presentamos uns murais presentados e complementados con poemas e cancións sobre Rosalía

• MURAL  de Infantil

• TRABALLOS de 1º e 2º de Primaria

• MURAL de 3º e 4º de Primaria 

 

• LIÑA DO TEMPO 5º de Primaria

 

 

PROGRAMA DE RADIO NA BIBLIO Nº 9

PROGRAMA NÚMERO 9 

"ESPECIAL ROSALÍA DE CASTRO"

GRAVACIÓN XOVES, 27 DE FEBREIRO 

EQUIPO TÉCNICO: DANIEL E MATEO 

PRESENTADORES: CARLA, ÁNGELA, IKER 

Hoxe foi un día especial no noso colexio, recordamos a Rosalía de Castro. O luns pasado, 24 de febreiro, foi o seu día pero como estabamos de vacacións de Entroido, deixámolo para hoxe e os vindeiros días.

Comezamos presentando o Programa de Radio na Biblio "Especial Rosalía de Castro" no que poidemos entrevistar á profesora Anxélica Novo e escoitamos as cancións "Viudas de vivos, viudas de mortos" e "Pasa río, pasa río" cantadas polos nenos e nenas do colexio.

FESTA DO ENTROIDO 2020

 MÁIS INFORMACIÓN NO BLOG DO ENTROIDO

O venres, 21 de febreiro, despois dunha semana chea de "antroidadas" celebramos a nosa Gran Festa.

• O desfile fixémolo no Pavillón porque chuviscaba un pouquiño. Tivemos moito público e aplaudíronnos moito as nosas familias.
• Tamén fixemos os bailes e cancións que tiñamos preparadas.
• Tomamos un chocolate moi rico acompañado de rosquillas, orellas, fereixos e outras larpeiradas
• Rematamos novamente bailando e xogando no patio pois xa quixo saír o sol.

Viva o Entroido no Colexio!

Viva o Entroido en Celeiro!

 A continuación podemos ver o vídeo da festa e tamén unha reportaxe fotográfica de toda a semana

PROGRAMA DE RADIO NA BIBLIO Nº 8

O alumnado encargado de realizar o PROGRAMA Nº 8 de RADIO NA BIBLIO foron: Pedro, Irene, David, Elena e Cristina.

Un programa dedicado ao ENTROIDO no noso colexio, cunha entrevista á directora Rita Lamas.

Foi gravado o mércores, 19 de febreiro de 2020,  na Biblioteca do Centro. 

Encontro Literario con MARÍA ROLLE

Hoxe, o alumnado de 4º de Primaria, tivo un Encontro Literario con MARÍA ROLLE, autora do libro "Esta non é outra historia de piratas".

Foi unha sesión moi divertida: 

•  As nenas e nenos entregaron a María un libro feito cos debuxos de cada capítulo do libro.
• Visualizaron un vídeo de presentación do libro.
• Fixeron unha "caza do tesouro".
• Rematamos cunha  asinatura de libros.

DÁMOSLLE AS GRAZAS A MARÍA 

POR VISITARNOS E CONTARNOS MOITAS COUSAS SOBRE

"Esta non é outra historia de piratas"

Imos comezar a semana do ENTROIDO NO COLEXIO

 NO BLOG DO ENTROIDO 

HAI MÁIS INFORMACIÓN

                     MECO DE INFANTIL                                             MECO DE PRIMARIA

DÍA MUNDIAL DA RADIO

O 13 de febreiro celebramos o Día Mundial da Radio, unha efeméride oficial proclamada pola ONU en 2012. A radio é neste momento, o medio informativo máis emblemático e dinámico, a pesar dos avances e novos sistemas de comunicación que apareceron no último século. O obxectivo principal deste día é facer da radio un medio interactivo que propicie o debate para tratar distintos temas que interesan á colectividade. Ademais, a radio ten a vantaxe de chegar a lugares remotos, que non é posible mediante o uso doutras tecnoloxías máis modernas. 

Este ano o Día Mundial da Radio, celébrase baixo o lema: "Pluralismo, Representación e Diversidade" 

Aproveitando a radio escolar do noso colexio, a RUFO SOÑOS, e dado que no noso centro, desde xa vai moito tempo, temos alumnado, familias e profesorado doutros países como Venezuela, Brasil, Colombia, República Dominicana, Marrocos, Romanía, Portugal, Eritrea, Estados Unidos… e tamén doutras etnias e doutras confesións relixiosas… O equipo formado por Yeray, Nicolás, Mireya, Mar e Pedro Gil, prepararon un programa especial dedicado a esta celebración.
Contaron coa visita de MELISA LAURO, a nosa auxiliar de conversa, que procede de New Jersy; tamén coa nai de Patrik, IONELA MARCELA que procede de Romanía e por último tres compañeiros e compañeiras que leron uns poemas nas súas linguas natais.

Foi gravado este mesmo día agás a entrevista da nosa auxiliar de conversa, Melisa Lauro, dado que só está no noso colexio os luns e martes.
Tamén temos que contar que foi gravado en directo tendo como público ao alumnado de 6º curso.

Agradecemos a colaboración de todos os participantes. 

 FELIZ DÍA DA RADIO!!!

Día Mundial da Radio: Pluralismo, representación e diversidade

No ano 2013 a ONU aprobou a declaración da UNESCO do Día Mundial da Radio. Proponse a data do 13 de febreiro por ser a da creación da Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a cooperación internacional entre os organismos de radiodifusión."

LER MÁIS

NA MAÑÁ DO XOVES, 13 DE FEBREIRO,

DÍA MUNDIAL DA RADIO,

GRAVAREMOS UN PROGRAMA MOI ESPECIAL !!!

 

11 de febreiro: Día Internacional da Muller e a Nena na Ciencia

No ano 2015, a ONU estableceu un Día Internacional para recoñecer o rol crítico que xogan as mulleres e as nenas na ciencia e a tecnoloxía, a través da Resolución A/RES/70/212. A finalidade é lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas.

 Máis información

Lectura en Voz Alta

1 de febreiro, Día da Lectura en Voz Alta

Na nosa biblioteca practicamos a LECTURA EN VOZ ALTA. 

 

O alumnado de 5º curso,  a través do proxecto de lectura dixital ELBE.2, están a ler o libro "O NENO CAN" de Fina Casalderrey e Francisco Castro.
O alumnado de 4º curso está a ler o libro de Agustín Fernández Paz "CONTOS POR PALABRAS".

O ENTROIDO está a chegar!!!

O alumnado de 5º e 6º curso xa prepararon as cestas entroideiras que se sortearán os días 24, 25 e 26 de febreiro. O recadado pola venta das rifas será para a axuda da excursión que farán ao final do curso.

Extraescolares: na clase de pintura

A profesora de pintura Oliva cos seus alumnos e alumnas posan moi orgullosos do seus traballos rematados que levan para as casas. 

Moitas felicidades polos vosos cadros!

PROGRAMA Nº 6 DE RADIO NA BIBLIO

Na mañá do luns, 3 de febreiro, fixemos a gravación dun novo programa de RADIO NA BIBLIO, concretamente o número seis e que tiña como contido os traballos de Ciencias Naturais que fixeron na aula de 4º curso de Primaria.

Unha representante de cada equipo: Amalia, Clara e Ana, foron os encargadas de explicar o contido dos seus traballos.

No equipo técnico estaban Iker e Carla de 6º curso de Primaria, esta última tamén fixo de presentadora.

No vídeo podemos ver esta gravación

PÁXINA DA RUFO SOÑOS