22/6/19

ACTIVIDADES DE FIN DE CURSO

Chegamos ao remate do curso e como todos os anos temos actividades especiais:
  • O xoves, por xentiliza da ANPA do colexio, tivemos a gran actuación do Mago "KIKO CARROLO" que nos fixo pasar unha mañá moi agradable e divertida. 
MOITAS GRACIAS A NOSA ANPA QUE TANTAS ACTIVIDADES NOS REGALAN!!!

  • O venres, o alumnado de 6º de Infantil e 6º de Primaria foron os encargados de ofrecernos un FESTIVAL MOI ESPECIAL. 
Traballaron un montón e en moi pouquiño tempo, por iso hainos que felicitar a eles e máis ás súas mestras. 
MOITAS FELICIDADES POLO TRABALLO E 
POLO PASO 
A UNHA NOVA ETAPA ESCOLAR!!!
A continuación podemos ver un pequeno resumo das actuacións

18/6/19

Hoxe gradúanse as nenas e nenos de 6º Infantil

Que gran día o de hoxe!. 
Na Biblioteca todo estaba preparado para recibir ao alumnado e profesorado de Infantil, un acontecemento moi especial ía ter lugar como cada ano ao rematar o curso escolar.
Primeiro chegaron os nenos e nenas de 4º e 5º de Infantil e logo xa fixeron entrada todo o alumnado  da aula da titora Cristina Freán Lamela é dicir os nenos e nenas de 6º infantil que xa rematan esta etapa  tan importante.
Despois de saudar, visionamos un vídeo resumo da súa etapa, cando chegaron con tres anos ata o día de hoxe; tiveron palabras de agradecemento para todo o profesorado; a súa titora entregoulles a cada nena e neno un diploma; por último houbo moitos agasallos, bicos e abrazos. 

VÍDEO RESUMO DA PROMOCIÓN

VÍDEO RESUMO DA GRADUACIÓN


Doazón de libros para a Bibliosoños

A alumna de 2º curso, Irea Vale Iglesias, acaba de donar 3 libros:
  • Uxía queda na casa con Iria
  • Érase una vez un mundo mejor
  • ¡Voy a comeDte!
Dende a Bibliosoños dámoslle as grazas  a ela e á súa familia pola súa xenerosidade!

17/6/19

Actividade Extraescolar de PINTURA

Durante este curso 2018-2019 a ANPA ofertou diversas actividades extraescolares e hoxe queremos presentarvos os traballos realizados na actividade de PINTURA, impartida pola profesora OLIVA DÍAZ MEJUTO que nos conta o que traballaron durante o curso:

Neste curso estudamos a teoría da cor: círculo cromático (cores primarias, secundarios,  complementarios, cores frías e cálidas). Traballamos con distintas técnicas artísticas (lapis grafito, ceras, lapis  acuarelables, acuarelas, pasteis e acrílicos).
Demos renda solta á imaxinación desenvolvendo a creatividade e traballando con texturas elaborando un cadro abstracto con técnica mixta e partindo da mancha de cor.
Tamén nos divertimos con xogos que nos axudan a coñecer a grandes xenios da pintura así como a súa obra.
Debuxamos facendo especial  fincapé no encaixado do debuxo no papel (bosquexo).
E sobre todo DIVERTÍMONOS APRENDENDO nesta actividade na  que participaron novas  artístas con idades comprendidas entre os tres e os doce anos.
Pola miña banda moi feliz cos resultados. Moitas grazas pola vosa implicación: OLIVA DÍAZ MEJUTO.

13/6/19

A excursión de 1º e 2º curso

O xoves, 13 de xuño, o alumnado de 1º e 2º curso, xunto coas profesoras Angélica, Cristina e Eva, foron de excursión de fin de curso ata o Monte San Roque.
Alí participaron das actividades do Parque de Aventuras  que se estreou fai uns días.
Despois disfrutaron dunha comida campestre e xogos.
Pasáronno moi ben!!!



12/6/19

Último mural da colección "As árbores de 2º curso"

Hoxe presentamos o último mural do proxecto deste curso "Ao abeiro dos nosos montes".
Nesta ocasión o alumnado de 2º curso rematou o mural sobre O EUCALIPTO. 
Tamén fixeron o vídeo que pertence ao traballo "Colección de árbores de 2º curso".




11/6/19

Unha visita moi especial!!!

Hoxe, o alumnado de 4º curso, tivo unha visita moi especial: María Rolle a autora do libro "Esta non é outra historia de piratas".
Na aula de 4º curso leron este libro que lles gustou moitísimo e como María, a autora, acudiu á nosa invitación, poidemos disfrutar da súa especial presentación do libro.


Tamén poideron facerlle moitas preguntas que ela contestou con gran cariño. Ademais fixéronlle entrega dun mural coa súa interpretación de todas as persoaxes do libro e por último cantáronlle a canción que preparamos no colexio e da que ela mesma escribiu a letra.


9/6/19

Un novo programa da RUFOSOÑOS

Presentamos un novo programa de RADIO NA BIBLIO, a nosa RUFOSOÑOS.
Trátase dunha entrevista realizada a catro nais: Carmen, Natalia, Rocío e Rosa que acudiron este curso á Escola de Nais/Pais que impartiu a Orientadora do Centro Virginia Jiménez.


6/6/19

MICRORREDE A MARIÑA: "A POESÍA QUE SENTIMOS"

Esta semana, do 3 ao 6 de xuño, estase levando a cabo a Exposición da MICRORREDE A MARIÑA.


No seguinte enlace podemos ver todo o relacionado co proxecto deste curso:

"A POESÍA QUE SENTIMOS"

5/6/19

Hoxe é o DÍA MUNDIAL DO MEDIO AMBIENTE


Para conmemorar esta data tan importante PUERTO CELEIRO S.A. ofreceunos unha actividadede concienciación e aprendizaxe en relación ao uso dos plásticos que están contaminando os nosos mares.
Primeiro tivemos unha charla informativa, despois fixemos un xogo divididos en varios equipos.
Finalmente rematamos facendo reflexión sobre o uso abusivo dos plásticos.
Tamén nos regalaron unha bolsiña de tea para non ter que usar bolsas de plástico.

MOITAS GRACIAS a Puerto Celeiro por vir ao noso colexio.

MURAL DO ALUMNADO DE 2º CURSO


4/6/19

Damos comezo a Exposición Conxunta da MICRORREDE A MARIÑA

Na tarde do luns, 3 de xuño, os equipos dos diferentes centros que formamos a MICRORREDE PLAMBE A MARIÑA, realizamos a montaxe da exposición deste curso:
Este ano volvemos a contar coa colaboración do Concello de Viveiro pois nos ceden a Sala Multiusos e a Sala de Exposicións da Biblioteca Municipal. Tamén colaboran con nós o Centro Comercial Casco Histórico, o Conservatorio de Música, o IES Monte Castelo, o Concello de Xove.
Na tarde do martes, 5 de xuño, faremos a inauguración con moitas e variadas actividades: música, poesía... coa asistencia de autoridades e todo o profesorado dos centros.Dado que é moi probable que teñamos mal tempo, o acto de inauguración trasládase ao Teatro Pastor Díaz de Viveiro.
A exposición estará aberta en horario de 18:00 a 20:00 horas para o público en xeral; tamén haberá horarios especiais para aqueles colexios e colectivos que o soliciten.


29/5/19

Excursión fin de curso de 3º e 4º de Primaria

O martes, 28 de maio, o alumnado de 3º e 4º curso de primaria fixeron unha excursión a Lugo, onde visitaron:
Nesta saída poideron apreciar e ver os restos e a evolución da historia de Lugo, dende a Prehistoria ate os Romanos.




Cartel e programa da 8ª edición da Microrrede A MARIÑA








27/5/19

Un novo programa de "Radio na Biblio" moi especial

Acabamos de rematar de editar un novo programa de RADIO NA BIBLIO  dedicado exclusivamente á entrevista  que lle realizamos á escritora María Canosa por parte  das alumnas de 6º curso: Ana, Leire, Ánxela, Candela e Julia.
Neste programa xa poidemos contar con todos os materiais cos que vai contar o noso estudio de radio que durante este curso estivo na Biblioteca pero para o vindeiro curso contamos ter un estudio propio. Xa iremos informando de todos estes cambios.

Novamente queremos agradecerlle a María Canosa a súa amabilidade para co noso colexio.
 
VÍDEO DE COMO O FIXEMOS

PÁXINA DA RUFOSOÑOS

https://sites.google.com/view/ceip-celeiro-radio-na-biblio/p%C3%A1xina-principal

24/5/19

María Canosa, unha visita moi especial











https://www.cga.es/
Durante a mañá do mércores, 23 de maio, a escritora María Canosa estivo no noso colexio gracias á xentileza do COMERCIAL GRUPO ANAYA.

Durante a súa visita tivo un encontro na Biblioteca do centro co alumnado de Infantil; a continuación, no Salón de Actos, o alumnado de 3º, 4º, 5º e 6º curso escoitáronna con moita atención e puideron facerlle un montón de preguntas moi interesantes que ela respondeu moi atentamente.
Despois tiveron a oportunidade de que lles asinaran os seus libros.
Rematamos novamente na Bibliosoños onde Ana, Leire, Ánxela, Candela e Julia fixeron un programa de radio nunha entrevista que moi pronto poderemos escoitar.
Queremos agradecerlle ao Grupo Anaya e especialmente a María  a súa visita, as súas palabras e a súa amabilidade para con todos nós.


20/5/19

CELEBRAMOS O DÍA DAS LETRAS GALEGAS

 

O Día das Letras Galegas é un día de exaltación da lingua de Galicia a través da súa manifestación literaria. Comezou a celebrarse o 17 de maio do 1963, coincidindo co centenario da primeira edición de Cantares gallegos, de Rosalía de Castro. 

No colexio celebramos este día tan importante con varias actividades que puxemos en común nun pequeno festival: 



  • O alumnado de 5º curso tivo unha "Conversa con Antón Fraguas"
  • O alumnado de 1º curso cantou unhas estrofas do "Cancioneiro de Cotovade"
  • O alumnado de 2º curso fixo un Apadriñamento Lector coa dramatización do conto "A serpe e o arco da vella"
  • O alumnado de 6º curso "rapeou" a Antón Fraguas e a Viveiro.
  • Finalmente, todos xuntos, cantamos o Himno Galego
No seguinte vídeo podemos ver un resumo

17/5/19

I Concurso de Podcasts

A Dirección Xeral de Centros e Recursos Humanos convoca con data 2 de abril de 2019, o I Concurso de podcasts- Radio na biblio, destinado a centros públicos non universitarios de titularidade da Consellería de Educación, Universidade e Formación Profesional, en colaboración coa Radio galega (CRTVG), no contexto do PLAN LIA de Bibliotecas Escolares (Lectura, Información e Aprendizaxe).

Convocatoria 2 de abril de 2019

O CEIP de Celeiro-Viveiro (Lugo) presentou dous arquivos en mp3 dentro da Modalidade II (alumnado de 6º curso).
A aula de 6º curso, formada por 25 nenas e nenos, foi a encargada da realización dos Podcasts, baixo a supervisión da súa titora Rita Lamas Álvarez, a coordinadora de EDLG Bibiana Santos Docal, a coordinadora da Biblioteca Marta Pérez Lage e a Xefa de Estudos Eva Martínez Baltar.
A clase dividiuse en dous grupos despois de decidir os temas que querían traballar. 
· O primeiro realizou un programa monográfico sobre a figura de Antón Fraguas Fraguas.
· O segundo realizou unha “cuña publicitaria” baixo o título: VISITA O CONCELLO DE VIVEIRO.
Metodoloxía de traballo de cada grupo:
·        Deseño do programa a realizar: Estrutura do mesmo
·        Equipos de traballo para:
  • Procura da información: A través dos materiais facilitados  pola Biblioteca Escolar (dixitais, escritos, libros…)
  • Reparto de tarefas como técnicos, presentadores, equipo de edición do programa

16/5/19

O alumnado de Infantil presenta o seu traballo sobre o Proxecto. "Ao abeiro dos nosos montes"


Os nenos e nenas de Infantil fixeron este mural como peche do traballo sobre o proxecto que traballaron ao longo deste curso "Ao abeiro dos nosos montes"
Nas aulas estudaron distintos aspectos das plantas e árbores: 
  •  como seres vivos 
  •  as súas partes e as funcións que desempeñan 
  • o seu ciclo vital... 
Tamén investigaron sobre como coidar os bosques, xa que descubriron a importancia que teñen as árbores para a nosa vida. 
Trataron de representar esta información de xeito diferente con desplegables, rodas, libriños... 
Cada aula elixiu unha árbore das que medran ao redor do colexio para estudala máis polo miúdo. 
Na aula de 3 anos traballaron o acivro, a aula de 4 anos investigou sobre a moreira e na aula de 6 anos elixiron a pereira, o castiñeiro, o carballo e o piñeiro. 
Quedou un mural moi completo e para explicalo realizaron este vídeo. 
Esperamos que vos guste!!!


14/5/19

Outro traballo do proxecto "Ao abeiro dos nosos montes"

Seguimos presentando traballos relacionados co proxecto deste curso "Ao abeiro dos nosos montes".
Nesta ocasión o alumnado de 2º curso remataron os murais sobre O CASTIÑEIRO e O PIÑEIRO. Tamén fixeron os vídeos que pertence ao traballo "Colección de árbores de 2º curso".

13/5/19

"A nosa flora". Charla Informativa con Vanessa Iglesias

O venres, 10 de maio, tivemos a visita de Vanessa Iglesias Sánchez, nai da alumna de 2º curso, Irea vale.

Vanessa é Técnico de Medioambiente e moi amablemente veu ao noso colexio para falarnos da importancia das árbores, das súas enfermidades e plagas, da prevención de incendios, das plantas de uso mediciñal, da flora exótica invasora, das árbores senlleiras do noso entorno...
Foi unha charla moi entretida e aprendemos moitas cousas máis sobre as árbores.

Dámoslle as gracias pola súa amabilidade para co noso colexio. 
MOITAS GRACIAS VANESSA!!!







10/5/19

Novas doazóns de libros

A alumna Noa Fernández e o alumno Kevin Crespo, ámbolos dous de 4º curso de primaria, fixeron doazón á Bibliosoños do libro "Smerling: en la tela de araña", que acaban de ler dentro do proxecto de lectura colectiva na aula.
Thaïs Palmeiro, tamén donou o libro "El oso de peluche".
Sara Asmerón fixo doazón de tres libros, dous da colección de Tea Stilton e un da colección Junie B. Jones .
Andrés Vasile  de 4º curso donou Asterix en los Juegos Olímpicos.

MOITAS GRAZAS POLA VOSA XENEROSIDADE!!!

9/5/19

CHARO PITA E XOÁN CURIEL NO TEATRO PASTOR DÍAZ

O alumnado de 5º e 6º curso disfrutou dunha obra musicada no Teatro Pastor Díaz de Viveiro.
A obra trataba de dous conferenciantes que relataban a vida de Antonio Fraguas en cancións.
Contaron historias populares como por exemplo a dun rei que se aburría e para divertirse convidou á xente do pobo a que contestaran tres preguntas: a primeira, cantos cazos de terra farán falla para igualar a montaña máis grande?; a segunda, canto pesaba a lúa?; e a terceira, cantas estrelas había no firmamento?.
Pasámolo moi ben e tamén compartimos o teatro con outros nenos e nenas dos colexios de Viveiro.

RESEÑA REALIZADA POLO ALUMNO 
ANXO FERNÁNDEZ MARTÍNEZ

O ‘FalaRedes’, o programa de dinamización que a Consellería de Cultura e Turismo impulsa a través da Secretaría Xeral de Política Lingüística, fará parada en Viveiro o xoves, 9 de maio,  coa actividade ‘Canta, miña pedra, canta’ en colaboración co Concello de Viveiro.


8/5/19

Traballo do alumnado de 3º e 4º curso

O alumnado de 3º e 4º curso, en relación co proxecto


fixeron un traballo sobre o relevo e as celebracións nos montes de Viveiro. 
  • Comezaron localizando e poñendo nomes ás "quince colinas" que rodean o Concello de Viveiro.
  • Con todo o material elaboraron un pequeno libro con moita información. Logo fixeron un gran mural situando todos os montes e complementaron a explicación no seguinte vídeo

6/5/19

Por fin poidemos celebrar o Día da Educación Física na Rúa

Imos participar no Día da Educación Física na Rúa 2019


Este luns, 6 de maio, por fin poidemos celebrar o Día da Educación Física na Rúa despois de estar esperando que chegase o bo tempo. 
A Profesora de Educación Física Eva preparounos unha danzas populares para poder bailar todo o colexio xunto coas familias e os usuarios do Centro de Día para Persoas con Alzheimer de Celeiro. 
Foi unha actividade moi divertida e agradable para as familias. 
Os nenos e nenas, profesoras e profesoras pasámolo estupendamente e fixemos un montón de exercicio, pois ademais de bailar primeiro tivemos que facer unha pequena camiñata ata chegar á Praza do Náufrago de Celeiro. 



3/5/19

Visita de Anxo Moure ao noso colexio

Na mañá do venres, e de maio, tivemos a visita especial de ANXO MOURE autor de libros como:
A xacia Luviñas, Caramulo e a carpinteira dos soños, A música das árbores, O paraugas dameaugas, Salgadiña, A estrela de Fisterra, O carballo con botas, Na casa das árbores.
 
O Consorcio Editorial Galego foi o encargado de organizar esta sesión para o alumnado de Infantil e 1º e 2º curso de Primaria.

 




27/4/19

XIX REBUMBIO MATEMÁTICO 2018-2019

https://www.agapema.org/

Na mañá do venres, 26 de abril, tres alumnas do colexio: Antía, Candela e Julia, participaron na fase de zona (Lugo) do XIX REBUMBIO MATEMÁTICO que convoca a Asociación Galega do Profesorado de Educación Matemática. Estiveron acompañadas pola súa titora, a profesora Rita Lamas. Para elas foi unha experiencia moi positiva e pasáronno estupendamente.
Os resultados serán publicados o vindeiro 6 de maio.

MOITA SORTE!!!




25/4/19

A POESÍA QUE SENTIMOS

https://sites.google.com/site/plamblaamarina/curso-2018-2019

Estimadas familias:
Un ano máis queremos propoñer ás comunidades educativas dos centros que formamos a “Microrrede das Bibliotecas PLAMBE da Mariña” unha nova actividade, con motivo das celebracións nos meses de abril e maio, Día do Libro e Día das Letras Galegas,  que nos recordan a necesidade do fomento e dinamización da cultura, entendida como un ben común que propicia unha sociedade máis humana, igualitaria, crítica e libre.

O lema deste curso é A POESÍA QUE SENTIMOS

A poesía está por todas partes, o que importa é explorar para descubrila. A biblioteca escolar é un lugar privilexiado para estimular esa mirada que xogue a descubrir a poesía que se agocha nas paisaxes, na música, no cine, nunha noite estrelada, no baile do vento na herba, nos seres minúsculos que só podemos ver a través do microscopio, nesa música que engaiola, na palabra dos poetas, na tradición oral, nun texto que nos traspasa e nos obriga a mirarnos, nesa persoa que nos axuda a abrir os ollos para ver o que nos rodea, no último descubrimento científico, nesa voz que nos fala, nese abrazo que nos agarima…

No colexio estamos a traballar no proxecto documental AO ABEIRO DOS NOSOS MONTES, polo que buscamos eses poemas dedicados aos montes, árbores, flores, plantas, animais e todo o relacionado co mundo dos montes.

O traballo realizarase na cartolina que achegamos; primeiramente terán  que recortar a forma da folla, logo terán que escribir o poema e finalmente realizarán a parte plástica.
--Parte literaria: farase pola parte en branco e escribirán un  poema en galego sobre o tema (tamén pode ser de creación propia).
--Parte plástica: por ambos lados e que se relacione co poema. Poderase utilizar calquera técnica e materiais.

-Coma en anos anteriores, este traballo, é para facer en familia, polo tanto animámosvos a participar e desenrolar esa creatividade que sabemos que tedes, pedindo que os traballos veñan con boa letra, ortografía e presentación.
-Os traballos entregaranse ao titor ou titora, rematando o prazo de entrega  o venres, 26 de abril.
-Os traballos expoñerémolos no colexio e logo formarán parte da exposición que se fará en Viveiro (do 4 ao 6 de xuño), xunto cos demais colexios que forman parte da “Microrrede das Bibliotecas PLAMBE A Mariña”.

23/4/19

DÍA DO LIBRO 2019

Hoxe é o DÍA DO LIBRO

O 15 de novembro de 1995, a UNESCO decidiu proclamar este día como o Día internacional do libro e dos dereitos de autor. A Organización das Nacións Unidas para a Educación, a Ciencia e a Cultura quería destacar deste xeito a importancia do libro, que foi historicamente o medio de difusión máis importante do coñecemento así como unha ferramenta esencial de enriquecemento cultural. Esta xornada ten como fin promover o libro e fornecer a través del o acceso á cultura do maior número de persoas posible.

http://www.edu.xunta.es/biblioteca/blog/?q=node/1180Día Mundial do Libro 2019  

No noso colexio para conmemorar esta data realizamos un montón de actividades:

  • Nas aulas traballamos a figura do Xenial Miguel de Cervantes Saavedra e lemos as adaptacións da súa obra DON QUIJOTE DE LA MANCHA.
  • Nas casas, coas nosas familias, preparamos os traballos para a MICRORREDE A MARIÑA, que este ano vai sobre A POESÍA QUE SENTIMOS. Todos os traballos formarán parte dunha gran exposición na que participan moitos colexios da Mariña. 
  • Outras actividades que nos quedan por facer en relación ao Día do Libro son a visita da autora María Canosa e tamén de Anxo Moure. 
  •  O alumnado de 2º curso recoméndanos a lectura do libro "Fernando e o oso polar" de Carmen García Iglesias.

  • My favourite books, o alumnado de 6º curso estivo na aula de 6º de Infantil para contarlles cales son os seus libros favoritos.
  • Un programa de Radio na RUFO SOÑOS realizado polas alumnas de 6º curso: Leire, Nayara, Ainara, Ana, Elena e Ánxela.


12/4/19

A Semana Santa de Viveiro na RUFO SOÑOS

(Decalarada de Interés Turístico Internacional).
https://sites.google.com/view/ceip-celeiro-radio-na-biblio/p%C3%A1xina-principal?authuser=0
É unha das celebracións relixiosas máis antigas de Galicia, que se realiza  desde o século  XIII.​ Nesta conmemórase a paixón, morte e resurrección de Jesús de  Nazaret a través dos diferentes actos, celebracións e procesións que realizan as confrarías. Ademais do seu carácter relixioso, a Semana Santa  vivariense é tamén considerada como un acontecemento cultural, popular e de atracción turística.
Por iso o alumnado de 6º curso de Primaria quixo realizar un Programa de Radio Especial dedicado a esta importante festividade.

Como sempre podemos ver o vídeo de "como o fixemos" e tamén escoitar o audio.



Para comezar ben as Vacacións de Semana Santa Candela e Julia quixeron realizar un programa especial que elas mesma titularon "De Comedia".



11/4/19

Experiencias do alumnado de 1º e 2º curso


O alumnado de 1º e 2º curso de Primaria visitaron o pasado luns, 1 de abril, a Mina Sonia situada no Barqueiro, concello de Mañón e Provincia de A Coruña.
Foi unha experiencia moi positiva pois aprenderon moitas cousas sorprendentes para eles.
No seguinte vídeo van facendo un resumo de todo o que alí viron.


Seguindo coas actividades programadas dentro do proxecto "Ao abeiro dos nosos montes", na mañá do mércores, 10 de abril, tiveron a posibilidade de escoitar a Marcos Besada que lles aportou moita información sobre a Flora e Fauna e dos diversos ecosistemas dos montes galegos e especialmente dos de Viveiro.
Tamén lles deu información sobre como observar os rastrexos da fauna salvaxe dos nosos montes.
Ensinoulles unha páxina con moita información sobre a Fauna e Flora de Galicia

10/4/19

Nova formación con Xerardo e Damián de PONTE NAS ONDAS


Presentamos os novos materiais para o RADIO NA BIBLIO, a RUFO SOÑOS.
  • Amplificador, mesa de mezclas, ordenador, micrófonos, cascos...
Para aprender a manexar todos estes novos aparellos volvimos ter unha  sesión de formación.
Os encargados de impartir esta sesión foron Xerardo e Damián da Asociación PONTE NAS ONDAS.
Recordamos cousas aprendidas na 1ª sesión e aprendimos outras novas que nos servirán para seguir realizando programas de radio nos que iremos contando o que sucede no noso colexio e tamén outras de carácter máis lúdico e divertidas.
Deixamos o vídeo onde recollemos o "como o fixemos" e tamén o audio.


Imos participar no Día da Educación Física na Rúa 2019

https://www.consejo-colef.es/defc-home
O vindeiro 25 de abril celébrase o
DÍA DA EDUCACIÓN FÍSICA NA RÚA
e o noso colexio vai participar realizando unha actividade moi especial:
  • Ese día iremos ata a Praza do Náufrago a partir das 12:20 horas e alí faremos unhas "danzas populares do mundo".
  • Invitamos todas as familias e veciños que desexen participar con nós nesta actividade. 
  • Para aprender a seguir as danzas pódese ver o vídeo onde o alumnado de 6º curso está ensaiando as mesmas.
  •  Animámosvos a participar. Seguro que o pasaremos estupendamente!!!

8/4/19

Xa temos logo e lema para a RADIO NA BIBLIO

Hoxe fixemos entrega dos diplomas aos finalistas do Concurso para ter un logo e lema da RADIO NA BIBLIO.  
Durante o mes de marzo estiveron expostos na entrada do colexio e xa temos un gañador!.
Trátase do traballo presentado por Pedro Arias.

 "RUFO SOÑOS"


NORABOA! a todos os participantes, aos finalistas e como non a Pedro por ser o gañador!
Todos eles recibirán un diploma:
E Pedro, como premio recibiu o libro "Esta non é outra historia de piratas" da autora María Rolle:

Dende Hoxe xa está o lema e logo na PÁXINA ESPECIAL DA RADIO NA BIBLIO