21/5/18

Concurso de vídeos: Así se cuida a natureza!



Voz Natura pon en marcha a sexta edición do seu concurso de vídeos.

O noso centro vai participar un ano máis neste concurso cun vídeo que fixemos na celebración do Día da Árbore e da Auga o pasado 21 de marzo.

Os cinco vídeos que máis votos reciban converteranse en finalistas. Entre eles, un xurado seleccionará ao gañador que levará unha tablet.
Votacións: desde o 21 maio do 2018 ás 12.15 ata o 30 de maio do 2018 ás 12.00.
Comunicación oficial do gañador: 2 de xuño.

O concurso desenvólvese a través do facebook

CLICA NESTE ENLACE PARA PODER VOTAR E COMPARTIR

https://pr.easypromosapp.com/voteme/824821/630307487?lc=es-es

 

16/5/18

ACTIVIDADES NAS LETRAS GALEGAS

O mércores, 16 de maio, despois da hora do recreo, no Salón de Actos do Colexio, fixemos a nosa celebración das Letras Galegas:
  • Semblanza da autora homenaxeada (María Victoria Moreno) a cargo do alumnado de 6º curso. 
  • Dramatización da obra "A festa no faiado" de María Victoria Moreno, a cargo do alumnado de 1º curso. 
  • Actividades musicais: 
  •  Danza coa canción "O maio da Mariña" 
  • "A saia da Carolina" 
  •  "O son do Ar" 
  •  Interpretación do Himno Galego
CLICA NA PÁXINA ESPECIAL ADICADA A
MARÍA VICTORIA MORENO
ATOPAREDES MÁIS INFORMACIÓN 
https://sites.google.com/site/mariavictoriamoreno18/as-nosas-actividades

13/5/18

Saída de 3º e 4º curso de primaria

O venres, 11 de maio, os grupos de 3º e 4º de primaria visitaron a granxa de corais de Magazos-Viveiro (REEF WATER).
Foron recibidos pola precursora do proxecto Vanesa Rodríguez e o biólogo mariño Carlos Jiménez.
Logo dunha charla explicativa sobre os corais e o seu hábitat foron ver as instalacións onde están os acuarios cos corais e peixes que viven neles.
A  visita foi todo un éxito e os nenos e nenas viñeron entusiasmados e aprenderon moitas cousas!
Moitas gracias polo boa acollida!!!




11/5/18

XORNADA DE CLAUSURA: "A Mariña pensando en femino

Na tarde do xoves, 10 de maio, tiveron lugar, na Praza Maior de Viveiro, os actos de clausura da exposición de traballos artísticos elaborados por escolares dos catorce centros que forman parte da Microrrede A Mariña de Bibliotecas Escolares.

As mestras de ceremonia Karina Parga e Eva Lastra, do IES Perdouro e do CEIP de Alfoz respectivamente, fixeron a lectura da clausura e presentaron as diferentes actividades dinamizadoras. Fixeron agradecementos ás familias participantes felicitándoas polos fantásticos traballos presentados en todos os centros.

Asemade tamén agradeceron a asistencia das diferentes autoridades: a inspectora Branca Nazaré Guerreiro e o inspector Faustino Martín, a asesora das Bibliotecas Escolares da zona norte Chelo Guntín.
Como actividades dinamizadoras contamos con:
  • Actuación do coro formado por alumnado de Educación Infantil e 1º e 2º curso de Primaria, de Alfoz, Celeiro, Galdo, Lois Tobío de Viveiro e o EEI de Viveiro. Cantaron a canción do Maio de Viveiro e A saia da Carolina. Fixéronno moi ben!
  • Actuación das Moreninhas, Érica Gomes Mendes, Raquel Lopes Ramos e Eliane Tavares Mendes, tres rapazas cabo verdianas afincadas en Burela.
  • Encontro coa escritora Rita Morrigan.
  • Visita da escritora Olalla Cociña
VÍDEO RESUMO DA XORNADA

    9/5/18

    ACTIVIDADE DINAMIZADORA: TEATRO


    ADALA TEATRO, unha compañía de teatro infantil de Fazouro foi a encargada de dinamizar a terceira xornada da Exposición "A Mariña pensando en feminino".
    A compañía formada por 10 rapazas e rapaces representaron no Teatro Pastor Díaz de Viveiro a  obra: Mamasiña, que medo! de Chus Pereiro.

    Celidonia, bruxa profesional, chega un día a Xalundes, lugar famoso porque nel habita o xigante Xuvenco, que papou ó alcalde, ó garda de tráfico, ó cura... O que non saben as tristes xentes de Xalundes é que o descomunal e aterrecente xigante Xuvenco precisa axuda de contado porque, o pobriño, está doente.
    Axudará a bruxa Celidonia o xigante papón?
    Papará o xigante á bruxa, e á súa comadre Chincha e á súa afillada Chincheta?
    Papará ós lectores desta obriña de teatro?
    Mamasiña, que medo! é unha obra de medo... para morrer de risa.

    Foi unha xornada excepcional!, o teatro ateigado de nenas e nenos acompañados das súas familias disfrutaron da excelente representación a cargo duns fenomenais artistas!



    8/5/18

    ACTO INAUGURAL DA EXPOSICIÓN CONXUNTA: A MARIÑA PENSANDO EN FEMININO

    E chegou o gran día!, todo estaba preparado e a praza chea de familias dos diferentes centros que conformamos a MICRORREDE. 
    Este ano a mestra de ceremonias foi Rebeca Rivas do CEIP Santa Rita de Galdo; ela foi presentando as diferentes actividades e en nome de todos os centros agradeceu ás familias a participación no proxecto. Asemade tamén se deron as gracias ás autoridades alí presentes.

    No seguinte vídeo podemos ver un pequeno resumo: Discurso inaugural; actuación do coro formado por uns 160 nenas e nenos dos centro de Alfoz, Cervo, Celeiro, Galdo, Covas e María Sarmiento de Viveiro; lectura dun manifesto a cargo da súa autora Andrea Rivas; rematando coa actuación de Guadi Galego e a performance de LAG na canción de Matriarcas.


    7/5/18

    Inauguración da Exposición "A Mariña pensando en feminino"

    Comezamos unha semana chea de moitas actividades dinamizadoras programadas pola MICRORREDE A MARIÑA.
    Hoxe é o día da Inauguración á que estamos todos e todas convidados.

    5/5/18

    Exposición "A Mariña pensando en feminino"

    Na tarde do venres, 4 de maio, os equipos dos diferentes centros que formamos a MICRORREDE PLAMBE A MARIÑA, realizamos a montaxe da exposición deste curso:


    Na tarde do luns, 7 de maio, daremos comezo coas diferentes actividades que programamos en torno a esta exposición e que rematarán o xoves, 10 de maio.


    4/5/18

    ASPANANE NO NOSO COLEXIO

             PROGRAMA DE SENSIBILIZACIÓN SOBRE A DISCAPACIDADE NA COMUNIDADE EDUCATIVA 
    MOITAS GRACIAS A MARCOS E AOS USUARIOS DE ASPANANE POLA SÚA AMABILIDADE PARA CO NOSO ALUMNADO
    PROGRAMACIÓN
    Nesta segunda edición do programa realizaremos unha única sesión que servirá de repaso de conceptos traballados anteriormente, así como de introdución da nova liña de traballo sobre o concepto de Diversidade Funcional. Para isto dividiremos a sesión nos seguintes puntos: 
    1. Diversidade. 
     Introducimos o concepto de diversidade a través da proxección dunhas láminas resaltando a existencia desta diversidade no noso entorno, así como entre as persoas, e valorando a riqueza que supón esta diversidade para as nosas vidas. Realizaremos a actividade "Así son eu", que consiste nunha presentación por parte de cada neno/a dicindo cadanseu nome e unha cousa que lles gusta facer e unha cousa que non. Deste xeito, comprobaremos a diversidade existente na aula. 
    2. Diversidade sensorial.
     Enlazando co visto nas láminas anteriores, introducimos o concepto de funcionar diferente. As persoas con diversidade funcional (discapacidade) teñen moitas capacidades, a única diferenza é que as realizan de maneira distinta. 
     3. Diversidade motriz. 
    Seguiremos recordando o visto o ano anterior e levaremos unha cadeira de rodas que nos axudará a coñecer moito mellor o concepto de "funcionar diferente". 
     4. Diversidade Intelectual. 
    Charlaremos cos/as usuarios/as da nosa entidade sobre a súa vida no centro e as súas amplas capacidades, conseguindo así a ruptura cos estereotipos sobre este colectivo e descubrindo á persoa que hai detrás da discapacidade. Nos cursos máis avanzados proxectaremos a curtametraxe "El Cazo de Lorenzo", realizando un cine-fórum posterior sobre o seu significado e o relacionado coa discapacidade intelectual. 
    5. Conclusións.
     Buscaremos as conclusións por parte dos nenos e nenas participantes e proxectaremos o vídeo realizado por ASPANANE "Porque eu son igual que ti" como broche a esta sesión da segunda edición do programa.


    3/5/18

    Teatro Escolar

    Este curso o alumnado de 3º curso, xunto coa súa titora Xulia Calvo, traballaron a obra de Teatro Escolar "Un ben... con outro ben" da autora Anisia Miranda.
    Primeiramente fixeron diferentes grupos e realizaron unha lectura dramatizada nos cursos de 2º, 4º, 5º e 6º de primaria.
    Pero para presentala aos compañeiros de Infantil e 1º curso fixeron unha dramatización no teatro do colexio, na mañá do xoves 3 de maio.
    Ademais da dramatización prepararon na aula de música un Romance baseado na obra e que cantaron ao final da representación.
    Fixéronno moi ben! e recibiron moitos aplausos.


    25/4/18

    I Xornada de Educación Física na rúa, en San Cibrao


    http://www.consejo-colef.es/defc-home

    NOTICIAS NA PRENSA
    Na mañá do mércores, 25 de abril, o alumnado de 5º e 6º curso, acompañados dos profesores Paco, Cristina, Eva, Jesús e Marta, participamos na xornada que se celebrou en San Cibrao con motivo da celebración deste día. No mesmo participaron centros de Abadín, Ribadeo, Burela, Cervo, Celeiro Galdo e Viveiro.
    O evento estaba organizado polo Seminario de Educación Física da Mariña e do que forma parte a noso profesora Eva Martínez Baltar.
    O día amenceu con choiva pero non foi impedimento para poder desenvolver todas as actividades que nos tiñan preparadas e dividadas en estacións:
    • Skate, Surf, Malabares
    • Brillé
    • Desaafíos Cooperativos
    • Paracaídas
    • Taller de Baile
    • Xogos Populares
    • Voley, Palas, Ultimate
    • Pedra-papel-tesoira
    • Discgolf-Slackline-Procura do tesouro
    • Tres en raia
    No seguinte vídeo podemos ver un pequeno resumo deste día tan especial.

    24/4/18

    ELBE.2: LECTURA DIXITAL NA BIBLIOTECA ESCOLAR

    No mes de marzo do ano 2014 puxemos en marcha o proxecto ELBE nos cursos de 5º e 6º de Primaria. 
    (Entrada no blog da Bibliosoños). 
    Neste curso a Consellería seleccionou o noso centro, xunto con outros 49 de toda Galicia, e dotounos dunha partida económica para dar continuidade á primeira fase ELBE e poder así contar cun novo recurso que amplía os fondos da biblioteca cunha primeira selección de recursos en formato dixital. Trátase do proxecto ELBE.2 e que estamos a poñer en marcha nestes días.
    O profesorado e alumnado de 3º, 4º, 5º e 6º curso recibirán unha formación de usuarios para coñecer esta plataforma e como poder descargala.
    Na seguinte presentación atopamos máis información.
    CLICA NA IMAXE
    http://bega-elbe2.edu.xunta.es/opac/#

    23/4/18

    As nosas actividades en torno ao DÍA DO LIBRO

    Son moitas as actividades que preparamos neste mes de abril en torno ao libro e que podemos ver nos seguintes enlaces:


    21/4/18

    Día do Libro 2018

     
     Coma en anos anteriores, a Consellería de Cultura, Educación e Ordenación Universitaria edita, co gallo do Día Mundial do Libro, un pequeno marcapáxinas cun texto orixinal dun autor ou autora galega. Nesta ocasión é Fran Alonsoa poeta que agasalla co seu texto sobre o libro e a lectura ás Bibliotecas Escolares de Galicia.

    A orixe do Día do Libro baséase na  conmemoración do falecemento de William Shakespeare, Miguel de Cervantes Saavedra e o Inca Garcilaso de la Vega en 1616. Esta celebración foi creada con varios motivos: combater o analfabetismo, fomentar a cultura, render  homenaxe universal aos libros e autores, e simplemente alentar a todas as persoas a gozar do pracer da lectura.
    Tanto a celebración como a súa data foron instituidas durante a Conferencia Xeral da UNESCO de 1995. A iniciativa para celebrar este día débese á Unión Internacional de Editores (asociación que representa a industria editorial a nivel internacional desde a súa fundación en 1896). Actualmente esta celebración é acollida por máis de 100 países ao redor do mundo.

    20/4/18

    Viaxe cultural a Foz

    Do 28 de marzo ao 10 de maio pódese visitar no Cenima, en Foz, a V Semana de Artes Plásticas da Mariña. Son 33 obras de 23 artistas. 

    Na mañá do venres, 20 de abril, o alumnado de 5º e 6º curso, xunto cos  profesores Paco, Cristina e Rosa, foron visitar a mesma.

     



    19/4/18

    Visitamos o Souto da Retorta

    Na mañá do xoves, 19 de abril, todo o alumnado e profesorado do colexio levamos a cabo a actividade programada dentro do Proxecto Documental Integrado deste curso: 
    A saída tiña como obxectivo o coñecemento do medio natural do SOUTO DA RETORTA.
    Como complemento á visita o alumnado traballou no caderno de campo que preparou a profesora Eva.


    NO SEGUINTE VÍDEO PODEMOS VER UN RESUMO DA PEQUENA EXCURSIÓN


    18/4/18

    Actividades complementarias do mes de abril

    Temos un mes con moitas actividades complementarias:
    • Xoves, 19 de abril: Saída ao Souto da Retorta (horario escolar); todo o alumnado. Actividade programada dentro do proxecto documental que estamos a levar a cabo "VIVEIRO, o noso Concello".
    • Venres, 20 de abril: Visita á Exposición no CENIMA en Foz (horario escolar); alumnado de 5º e 6º curso.
    • Luns, 23 de abril: Invitados pola ANPA do colexio sairemos a ver unha obra de Teatro no Pastor Díaz e faremos tamén un pequeno percorrido por Viveiro (horario escolar); alumnado de Infantil e 1º e 2º curso.
    • Mércores, 25 de abril: Celebraremos o DÍA DA EDUCACIÓN FÍSICA en San Cibrao xunto con outros colexios da Mariña (horario escolar); alumnado de 5º e 6º curso.

    10/4/18

    Encontros Plan de mellora de bibliotecas escolares 2017/2018

    Encontros Plan de mellora de bibliotecas escolares 2017/2018

    Os días 12 e 13 de abril de 2018 celebraranse no Palacio de Congresos de Santiago de Compostela os ENCONTROS DO PLAN DE MELLORA DE BIBLIOTECAS ESCOLARES 2017/208, a cita anual do profesorado responsable das bibliotecas de centros non universitarios integradas neste programa da Consellería de Cultura, Educación e Ordenación Universitaria. 

     

    XORNADA DE TRABALLO DAS 

    COORDINADORAS DA MICRORREDE A MARIÑA

    5/4/18

    Un novo libro na nosa Biblioteca


    O exprofesor do noso colexio, Vicente Míguez Salgueiro, entregounos un exemplar do libro "Tarbernas, parroquias de Viveiro". O mesmo formará parte do fondo documental sobre o Concello de Viveiro.
    Trátase do primeiro volume dunha serie que terá continuidade cunha segunda publicación.
    Este libro aborda unha catalogación das tabernas e salóns de baile de once parroquias do Concello (San André de Boimente, Santiago de Celeiro, Santa María de Chavín, San Xoán de Covas, San Xiao de Faro, Santa María de Galdo, San Xiao de Landrove, Santa María de Magazos, San Pedro de Viveiro, San Estevo de Valcarría, San Cibrao de Vieiro). 

    Queremos manifestarlle o noso agradecemento pola donación do libro e tamén felicitalo pola publicación do mesmo. Na nosa Biblioteca tamén contamos cos seus libros: "De azul olvido" e "A Lúa deitada en Porto Norte". 
    MOITAS FELICIDADES, VICENTE

    3/4/18

    Visita ao supermercado EROSKI

    Na mañá do martes, 3 de abril, o alumnado de 3º e 4º curso de Primaria, xunto coas súas titoras Xulia Calvo e Rosa Blanco, foron visitar o supermercado EROSKI de Viveiro.
    Primeiramente Eva, a encargada da visita, fixo unha breve exposición no centro sobre as diferentes dependencias que iamos visitar no supermercado e sobre a importancia dos alimentos saudables.
    Ao chegar ao supermercado visitamos as seguintes seccións: froitas e verdura, panadaría, peixería, carnicería e charcutería, lácteos e por último perfumería.
    Na carnicería explicánronlles a vestimenta que esixe o EPI (Equipa de protección individual) co que se reduciu o número de accidentes laborais. Na peixería explicáronlles a diferenza entre peixe azul e peixe branco e tamén lles fixéronlles unha demostración do fileteo dun peixe.
    Convidáronnos á degustación de froitas e zumes naturais, ademáis de participar en xogos para diferenciar froitas e verduras mediante o tacto e o gusto.
    Por último recibiron  agasallos dentro dunha bonita mochila.
    O centro quere agradecer a xentileza de todo o persoal do EROSKI por facer posible esta visita na que o noso alumnado aprendeu cousas moi importantes sobre os alimentos, a reciclaxe e a importancia dunha alimentación saudable.  MOITAS GRAZAS.



    2 de abril, Día Internacional do Libro Infantil - 2018

    http://www.edu.xunta.es/biblioteca/blog/?q=node/1069
    Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.
    Cada ano unha Sección Nacional ten a oportunidade de ser a patrocinadora internacional do Día do Libro Infantil. Esa Sección elixe un tema e selecciona a un autor ou autora importante do país co fin de que escriba unha mensaxe para os nenos e nenas do mundo, e a un recoñecido ilustrador ou ilustradora para que deseñe un cartel que se difunde en colexios, bibliotecas, a través dos medios de comunicación, etc. Con este motivo organízanse diferentes actividades de animación, encontros con escritores e ilustradores, concursos e outras accións puntuais.



    No seguinte vídeo o alumnado de 5º curso presentan os libros que están a ler:

    23/3/18

    Posta en marcha da 7ª convocatoria da MICRORREDE PLAMBE A MARIÑA

    Este curso o lema das Bibliotecas Escolares de Galicia leva por título: Aprender a pensar na Biblioteca Escolar.
    No colexio estamos a traballar no proxecto documental Viveiro, o noso Concello, polo que nos imos centrar concretamente no aspecto feminino do mesmo buscando información dos seguintes apartados:
    INFANTIL
    --Profesións de mulleres relacionados co mar (redeiras, mariñeiras, traballadoras das fábricas de conservas…)
    PRIMARIA (a elixir entre)
    --As festas e romarías no noso Concello (A Rapa das Bestas, Procesión do Carme, A Festa da Merluza, A Candelaria…)
    --As lendas, cancións, ditos, refráns relacionados co Concello de Viveiro e que teñan un “transfondo” feminino.


    MÁIS INFORMACIÓN NA SEGUINTE PÁXINA

    https://sites.google.com/site/plamblaamarina/

    22/3/18

    Dúas celebracións moi importantes

    O día 21 de marzo tamén celebramos o
     DÍA DA ÁRBORE E O DÍA DA AUGA
     Tivemos un día estupendo despois de tanta choiva (e tan necesaria) como caeu este mes.
    Preparamos as seguintes actividades que podemos ver na seguinte presentación e no vídeo resumen 



    21/3/18

    No Día Mundial da Poesía

    A poesía é unha manifestación da diversidade no diálogo, da libre circulación das ideas por medio da palabra, da creatividade e da innovación. A poesía contribúe á diversidade creativa ao cuestionar de maneira sempre renovada a forma en que usamos as palabras e as cousas, e os nosos modos de percibir e interpretar a realidade. 

    A decisión de proclamar o 21 de marzo como Día Mundial da Poesía foi aprobada pola UNESCO durante o seu 30º período de sesións, que se celebrou en París en 1999. De acordo coa decisión da UNESCO, o principal obxectivo desta acción é apoiar a diversidade lingüística a través da expresión poética e dar a oportunidade ás linguas ameazadas de ser un vehículo de comunicación artística nas súas comunidades respectivas. 
    Por outra banda, este día ten como propósito promover o ensino da poesía; fomentar a tradición oral dos recitais de poéticos; apoiar ás pequenas editoriais; crear unha imaxe atractiva da poesía nos medios de comunicación para que non se considere unha forma anticuada de arte, senón unha vía de expresión que permite ás comunidades transmitir os seus valores e foros máis internos e reafirmarse na súa identidade; e restablecer o diálogo entre a poesía e as demais manifestacións artísticas, como o teatro, a danza, a música e a pintura. 
    A través da Biblioteca e do Equipo Dinamizador da Lingua Galega levamos a cabo varias actividades:





    19/3/18

    Un ilustre viveirés: PASTOR DÍAZ

    Con motivo do Día Mundial da Poesía imos estudar en profundidade ao coñecido como Príncipe do Romanticismo, o escritor e político: PASTOR DÍAZ.
    Elaboramos unha páxina especial onde recollemos información sobre a súa vida e obra.
    CLICA NA IMAXE


    17/3/18

    De conversa con Antía Yáñez

    O misterio de Portomarín

    Antía Yáñez Rodríguez

    Aqueles irmáns pensaban que o verán ía ser igual de monótono e gris que sempre.
    Mais por unha serie de casualidades van ter que investigar un misterio que todos coidaban esquecido… como a vila que descansa debaixo das augas do encoro.
    Durante séculos aquela vila anegada tivo os seus (terribles) segredos ben gardados. Mais agora van saír á luz…

    O venres, 16 de marzo, e por xentileza da Editorial Galaxia, o alumnado de 5º e 6º de Primaria tiveron a oportunidade de conversar con Antía Yáñez, despois de ter lido o libro "O misterio de Portomarín", unha lectura que lles resultou apaixoante e moi entretida.
    Antía fixo unha presentación do lugar onde acontece a historia e posteriormente as nenas e nenos tiveron a oportunidade de facerlle moitas preguntas sobre o libro e tamén sobre ela mesma.
    Foi unha xornada moi gratificante para o noso alumnado que rematou coa firma dos exemplares que aportou a Bibliosoños.
    No seguinte vídeo podemos ver un pequeno resumo:



    15/3/18

    Para a celebración dos Días Mundiais da Árbore e da Auga

    Os días 21 e 22 de marzo conmemóranse o Día Mundial da Árbore e o día Mundial da Auga repectivamente. Por iso convidámosvos a que visitedes a seguinte páxina onde se recollen todas as actividades que levamos a cabo no colexio nestas e outras datas.
    CLICA NA IMAXE
    https://sites.google.com/site/educacionparaomedioambiente/

    11/3/18

    IV CONCURSO ROSALÍA SEMPRE VIVA

    Na mañá do sábado, 10 de marzo, celebrouse a IV edición do concurso escolar de recitado poético ROSALÍA SEMPRE VIVA, na Casa-Museo Manuel María en Outeiro de Rei.

    Centrado no recitado de versos da obra en galego de Rosalía de Castro ou da ampla produción poética de Manuel María, o concurso escolar está dirixido a todo o alumnado galego de ensino non universitario, desde Primaria a Ciclos Formativos Superiores.
    A actividade ten por obxectivo potenciar a expresión oral e a creatividade do alumnado a través do coñecemento e o recitado da poesía de dúas das voces máis importantes e populares da nosa literatura.
    Despois de realizar no colexio a fase clasificatoria quedaron clasificados para a gran final as seguintes alumnas e alumnos:
    Sara Asmerón e Lucas Fernández de 3º curso, Pedro Gil de 4º curso e Inés Cachón de 6º curso.
    Fixéronno moi ben! Noraboa polo seu esforzo 
    e por representar ao noso colexio!

    Máis información no seguinte enlace: 
    Aquí deixamos o vídeo cos momentos da súa actuación

    9/3/18

    Visita da Policía Nacional

    Plan Director para a Convivencia e Mellora da Seguridade nos Centros Educativos e as súas Contornas

    Novamente o delegado de Participación Ciudadana da Comisaría de Policía de Viveiro, Pablo Rodríguez González, estivo no noso centro co alumnado de Infantil para explicarlles as funcións da Policía Nacional. As nenas e nenos fixéronlle moitas preguntas e así poideron saber moitas cousas sobre a POLICÍA NACIONAL.
    https://www.policia.es/org_central/seguridad_ciudadana/unidad_central_part_ciudada/art_ciudadana_poli_escuel.html

    • Que hai que estudar para ser policía?
    • Cómo se atrapan aos delincuentes?
     Ensinoulles a placa identificativa e entregoulles pegatinas e carnets. Pasáronno moi ben e aprenderon moitas cousas!


    8/3/18

    DÍA INTERNACIONAL DA MULLER 2018

    http://www.unwomen.org/es/news/in-focus/international-womens-day

    O tema do Día Internacional da Muller, o 8 de marzo, é 
    "Agora é o momento: As activistas rurais e urbanas transforman a vida das mulleres". 

    "Este ano, o Día Internacional da Muller chega xusto despois de que se iniciase un movemento global sen precedentes polos dereitos, a igualdade e a xustiza das mulleres. Devandito movemento tomou a forma de marchas e campañas mundiais, incluídas as campañas # MeToo e # TimesUp nos Estados Unidos e campañas homólogas noutros países, sobre temas que van desde o acoso sexual e o feminicidio ata a igualdade de remuneración e a representación política das mulleres. Facéndose eco do tema prioritario do próximo 62ª período de sesións da Comisión da Condición Xurídica e Social da Muller, o Día Internacional da Muller tamén prestará atención aos dereitos e o activismo das mulleres rurais, que representan máis dunha cuarta parte da poboación mundial e estanse quedando atrás en cada medida de desenvolvemento. Debemos unirnos para transformar o impulso en acción, para empoderar ás mulleres en todos os contextos, rurais e urbanos, e para homenaxear ás activistas que están a traballar sen descanso para reclamar os dereitos das mulleres e realizar o seu pleno potencial. "
     MÁIS INFORMACIÓN NO SEGUINTE PÁXINA
    CLICA NA IMAXE
    https://sites.google.com/site/igualdadecoeducacionxenero/curso-2017-2018/adicado-a-maria-sarmiento

    7/3/18

    Viaxe Cultural de 5º e 6º curso


    Na xornada do martes, 6 de marzo, os alumnos e alumnas de 5º e 6º curso, xunto coas profesoras Cristina, Virginia e o profesor Paco, puxeron rumbo á Santiago de Compostela para levar a cabo varias visitas aínda que tiveron un día con moita choiva.

    5/3/18

    Nova exposición de libros e traballos

    Con motivo do Día Internacional da Muller e da Semana da Prensa, no recuncho das exposicións temos libros e traballos para levar ás aulas.


    NA SEGUINTE PÁXINA TAMÉN TEMOS MOITA INFORMACIÓN

    https://sites.google.com/site/igualdadecoeducacionxenero/curso-2017-2018/adicado-a-maria-sarmiento
     

    SEMANA DA PRENSA

    Dende o luns 5 e ata o venres 9 de marzo os centros educativos galegos conmemoran a Semana da Prensa na Escola. Xa van 30 anos celebrando esta semana a través da cal as alumnas e alumnos de toda Galicia poden coñecer un pouco mellor quen está detrás da pantalla da televisión, da radio, ou detrás da pantalla do móbil, contando cousas dende os medios de comunicación. Unha iniciativa que fomenta o sentido crítico de nenos e mozos.
    No noso colexio imos levar a cabo diferentes traballos por aula e unha vez que se rematen exporémolos e publicarémolos no blog.

    NA SEGUINTE PÁXINA ATOPAMOS MOITA INFORMACIÓN
    CLICA NA IMAXE
    https://sites.google.com/site/aprensanaescola/

    http://kiosko.net/es/

    2/3/18

    Apadriñamento Lector do alumnado de 3º curso

    Un ben… con outro ben

    Autora: Anisia Miranda
    Ilustrador: Manuel Fragoso

    Ourizo axuda a cóbrega a saír dunha trampa e esta pretende comelo, así que debaten con outros animais se un ben se paga cun mal.

    Esta foi a lectura do Apadriñamento Lector do alumnado de 3º curso que fixeron  en 2º, 4º, 5º e 6º de primaria, na Hora de Ler.
    Primeiramente a lectura foi traballada na aula. Fixeron 4 grupos, pois a obra ten 5 persoaxes: CÓBREGA, AOURIZO CACHO, CABALO, BOI E MERLO.
      E así cada grupo levou o seu Apadriñamento a un curso de primaria. Fixéronno moi ben! e os ouvintes aplaudiron con entusiasmo as súas lecturas.




      27/2/18

      Preparándonos para a fase final do concurso Rosalía sempre viva

      No noso colexio xa levamos a cabo a fase de selección dos participantes para  a fase final da IV edición do concurso que convoca  a Casa-Museo Manuel María

      Na primeira categoría concursarán:
      • Sara Asmerón Fernández de 3º curso
      • Lucas Fernández Sierra de 3º curso
       Na segunda categoría concursarán:
      • Pedro Gil Fernández de 4º curso
      • Inés Cachón Oulego de 6º curso


      FASE FINAL
      a) A fase final celebrarase na Casa-Museo Manuel María (Outeiro de Rei – Lugo) o sábado 10 de marzo.
      b) O concurso consistirá no recitado dun único poema por cada participante escollido libremente entre a obra en galego de Rosalía ou a de Manuel María.

      Desexámoslles que pasen un día estupendo en compañía doutros nenos e nenas de diferentes colexios, que  o disfruten e estamos seguros que o van facer moi ben. Moita sorte aos catro!!!

       

      23/2/18

      Hoxe celebramos o DÍA DE ROSALÍA

      Despois do recreo, todo o colexio marchou cara a Praza do Chao onde nos esperaban as nosas familias. Alí recitamos e cantamos moitos poemas de Rosalía.
      Tamén presentamos a nosa GRAN FIESTRA que levaba unha imaxe de Rosalía e o poema Adiós ríos, seguindo a proposta da AELG.
      Todo o alumnado realizou a súa fiestra para levar ás casas.
      No seguinte vídeo podemos ver un resumo do acto.

      VÍDEO ABRIMOS A NOSA FIESTRA


      19/2/18

      Día de Rosalía 2018

      O 24 de febreiro Rosalía de Castro está de aniversario, unha xornada a celebrar festexando á autora.

      No colexio  estamos a traballar en varias actividades:
      •  aprendendo poemas, cancións, 


      O vindeiro venres, 23 de febreiro, a partir das 12:00 horas, faremos un acto de lembranza na Praza do Chao onde presentaremos todos os traballos.


      https://sites.google.com/site/bibliosonosrosaliadecastro/rosalia-de-castro-curso-17-18

      EXPOSICIÓN DE LIBROS E TRABALLOS



      8/2/18

      Renovación das Mochilas Viaxeiras

      Hoxe o alumnado de 4º e 5º curso renovaron o contido das 3 Mochilas Viaxeiras que teñen en cada curso.
      A Mochila Viaxeira está pensada para que, desde a Biblioteca Escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura.

       
      A mochila é o soporte que permite aos rapaces e rapazas levar á súa casa, en préstamo temporal, uns materiais que reforcen o vínculo entre familia e escola na súa labor común para a formación dos lectores máis novos.

      1/2/18

      Xa estamos preparando o Entroido no colexio

      NO BLOG DO ENTROIDO ATOPAREMOS TODA A INFORMACIÓN SOBRE A NOSA FESTA

      https://entroido2010.blogspot.com.es/2018/

      31/1/18

      Celebramos o DÍA DA PAZ E NON VIOLENCIA

      Despois do recreo, todo o alumnado e profesorado do colexio, xuntámonos no ximnasio para bailar e cantar "cancións do mundo":
      • EPO I TAI TAI É (Canción Maorí), é unha canción de amor proveniente de Nova Zelandia.
      • ANIKUNI (Canción dos indios americanos) é unha canción que ten a súa orixe na cultura dos indios canadenses, trátase da canción que acompaña á danza do lume das devanditas tribos.
      • ERAM SAM SAM (Canción Marroquí)
      • SOMOS O MUNDO: « We Are the World» é unha canción escrita por Michael Jackson e Lionel Richie en 1985. Nós fixemos unha tradución ao galego seguindo a versión en castelá.
      Tamén fixemos a entrega dun diploma á gañadora do VIII concurso "Adhesivo pola Paz": 
      Sonia Mora Seijo

      29/1/18

      Adhesivos para conmemorar o DÍA DA PAZ E NON VIOLENCIA


      Os traballos finalistas para elaborar os adhesivos conmemorativos xa están expostos e mañá, durante a celebración farase a entrega dos mesmos.
      Os finalistas foron os traballos de:
      • Sonia de 4º Infantil
      • Raquel de 6º Infantil
      • Irea de 1º curso
      • Martina de 5º curso
      E a gañadora é Sonia de 4º Infantil