29/6/20

Premios pola participación no Día Mundial do Medio Ambiente

Presentamos os traballos realizados polo alumnado de 5º e 6º curso que participaron na convocatoria:

5 de xuño: Día Mundial do Medio Ambiente

NOTICIA NA VOZ DE GALICIA

 MOITAS GRAZAS A PORTO CELEIRO 

POLA ORGANIZACIÓN DO EVENTO!

19/6/20

Promoción 2017-2020 de Infantil

Hoxe presentamos a orla do alumnado que rematou a súa etapa de Infantil. 
Non puidemos realizar o acto de graduación pero as familias colaboraron desde as súas casas realizando o birrete e as fotos para que Mari, a súa titora, fixese esta orla tan bonita que lles quedará de recordo.
Esperámosvos en primaria!
Agora disfrutade do tempo de verán.


17/6/20

DESPEDIDA DA PROMOCIÓN DE PRIMARIA 2014-2020

Hoxe presentamos o vídeo-despedida da promoción de Primaria 2014-2020 feito dun xeito inusual con todo o alumnado nas súas casas. 
Todo o profesorado quere desexarvos MOITAS FELICIDADES! e MOITOS ÉXITOS na vosa etapa da Educación Secundaria


11/6/20

Recomendacións lectoras para o verán 2020

Estamos rematando este curso tan diferente ao que estamos acostumados, fáltannos as excursións e actividades de fin de curso, as actividades especiais na biblioteca...
Chegará o verán e tentaremos pasalo moi ben e como sempre cuns bos libros que ler no tempo de lecer. Dende a Bibliosoños e o Equipo de Dinamización da Lingua Galega deixámosvos unhas recomendacións lectoras:


A MICRORREDE A MARIÑA tamén nos deixa recomendacións a través dos seguintes booktubers:

INFANTIL E PRIMARIA

LECTORES AVANZADOS

5/6/20

5 de xuño: Día Mundial do Medio Ambiente

PÁXINA DO COLE SOBRE O MEDIO AMBIENTE
https://sites.google.com/site/educacionparaomedioambiente/

Hoxe é o día en que se recoñece ao medio ambiente, que grazas a este podemos gozar do que nos brinda. Nesta celebración fanse campañas de limpeza en praias, bosques, estradas; trátase de facer unha conciencia para coidar a nosa contorna, xa que a algunhas persoas non lles interesa no mais mínimo.
O Día Mundial do Medio Ambiente foi establecido pola Organización das Nacións Unidas (ONU).​ Celébrase desde 1974 o 5 de xuño de cada ano.

Ao igual que o ano pasado a OPP 77 PUERTO DE CELEIRO, S.A., en colaboración co noso coloxio, organiza unha serie de actividades dirixidas ao alumnado de 5º e 6º curso:

  • Taller educativo do medio ambiente mariño
    https://www.elprogreso.es/articulo/a-marina/escolares-celeiro/202006052115131442487.html

    Desenvolvemento da actividade

    11:30 horas: Conectamos coa plataforma
    Presenta a actividade Jesús Lourido en representación de PUERTO DE CELEIRO, S.A.
    Saúdo da Directora do CEIP de Celeiro, Rita Lamas
    11:45 horas: Ofrece a súa conferencia Zeltia López
    12:05 horas: Resposta as preguntas do alumnado
    12:15 horas: Inicio da conferencia de Isabel Riveiro, Montserrat Pérez e Maria Carmen Sainza
    12:50 horas: Respostan as preguntas do alumnado
    13:00 horas: Remata a videoconferencia
  • CONCURSO ESCOLAR MEDIO AMBIENTE MARIÑO (Edición 2020)
    • LER BEN AS BASES 
    • Requisitos e mecánica de participación.
      A participación no concurso é gratuíta, voluntaria e require do cumprimento dos seguintes
      requisitos:
      ✓ Acceder a videoconferencia do 5 de xuño
      ✓ Inscribirse co profesorado de cada aula
      ✓ Aceptar as bases do concurso
      ✓ Entregar en prazo o traballo co que se pretende participar
    • O alumnado que desexe participar deberá presentar un traballo con mensaxes de coidado do medio mariño e da pesca sostible, en técnica e formatos libres.

4/6/20

Xa podedes ler a revista "O papagaio"

PREME NA IMAXE PARA LER E VER A REVISTA
https://drive.google.com/file/d/1kAA8GbgmiPTdY5V_1c8U_S0aOesPO70J/view?usp=sharing

30/5/20

VAI DE CONTOS

http://pedrosalatas.blogspot.com/p/vai-de-contos.html
http://pedrosalatas.blogspot.com/p/vai-de-contos.html
Na pestana VAI DE CONTOS recollimos os contos que editaron a profesora Cris e o profesor Dani, neste tempo de Estado de Alarma. Son contos moi coñecidos e  seguro que vos gustará lembrar.
Animádevos a velos e escoitalos!!!

22/5/20

Infantil nas LETRAS GALEGAS 2020

Deixamos nesta entrada o vídeo coa proposta realizada ao alumnado de Infantil do colexio de Celeiro con motivo das LETRAS GALEGAS 2020.



20/5/20

A natureza é a protagonista

Deixamos aquí o vídeo realizado pola mestra Cristina Freán desde Eirexalba, O Incio (Lugo). 
Nel vainos ensinando as árbores e animaliños que hai nesa contorna.

19/5/20

Titorial sobre a Aula Virtual

Nesta entrada deixamos un vídeo titorial sobre a Aula Virtual do colexio



18/5/20

Día Internacional dos Museos 2020

https://www.cultura.gal/es/evento/44533/109/49520«Museos pola igualdade: diversidade e inclusión» é o tema para a edición de 2020 do Día Internacional dos Museos que se celebra o 18 de maio de 2020.

O obxectivo do Día Internacional dos Museos
(DIM) é concienciar sobre a importancia dos museos como medio para o intercambio cultural, o enriquecemento das culturas, así como para o desenvolvemento da comprensión mutua, da colaboración e da paz entre os pobos. Organizados cada 18 de maio ou ao redor desa data desde hai máis de 40 anos, os eventos e actividades planeados para celebrar o  DIM poden durar un día, unha fin de semana ou incluso toda a semana.





15/5/20

Programa de Radio na Biblio "LETRAS GALEGAS 2020"

CONVOCATORIA PARA PROGRAMA ESPECIAL DE RADIO NA BIBLIO

O pasado 3 de maio, dende a Bibliosoños, convocábamos ao alumnado de 6º curso para intentar realizar o último programa de RADIO NA BIBLIO deste curso. Foi todo un reto traballar desde as casas, enviar audios e vídeos... pero lográmolo!

Aquí vai o Programa nº 10 "ESPECIAL LETRAS GALEGAS 2020"


14/5/20

PRESENTAMOS TRABALLOS DAS LETRAS GALEGAS 2020

https://sites.google.com/site/ricardocarvalhocalerolg/as-nosas-actividades-nas-letras-galegas
O luns 4 de maio presentávamos a páxina coas actividades propostas para as Letras Galegas 2020. 
Hoxe remataba o prazo para enviar os traballos de banda deseñada e con eles fixemos a seguinte presentación:
PREME NA IMAXE


https://docs.google.com/presentation/d/1b2kfneqDhyy1mwysq11AwjPlqNLE16ELB5N8GJ-QQVw/edit?usp=sharing

BIOGRAFÍAS DE RICARDO CARVALHO CALERO, 
realizadas pola coordinadora do 
 Equipo Dinamizador da Lingua Galega (EDLG) 
Bibiana Santos




RETO DA AULA DE MÚSICA CUMPRIDO
O alumnado de 6º de Primaria cantou desde as súas casas o
HIMNO GALEGO

12/5/20

"As pitas baixo a choiva"

Comezamos a publicar os diferentes traballos e actividades que se van realizando con motivo das LETRAS GALEGAS 2020.

 A profesora de Infantil, Cristina Freán, 
fixo unha magnífica adaptación do libro: 
"As pitas baixo a choiva"



4/5/20

MES DAS LETRAS GALEGAS

https://sites.google.com/site/ricardocarvalhocalerolg/ 


Hoxe facemos a presentación da Páxina Especial dedicada ás Letras Galegas e ao Homenaxeado deste ano: Ricardo Carvalho Calero

Nela atoparedes moita información e as actividades que vos  propoñemos para logo facer unha posta en común. 

Animádevos a participar!!!

PREMEDE NAS IMAXES 
PARA ENTRAR NAS PÁXINAS

https://sites.google.com/site/ricardocarvalhocalerolg/as-nosas-actividades-nas-letras-galegas

3/5/20

CONVOCATORIA PARA PROGRAMA ESPECIAL DE RADIO NA BIBLIO



A radio da Biblioteca do CEIP de Celeiro, “RUFOSOÑOS”, 

quere facervos unha proposta:

Realizar un programa de “radio virtual”, con motivo da pronta celebración do Día das Letras Galegas que este ano están dedicadas a Ricardo Carvalho Calero. 


Este será o voso último programa de RADIO NA BIBLIO (RADIO NA CASA) dadas as circunstancias que estamos a vivir por mor do CORONAVIRUS. 
Dentro do guión do programa faremos dúas partes diferenciadas: 
  •  Biografía e obra do autor homenaxeado… Cada un/unha lerá a súa parte correspondente 
          Pedides axuda para que vos graven un vídeo (teléfono en horizontal)
  •  Tamén cada un e unha de vós redactará unha entrada sobre o que queirades expresar: como vos atopades, o que votades de menos, o que faredes cando todo volva á normalidade, que é o que estades a facer, os libros que estades a ler ou tarefas que estades a realizar, o que votades en falta… é dicir todo aquelo que se vos ocorra. 
    • Primeiramente xa sabedes que tedes que escribir o texto 
    •  Practicar a súa lectura para unha correcta expresión 
    •  Por último gravádeo nun pequeno vídeo (teléfono en horizontal) que non debe exceder dun minuto e que terá que levar unha introdución cun saúdo e dicindo o voso nome. 
    • Os vosos profesores: Paco e Marta, encargaranse de editar e publicar o programa de radio “especial” realizado por todos vós. 
    • Agardamos que participedes todos e todas. 
    • Tedes de tempo ata o vindeiro xoves, 14 de maio ás 14:00 horas. 
    •  Enviades os vídeos ao seguinte correo: bibliotecaceleiro@gmail.com 
Saúdos

2/5/20

Presentamos algúns dos vosos traballos

Nesta entrada presentamos a Páxina de Educación Emocional na que se irán publicando as tarefas que vades entregando:
PREME NA IMAXE  PARA ENTRAR NA PÁXINA,
TEDES QUE PREMER DESPOIS ONDE PON TAREFA 1
PARA VER OS VÍDEOS DOS VOSOS TRABALLOS
https://sites.google.com/site/educacionemocionalcovid19/

Tamén queremos ensinarvos o apartado da Páxina da Aula de Música, onde atoparedes os vídeos dos traballos que vades enviando:

https://sites.google.com/site/especialcovid19/videos-dos-vosos-traballos

Animámosvos a que sigades traballando así de ben!!!

1/5/20

COMEZAMOS O MES DE MAIO!

Hoxe comeza o mes de maio!, un mes moi importante no noso colexio pois, se non estivesemos en estado de alarma, moitas serían as actividades a realizar: A festa do maio, Exposición da MICRORREDE, Letras Galegas, Excursións... entre outras.
Intentaremos, dende as nosas casas e desde este blog, realizar virtualmente algunha... 
Para empezar, que vos parece escoitar a canción "O MAIO": a letra é de Manuel Curros Enríquez e a música de Luis Emilio Batallán.
https://sites.google.com/site/maiodofesta/Tamén deixamos a páxina do cole
 onde recollemos A FESTA DO MAIO.




Aí vén o maio
de frores cuberto ...
Puxéronse á porta
cantándome os nenos;
i os puchos furados
pra min estendendo,
pedíronme crocas
dos meus castiñeiros.

Pasai, rapaciños,
calados e quedos;
que o que é polo de hoxe
que darvos non teño.
Eu sonvos o probe
do pobo gallego:
pra min non hai maio,
pra min sempre é inverno! ...

Cando eu me atopare
de donos liberto
i o pan non me quiten
trabucos e préstemos,
e como os do abade
frorezan meus eidos,
chegado habrá estonces
o maio que eu quero ...

Queredes castañas
dos meus castiñeiros? ...
Cantádeme un maio
sin bruxas nin demos;
un maio sin segas,
usuras nin preitos,
sin quintas, nin portas,
nin foros, nin cregos.
Manuel Curros Enríquez, Aires da miña terra

30/4/20

PÁXINAS DE RECURSOS DO NOSO COLEXIO

Ola a tod@s! nesta entrada do blog queremos recordarvos que tedes á vosa disposición moitos recursos que preparamos entre todo o profesorado do colexio para que podades seguir as actividades diarias

https://www.edu.xunta.gal/centros/ceipceleiro/aulavirtual2/



http://bibliotecaapedrosalatas.blogspot.com/

https://rosa-thepine.blogspot.com/
https://coropedrosalatas.blogspot.com/2020/04/os-vosos-traballos.htmlhttps://educacionfisicaceipceleiro.blogspot.com/ 
https://auladeapoiodocoledeceleiro.blogspot.com/

29/4/20

MÁIS RECURSOS...

Na marxe dereita tedes os enlaces para entrar nas seguintes webs:

https://www.lingua.gal/o-galego/promovelo/equipos-de-dinamizacion-da-lingua-galega/datas-sinaladas/listado?tipo_recurso=Xestion/recurso/Dia_do_Libro/

https://www.cultura.gal/gl/aculturasegue
https://www.galiciale.gal/

28/4/20

BAÍA EDICIÓNS CON VÓS NA CASA


En Baía Edicións saben que todas e todos temos moito que ler ou reler na casa, pero co beneplácito das súas autoras e autores deixáronnos unha listaxe de títulos a escoller que vos poden axudar a superar o confinamento. 
"Só pedimos que lembredes a súa empatía e fagades un uso responsable destes textos respectando a súa obra, que tan xenerosamente prestaron para a nosa campaña #euquedolendo #baíaconnósnacasa."  

(É que nos piden desde Baía Edicións e nós dámoslles as gracias pola súa xenerosidade)

PREMEDE NA IMAXE PARA DESCARGAR OS LIBROS QUE VOS INTERESEN


https://baiaedicions.gal/editorial/baia-edicions-con-vos-na-casa/

23/4/20

FELIZ DÍA DO LIBRO


Este ano o Día do Libro conmemorámolo dende as nosas casas. Por iso as mestras e mestres do cole quixeron agasallar a todo o alumnado cun conto moi popular dos irmáns Grimm: Os sete cabritos (unha adaptación de Tareixa Alonso & Teresa Lima).

  ACTIVIDADES NO COLEXIO por cursos

 
https://sites.google.com/site/diadolibro23deabril/

22/4/20

Este curso a MICRORREDE A MARIÑA #QuedaNaCasa

https://sites.google.com/site/plamblaamarina/curso-19-20
A MICRORREDE PLAMBE A Mariña, proxecto colaborativo que forman as Bibliotecas Escolares de:

EEI SAN ROQUE (Viveiro)
CEP LOIS TOBÍO (Viveiro)
CEIP de CELEIRO (Celeiro-Viveiro)
Escola Oficial de Idiomas de RIBADEO

TOMOU A SEGUINTE DECISIÓN:
Suspender o noveno proxecto:  "Cidadá(n)s da Mariña, Cidadá(n)s do mundo"
e aprazalo para o vindeiro curso, dadas as circunstancias por mor do COVID-19.

Por estas datas, coa chegada da conmemoración do Día do Libro, o noso centro abriría a exposición no colexio, para logo no mes de maio confluír nunha gran exposición conxunta nas salas do Concello de Viveiro.
Todo estaba preparado, pero... como xa dixemos, este encontro terá lugar dentro dun ano. Non obstante nestes momentos quixemos realizar unha actividade especial:
Como actividade especial editamos un vídeo onde:
    • as diferentes bibliotecas saúdan a todas as comunidades educativas
    • facemos un repaso das aito edicións anteriores



21/4/20

Lembrando a Dona Luz Pozo Garza

A Real Academia Galega expresa o seu fondo pesar polo pasamento de Luz Pozo Garza
A decana da poesía galega, nada en Ribadeo en 1922, finou hoxe na Coruña, a cidade na que residía dende finais dos anos 80. 
A poeta, ensaísta e catedrática de literatura de ensino medio formaba parte da RAG dende 1950, cando con só 28 anos foi nomeada membro correspondente, e dende 1996 era académica de número.
A súa é unha das voces esenciais das letras galegas da segunda metade do século XX, renovadora tanto na forma como na temática abordada. 
O amor e a sensualidade foron dúas constantes na súa obra, caracterizada por un fondo lirismo e o diálogo intertextual íntimo coa tradición poética galega e universal. 
A luz como elemento simbólico central é outro sinal de identidade dunha autora que nunca deixou de escribir. 
En 2019 publicou o seu último libro, Pazo de Tor, un libro de homenaxe ás raíces familiares pola vía materna. 

LUZ POZO GARZA, filla adoptiva de Viveiro

19/4/20

DÍA DO LIBRO E DEREITOS DE AUTOR

https://www.edu.xunta.gal/biblioteca/blog/?q=node/1306
Achégase o Día Mundial do Libro e do Dereito de Autor, en acepción da UNESCO, e desde a Consellería de Educación, Universidade e formación Profesional edítase o díptico para conmemorar este día 23 de abril de 2020.  LER MÁIS

Este curso dende a BIBLIOSOÑOS propoñemos como actividade:  
  • Visualización da páxina SITES, que recolle todas as celebracións deste día desde o curso 2009-2010, polo tanto estamos no 10º aniversario da mesma.
  • En especial podedes ir ao apartado:
https://sites.google.com/site/diadolibro23deabril/

17/4/20

VÍDEO DE ENCONTRO: PROFESORADO E ALUMNADO DO COLEXIO

O domingo 12 de abril, lanzamos a proposta que podedes ler tamén na imaxe da dereita.
Trátase de que nos enviedes imaxes para logo realizar un vídeo colaborativo en recordo destes días de confinamento na casa.


ANIMÁDEVOS A PARTICIPAR!

16/4/20

Recibimos a revista O PAPAGAIO

https://drive.google.com/file/d/1fglPulItADGC87sRhn6knBuhpl73w-QV/view?usp=sharing

"O Papagaio estaba desexando saír voando ate as vosas casas e bibliotecas para achegarvos todo o que preparou para o número de Abril pero parece que imos ter que ficar na casa algúns días máis así que vos envía unha versión dixital deste número en formato PDF para que poidades descargala e desfrutala na casa."
CLICA NA IMAXE PARA LER

14/4/20

Seguimos lendo nas nosas casas

https://pedrosalatas.blogspot.com/search/label/E-BOOKS
Ola nenas e nenas! para este tempo de confinamento nas vosas casas recordámosvos que tedes a vosa disposición a posibilidade de seguir utilizando a lectura dixital a través do proxecto ELBE.2

Déixamosvos  unha presentación para repasar o seu funcionamento e invitámosvos a que fagades uso dela.




PREME NA IMAXE
http://bega-elbe2.edu.xunta.es/opac/#

2/4/20

Xa temos preparados os vídeos cos vosos traballos!!!

PREPARANDO O DÍA DO LIBRO INFANTIL

O día 25 de marzo a Bibliosoños propuxo esta actividade para conmemorar o Día do Libro Infantil e Xuvenil.
Participou o seguinte alumnado:
  • 4º Infantil: David, Carmen e Iria
  • 6º Infantil: Cristina
  • 1º Primaria: Antón, Paula
  • 2º Primaria: Nuno, Julia, Cristina, Mateo e Celia
  • 3º Primaria: Antía, Valeria
  • 4º Primaria: Laura
  • 5º Primaria: Bruno e Helena
  • 6º Primaria: Pedro Gil

NORABOA POLO VOSO TRABALLO, 
SODES UNS ARTISTAS!!! 

1/4/20

1 de abril, Día das Artes Galegas

https://www.edu.xunta.gal/biblioteca/blog/?q=node/1302

#bescolaresgalAbertas: 

1 de abril, Día das Artes Galegas - 2020

O día 1 de abril, celébrase o Día das Artes Galegas que, neste 2020, homenaxea ao arquitecto Domingo de Andrade. Aínda que a maior parte da súa obra podemos vela en Compostela, fora dalí tamén deixou a súa pegada en Lugo e Ourense.

É unha ocasión para afondar nos espazos creativos das nosas bibliotecas na temática arquitectónica, tanto nos fondos bibliográficos como nos materiais manipulativos. 

https://sites.google.com/site/semanadaartegaleganaescola/ PÁXINA DO COLEXIO

 

 

No colexio "somos moi artistas", polo menos no apartado musical, por iso podemos entreternos ollando a páxina dedicada ás:

ACTIVIDADES MUSICAIS NO CEIP DE CELEIRO

https://sites.google.com/site/corodoceipantoniopedrosalatas/home

 

25/3/20

PREPARANDO O DÍA DO LIBRO INFANTIL

https://www.edu.xunta.gal/biblioteca/blog/
O Día Internacional do Libro Infantil e Xuvenil celébrase o 2 de abril, coincidindo co  natalicio do escritor danés  Hans  Christian Andersen. O obxectivo, é espertar o interese e amor polos libros e a lectura dos nenos e novos e facer diso, un hábito de vida.
BLOG DAS BIBLIOTECAS ESCOLARES DE GALICIA
Como en anos anteriores (aínda que este sexa diferente) o IBBY (International board on books for young people) chama á conmemoración do Día do Libro Infantil o 2 de abril, data de nacemento de Hans Christian Andersen. O obxectivo é promocionar os bos libros infantís e xuvenís e a lectura entre os máis novos. 

A sección patricinadora deste ano é Eslovenia que difunde a mensaxe de Peter Svetinai lustrada por Damijan Stepancic: Fame de palabras. 

GÁLIX, Asociación do Libro Infantil e Xuvenil, facilítanos a tradución ao galego de  Héctor Cajaraville. 



Quen foi  Hans  Christian Andersen?

Hans  Christian Andersen, foi o creador dalgúns dos contos clásicos infantís máis lidos en todo o mundo como o  Patito Feo,  Pulgarcita, o Soldado de Chumbo ou a  Sirenita e que tamén foron levados ao teatro e á gran pantalla.
Foi un escritor, abocado á literatura infantil, a cal se coñece nos cinco  continentes, ademais, os seus libros foron traducidos a máis de oitenta idiomas.

Xa temos preparados os vídeos cos vosos traballos!!!

ENTRADA DO DÍA 2 DE ABRIL DE 2020

24/3/20

VÍDEO CONMEMORATIVO

Xa temos o vídeo que realizamos con todos os traballos que se presentaron á proposta da BIBLIOSOÑOS:

IMOS SEGUIR TRABALLANDO... A BIBLIOSOÑOS PROPÓN...




Moitas gracias ás familias pola súa implicación. Temos que seguir traballando por iso animámosvos a que sigades as novas propostas que fará a BIBLIOSOÑOS

 

23/3/20

RECURSOS EDUCATIVOS NA REDE

Somos conscientes de que a situación que estamos a vivir nestes intres non é doada para ninguén, por ese motivo, todo o persoal do CEIP de Celeiro querémosvos enviar ánimos e toda a forza do mundo, e dicirvos que entre todos poderemos se non combater a este virus polo menos facelo menos presente na nosa sociedade.
Tede en conta que, isto non é de obrigado cumprimento, e non o facemos para seguir avanzando no currículo, senón porque consideramos as rutinas como esenciais no desenvolvemento e aprendizaxe dos máis pequenos.
Por outra banda dicir que consideramos como tarefas escolares:
- as manualidades
- a pintura e o debuxo
- a lectura ( de libros, contos, ...)
- a escritura (copia ou producións propias, esquemas e resumos, redaccións...)
- as matemáticas (facendo listaxe para a compra, estimando prezos, medindo ingredientes cociñando, xogando coas moedas... facendo medidas das habitacións da casa, facendo planos en escala...)
- os xogos de mesa en familia (como pode ser o parchis, o tabú, scrabell, o uno, cartas, puzzles...)
- o exercicio físico na casa (facendo bailes, subindo e baixando un chanzo, facendo saltos, barrer,....)
- Cantar (memorizar cancións e cantalas en galego, en inglés, en castelán...)

Para iso deixámosvos a disposición a páxina web do centro, e o blog, onde poderedes atopar diferentes recursos para traballar.
Así pois, queremos achegarvos unha serie de recomendacións para que os vosos fillos e fillas non perdan hábitos, e se lles faga máis ameno o confinamento.
  • Contos:
Coronavirus no es príncipe ni princesa
http://aulasgalegas.org/recursos-na-rede/
https://es.ixl.com/?partner=google&campaign=8855101097&adGroup=94161111043&gclid=EAIaIQobChMI3sn1zriw6AIVy6ZRCh2mmAyVEAEYASAAEgKs1_D_BwE
comprensión lectora general
https://www.mundoprimaria.com/lecturas-para-ninos-primaria
xogos
www.yojuegoencasa.es (hai que rexistrase pero é totalmente gratuíto)
Espectáculos On-line
www.salondolibro.gal/salon-virtual/ totalmente gratuíto e onde podemos atopar, acutación musicais, contacontos, talleres…
  • Libros lectura Online
- https://keepreadingencasa.planetadelibros.com/ (libros para descargar gratuítos tanto para nenos e nenas como para adultos)
El señor cuadrado y sus amigos:
https://weeblebooks.com/es/ciencia/senor-cuadrado-amigos/ I
Un techo de estrellas:
https://weeblebooks.com/es/espacio/un-techo-de-estrellas/
Descubriendo a Julio Verne
https://weeblebooks.com/es/biografias/descubriendo-a-julio-verne/
La historia y sus historias (+11/12 anos)
https://weeblebooks.com/es/historia/la-historia-y-sus-historias/
Rosa contra el virushttps://bbkfamily.bbk.eus/es/mediateka/rosa-contra-el-virus/
Numeroso títulos infantiles:
http://www.digital.pintar-pintar.com/bookcase/combj

Dende o grupo de docentes do CEIP de Celeiro, esperamos vervos axiña, e lembrade#eutaménquedonacasa#

21/3/20

DÍA DA POESÍA


(Nestes días de quedar na casa pode ser unha boa ocasión para lembrar actividades que fixemos no colexio con motivo desta  e outras moitas celebracións)
http://marta-diapoesia.blogspot.com/


Hoxe, 21 de marzo celébrase o Día Mundial da Poesía 2020, co obxectivo de apoiar a diversidade lingüística e dar a oportunidade ás linguas ameazadas de ser un vehículo de comunicación artística. 
Durante a 30 reunión da UNESCO, en París en 1999, o organismo proclamou o 21 de marzo, como Día Mundial da Poesía, a proposta do editor Antonio Pastor  Bustamante.
Ao principio propúxose o 23 de abril, pero como xa se celebraba nesa data o Día Mundial do Libro, decidiuse finalmente o 21 de marzo, coincidindo co  equinoccio de primavera no hemisferio Setentrional.
Este día busca promover o ensino da poesía, fomentar a tradición oral dos recitais de poéticos, apoiar ás pequenas editoriais, crear unha imaxe atractiva da poesía para que non se considere unha forma anticuada de arte, senón unha vía de expresión, e restablecer o diálogo entre a poesía e as demais manifestacións artísticas, como o teatro, a danza, a música e a pintura.
A poesía contribúe á diversidade creativa ao cuestionar a forma na que usamos as palabras e o noso modo de percibir a realidade. Exprésase de maneira diferente e sutil e consegue comunicar cousas de maneira diferente.

Lembrade a proposta da BIBLIOSOÑOS:

IMOS SEGUIR TRABALLANDO... A BIBLIOSOÑOS PROPÓN...

Estamos a recibir moitos traballos ben bonitos. 

O luns 23, cos traballos recibidos, faremos un vídeo conmemorativo

Moito ánimo e feliz DÍA DA POESÍA!!!

19/3/20

Unha ponte especial "QuédateNaCasa"

Hoxe comezariamos unha ponte moi especial pero o COVID-19 cambionos todos os plans.
Deixámosvos novas propostas:

16/3/20

IMOS SEGUIR TRABALLANDO... A BIBLIOSOÑOS PROPÓN...

Dende a Bibliosoños facemos a seguinte proposta de traballo voluntario 
para o alumnado de Primaria.

Esta semana si houbese cole celebrariamos os días da ÁRBORE, AUGA E POESÍA.

Por iso vos propoñemos que:
  • procuredes ou inventedes un poema relacionado coa natureza, árbores, animais... (en galego, castelán ou inglés)
  • escribides o mesmo nun folio ou folla
  • facedes un debuxo ben bonito relacionado co texto e escribides o voso nome e curso
  • pedídeslle a mamá ou papá que lle faga unha foto ao voso traballo para que o envíe ao seguinte correo: bibliotecaceleiro@gmail.com
  • tedes de tempo ata o luns 23 de marzo
  • coas fotos recibidas faremos un vídeo para celebrar dende a distancia estas conmemoracións que tanto nos gustan.
Outra proposta:
  • podedes enviar un vídeo recitando ese poema elexido
  • ao mesmo correo e ata o luns 23 de marzo
 Nota: O traballo e envío do mesmo ten que estar supervisado pola vosa familia

http://pedrosalatas.blogspot.com/
Tamén vos invitamos a ler e ver o blog BIBLIOSOÑOS
O EQUIPO DA BIBLIOTECA.

6/3/20

Para conmemorar o Día da Muller

http://www.edu.xunta.es/biblioteca/blog/?q=node/1294
O vindeiro 8 de marzo é o Día da Muller por iso no noso colexio durante esta semana fixemos actividades e traballos para fomentar a igualdade entre nenas e nenos, homes e mulleres e visualizar os seus dereitos.
Cada ano este día vai dedicado a unha muller relevante relacionada co Concello de Viveiro, pero este ano quixemos preguntar ás familias por esas mulleres que están no noso recordo e que foron parte fundamental da nosa sociedade por diversos motivos. A enquisa proporcionounos a figura de Dolores Salgueiro Fernández, "A Chitona".

  • Na Biblioteca elaboramos unhas pequenas presentacións: 



  • O seu fillo Vicente Míguez (exprofesor do colexio) impartiu unhas pequenas charlas para todo o alumnado dividido en dous grupos: Infantil, 1º e 2º curso e outro con 3º, 4º, 5º e 6º curso.
  • Tamén nos preparou unha pequena exposición con fotografías
  • Nas aulas tamén prepararon diversos traballos e murais