17/9/14

Comezamos!!!

Co inicio do novo curso damos comezo tamén ás actividades na Bibliosoños.
Na presentación podemos ver a 1ª das moitas exposicións de libros que imos facer ao longo do curso.
Neste caso trátase dunha pequena mostra de libros que nos falan sobre a ALIMENTACIÓN, que é o tema do Proxecto Integrado de Dinamización (P.I.D.) no que imos a traballar este curso.

2/9/14

3/7/14

Actividade Final do Obradoiro de Teatro

Vídeo da representación teatral "PASATEMPOS" do autor e director Vicente Míguez, profesor do centro e responsable do Obradoiro de Teatro (Actividade Extraescolar do Centro).

1/7/14

Publicación na revista EDUGA

Microrrede da Mariña, dinamizando as comunidades educativas a través da literatura

Coa entrada no PLAMBE (Plan de mellora de Bibliotecas Escolares) de moitas das bibliotecas escolares de Viveiro, xorde a idea de formar unha microrrede de traballo colaborativo, co fin de sumar esforzos, xuntar propostas, interrelacionarnos, intercambiar experiencias lectoras e, sobre todo, levar a cabo un proxecto anual común que incida sobre todas as comunidades educativas e fomente a relación e o peso da literatura en familia, implicándoas no hábito lector.



Marta Pérez Lage, coordinadora da biblioteca do CEIP Pedrosa Latas
Carmen Ferreiro Maseda, integrante do grupo de biblioteca do EEI San Roque
Genma Rego Rouco, coordinadora da biblioteca do EEI San Roque
M.ª del Pilar Sánchez Veiga, coordinadora da biblioteca do CEP Lois Tobío
María Rolle Insua, coordinadora da biblioteca do CEIP de Covas
Susana Quintela Díaz, coordinadora da biblioteca do IES María Sarmiento
M.ª Luz Iglesias López, integrante do grupo de biblioteca do CEIP Pedro Caselles Rollán
Carolina Mariño García, integrante do grupo de biblioteca do IES Vilar Ponte

20/6/14

I milla correndo polo galego

Para rematar o curso ímonos todos e todas a correr!!!



19/6/14

Representación teatral no colexio

O Obradoiro de Teatro que dirixe o profesor Vicente Míguez puxo en escea na mañá do xoves, 19 de xuño, a obra PASATEMPOS, tamén da súa autoría.
Os alumnos e alumnas fixéronno moi ben; a obra facía un percorrido pola historia con momentos moi divertidos. Pasámolo estupendamente!!!


18/6/14

Excursión fin de curso do 2º ciclo

E, por fín, os alumnos e alumnas do 2º ciclo, xunto cos seus titores, Paco e Beatriz, tamén fixeron a excursión de fin de curso o mércores, 18 de xuño.
Fixeron un percorrido dende Celeiro ata Ortigueira pasando por Bares e San Andrés de Teixido.
En Bares visitaron o faro, os muiños e o porto; pasaron por San Andrés de Teixido e a Garita de Herbeira para rematar na praia de Mourozos en Ortigueira.
No seguinte vídeo podemos ver unha reportaxe fotográfica da súa viaxe:

Mariñeiros por un día

Na mañá do mércores, 18 de xuño, os alumnos e alumnas de 1º ciclo, xunto cos seus titores, Eduardo e Angélica, participaron da actividade que patrocina a Confraría de Pescadores de Celeiro.
MARIÑEIROS POR UN DÍA

17/6/14

"Temos moito que contar"

Presentamos unha actividade moi colaborativa, feita por case todo o alumnado e profesorado do colexio.
A iniciativa parte do Equipo de Normalización Lingüística en colaboración coa Biblioteca Escolar; trátase dun TELEXORNAL: "Temos moito que contar", no que se informa das diferentes actividades que levamos a cabo no noso colexio durante este curso.
Os presentadores principais (Inés e Antón de 2º curso) van dando paso aos diferentes reporteiros e reporteiras que nos van contando todo o acontecido:
  • Os nenos e nenas de 4º e 5º de infantil informan sobre o tempo.
  • Os de 6º de infantil dannos conta do transatlántico que chegou ata Celeiro.
  • Os de 1º curso de primaria fan unha reportaxe sobre os libros antigos que expuxeron na súa aula co gallo o Día do Libro.
  • Os de 2º curso informan sobre os proxectos "O Antigo Exipto", "O Río Landro" e sobre traballos medioambientais levados a cabo no horto escolar e o Día da Árbore e da Auga.
  • Os de 3º curso dan conta das visitas que tivemos.
  • Os de 4º curso entrevistan a dúas persoas relacionadas co Clube de Remo de Celeiro.
A continuación podemos ver o vídeo que recolle todo o TELEXORNAL


16/6/14

Tapas e Tapóns

Hoxe fixemos unha foto colectiva de todo o colexio, xunto coas tapas e tapóns que xuntamos durante este curso, en total uns 600 kilos.
Este curso todo o recadado irá para a axuda de nenos con problemas médicos.
Agradecemos a gran colaboración de toda a comunidade educativa con este proxecto e que para o vindeiro curso seguiremos levando a cabo.

MOITAS GRAZAS A TODOS E A TODAS


13/6/14

Excursión Fin de Curso de Infantil

O venres, 13 de xuño, todos os nenos e nenas de Infantil, xunto coas profesoras Cristina, Maricarmen, Ana, Alicia, Marta e o profesor Orlando, viaxamos en autobús ata o Vicedo levando a merenda de media mañá e os cubos e as pas para xogar na praia.
Primero xogamos no parque infantil, logo comemos e bebemos, tomamos un rico xeado e despois fumos ata a praia onde xogamos coa area e recollimos conchiñas...
Pasámolo moi ben e tamén nos portamos xenial!!!


12/6/14

Obradoiro de Teatro

O Obradoiro de Teatro ten previsto facer a súa reprentación o vindeiro sábado, 21 de xuño, ás 8 da tarde na "Casa do Forno" de Celeiro.
A obra leva por título PASATEMPOS e o autor e director da mesma é o profesor Vicente Míguez.
Todos os alumnos e alumnas traballaron moito durante o curso para ofrecernos unha boa representación teatral, están moi ilusionados por actuar para as súas familias e público en xeral.
Boa sorte!

11/6/14

Entrega de Premios: Concurso de Carteis MERLUZA

Onte, martes 10 de xuño, na Praza do Naufrago de Celeiro tivo lugar á entrega de premios do 

 “IV CONCURSO DE CARTEIS PARA A FESTA DA MERLUZA DE CELEIRO”
 e do
 "II CONCURSO INFANTIL DE DEBUXO"
Os gañadores foron: 
  • Germán Paleo Navarro (O seu cartel publicitará a FESTA DA MERLUZA DO PINCHO DE CELEIRO 2014)
  • Lucía Alonso Cora (Gañadora Infantil de Debuxo)
  • MENCIÓN ESPECIAL para os alumnos de 2º de primaria e 6º de infantil do CEIP antonio Pedrosa Latas de Celeiro.

10/6/14

Inspección do Río Landro

Dentro do Proxecto Ríos: "O Río Landro no Concello de Viveiro", levamos a cabo unha actividade moi interesante, tanto para o alumnado coma para o profesorado.
Na mañá do martes, 10 de xuño, e despois de aplazalo en tres ocasións por mor da choiva, os alumnos e alumnas do 3º ciclo, xunto cos profesores Antonio, Tina e Marta, fumos cara o Val do Naseiro a inspeccionar o Río Landro no treito onde se leva a cabo a Romaría do Bo Xantar.
Paco Bañobre, da Asaciación Ecolóxica ADEGA, foi o encargado de guiarnos e ensinarnos todo o relacionado coa vexetación, flora e fauna dos ríos e concretamente a do Río Landro.
Recordamos o nome de moitas árbores que nacen ao pé dos ríos, dos insectos, aves, réptiles, anfibios e demáis animais que habitan nestas augas.
Paco foi o encargado de meterse no río e recoller mostras de animais para logo nós poder observalas e clasificalas por familias; tamén analizamos o PH da auga, a temperatura...

Unha vez vistas as características do Río Landro chegamos á conclusión de que está en moi bo estado.
Seguiremos aprendendo moitas cousas máis sobre os ríos e no vindeiro curso seguiremos inspeccionando o mesmo para concienciarnos de que é necesario coidar a nosa natureza.


8/6/14

Excursión fin de curso do 3º ciclo

Os alumnos e alumnas de 5º e 6º curso fixeron a súa viaxe de fin de curso o 4, 5 e 6 de xuño, xunto coas profesoras Tina e Marta.
Viaxaron ata Ocero en Leon, onde se albergaron no Centro de Turismo Rural "EL ARBEDAL".
Alí esperábannos as monitoras Rebeca, Carmen e Sara quenes, xunto cos propietarios e a súa filla Lucía, dispostos con un montón de actividades para que o pasaran estupendamente.
O primeiro día coñeceron as instalacións e fixeron a actividade "En busca da merenda perdida", rocódromo, piscina e velada co xogo de "Rommel e Montgomery".
O segundo día era o turno para practicar cos buggies, paintball e facer pan, xogar ao fútbol con veas acendidas, presentar as cancións dos grupos e gran festa de despedida con moito baile.
O terceiro día viaxamos ata AS MÉDULAS, pasamos polo Cebreiro, pero como chovía moito non poidemos visitar as "pallozas" nin o Museo Etnográfico do Cebreiro.
Foi unha viaxe de fin de curso excepcional!!!
Podemos ver uns vídeos que resumen todas as actividades que fixemos.

5/6/14

Día Mundial do Medioambiente

Cada 5 de xuño celebramos este día tan importante, aínda que nós sabemos que todos os días do ano son bos para coidar e manter limpo o noso medio.
Durante o curso facemos moitas actividades para concienciarnos e aprender...
No vídeo podemos ver un resumo das mesmas:


3/6/14

Participamos en BRINQUEDIA

O colexio de Celeiro en Brinquedia.
Máis de 400 nenos e nenas pertencentes a centros escolares, ANPAS e asociacións culturais de Lugo e A Coruña competiron no campo de fútbol de Cabreiros este sábado no VIII Encontro de xogos tradicionais que organiza Brinquedia, unha actividade itinerante que desenvolve esta Asociación por todo Galicia para recuperar trinta xogos que eran de fondo arraigo no país. Ao remate da xornada todos os participantes recibiron agasallos.
Polo San Martiño, Brinquedia organiza ademais cada 11 de Novembro, e a nivel escolar, o Día do Trompo (peonza), unha actividade de asistencia masiva que chegou a reunir na última edición a doce mil participantes.
Vinte e un nenos e nenas do colexio de Celeiro, acompañados de nove pais e dous profesores do centro celeirés participaron neste Encontro que resultou unha exitosa experiencia a repetir.
Os pais portáronse ben, as nais, de marabilla, e nenos e nenas, SOBRESAINTE!!!

2/6/14

1º ciclo na saída de Fin de Curso

O venres, 30 de maio, os alumnos e alumnas de 1º e 2º curso de primaria, xunto cos profesores: Eduardo, Angélina e Lupe, fixeron a Excursión de fin de Curso á Cidade de Mondoñedo, onde fixeron moitas actividades...
A continuación podemos ver o vídeo das moitas fotos que fixeron!!!



 

26/5/14

Actuación do coro do colexio

O mércores, 28 de maio, ás 19:30 horas, na CASA DO FORNO, vai actuar o coro do colexio como peche da actividade extraescolar na que moitos nenos e nenas, dende 3º a 6º curso, participaron durante este curso 2013-2014.
A este acto están invitados as familias e todos aqueles que desexen compartir uns momentos musicais...

22/5/14

Participamos no II Concurso de Vídeos de Voz Natura

O Centro vai participar no II Concurso de Vídeos de Voz Natura co seguinte vídeo: "Saída de Infantil e 1º ciclo ao Souto da Retorta.

Para votar hai que entrar no facebook de Voz Natura e votar dende aí.
Prazo para votar: dende o 23 maio do 2014 ás 10.15 horas
ata o 4 de xuño do 2014 ás 12.00 horas Comunicación do gañador: 6 de juño do 2014

Para o Centro é moi importante a vosa colaboración, posto que gracias aos vosos traballos é posible a participación en Voz Natura.
É moi sinxelo e conseguimos moito!!!.

16/5/14

Un día con moita celebración...

Mañá sábado, día 17 de maio celebránse as LETRAS GALEGAS, por iso nós hoxe imos adiantar esta celebración que, coma en anos anteriores, unimos tamén á celebración dos MAIOS.
Nas clases faremos traballos sobre o persoeiro homenaxeado, XOSÉ MARÍA DÍAZ CASTRO, pero despois do recreo faremos actividades conxuntas: 
  • Os alumnos e alumnas de 6º curso vannos a facer unha presentación sobre a vida e obra de Díaz Castro 
  • Despois contaremos coas actuacións dos avós MARIÑEIROS e o coro SONS DE CELEIRO, dirixidos por Daniel Caxete. 
  • Nós tamén cantaremos unhas cancións sobre OS RÍOS e remataremos cantando todos xuntos "A saia da Carolina".
Pero as nosas actividades non rematan aquí pois á tarde, o Coro do Colexio, terá a oportunidade de cantar na Clausura da Exposición "De aqueles contos...novos finais".

15/5/14

Actividades durante a Exposición en Viveiro

A Exposición conxunta dos Centros Educativos do PLAMBE A Mariña está tendo un gran éxito con moita asistencia a todas as actividades que podemos seguilas 

12/5/14

Érase unha vez...

Rematamos o noso Gran Libro dos contos clásicos.
Este traballo pertence ao proxecto das Bibliotecas do PLAMBE A Mariña.
Por terceiro ano consecutivo levamos a cabo esta actividade en común, nesta ocasión baixo o título:
"De aqueles contos...a novos finais"
No noso centro traballamos seis contos clásicos:
  • Os lobo e os tres porquiños
  • Os fabóns máxicos
  • Carapuchiña Vermella
  • Os músicos de Bremen
  • A casiña de chocolate
  • O Mago de Oz
  • O traxe novo do Emperador
Primeiramente cada neno ou nena prepararon en familia a lectura do conto seleccionado, buscáronlle un novo final e fixéronlle unha ilustración.
Posteriormente nas aulas preparáronse unhas portadas e follas de presentación para...
Finalmente presentar todos os traballos nun GRAN LIBRO que levaremos á Exposición conxunta no Concello de Viveiro.
No seguinte vídeo podemos ver estes traballos:

8/5/14

Xa se acercan as LETRAS GALEGAS

No rincón das Exposicións xa temos a unidade didáctica e as láminas-carteis que nos envía a Secretaría Xeral de Política Lingüística con ocasión do Día das Letras Galegas 2014, que este ano se lle adican a XOSÉ MARÍA DÍAZ CASTRO.
Os gañadores deste ano foron:
  • "Esmeralda" do CEIP Plurilingüe de Lagostelle de Guitiriz, na categoría de Infantil e Primaria.
  • "Sombras radiantes" do IES Perdouro de Burela, na categoría de Educación Secundaria e Bacharelato.

5/5/14

Outra actividade sobre o Proxecto Ríos

O venres, 2 de maio, os alumnos e alumnas de 3º e 4º curso, xunto coas profesoras Beatriz, Rosa, Virginia e o profesor Paco, subiron á Serra do Xistral chegando á  parroquia do Viveiró no Concello de Muras en busca no nacemento do Río Landro.

Nas seguintes presentacións podemos ver fotos que nos amosan unha magnífica paisaxe e son recordo da aprendizaxe deste día tan estupendo!




2/5/14

Actividade de Voz Natura e Proxecto Ríos

Esta actividade estaba programada para o 23 de abril pero co mal tempo non poidemos facela ata o día de hoxe.
Visitamos o Souto da Retorta en Chavín e vimos o Río Landro.
Participaron o alumnado de Infantil e 1º ciclo de Primaria, xunto co profesorado dos diferentes cursos: Ana, Maricarmen, Cristina, Eduardo, Angélica e as especialistas Eva, Lupe, Alicia e Marta.
Tivemos unha mañá con moi bo tempo e aprendimos moitas cousas. Pasámolo estupendamente!!!

30/4/14

Traballos de creación propia

Para traballar sobre o Proxecto Ríos, o profesorado de Educación Infantil preparaou uns libriños especiais no que Rufo, a mascota da Biblioteca, é o fío conductor.

28/4/14

Participantes no Encontro Fotográfico

No mes de febreiro convocamos un Encontro Fotográfico sobre o RÍO LANDRO, ao mesmo presentáronse os seguintes participantes:
  • Antonella Danut e Ana Rodríguez de 4º Infantil
  • Diego Fernández de 5º Infantil
  • Mar Vale, Iker Díaz, Pedro Gil, Cristina Pérez e Carla Rodríguez de 6º Infantil
  • María Lago, Candela Villarmea, Tábata Fernández, Elena Serrano, Julia García e Brais Álvares de 1º curso
  • Luis Fernández e Antón Martínez de 2º curso
  • Ainhoa Riveira, Iago Leal, Carlota Fernández e Cristina Martínez de 3º curso
  • Ainhoa Villarmea de 4º curso
  • Álvaro Fernández, Ana Otero, Laura Ventura e Diego Martínez de 5º

23/4/14

Entrega do Premio Miguel de Cervantes

Elena Poniatowska recibe no Día do Libro o Premio  Miguel de Cervantes 2013.

El Premio de Literatura en Lengua Castellana Miguel de Cervantes es el máximo reconocimiento a la labor creadora de escritores españoles e hispanoamericanos cuya obra haya contribuido a enriquecer de forma notable el patrimonio literario en lengua española.


Discurso íntegro de Elena Poniatowska al recoger el Premio CERVANTES

Actividades na Bibliosoños

Con motivo da Celebración do Día do Libro, na Bibliosoños fixemos a "LECTURA DEL QUIJOTE", un proxecto que está levando a cabo José Antonio Abella, avó da alumna Iria Basanta de 6º curso, baixo o título:

 Alumnos e alumnas de 3º, 4º , 5º e 6º curso leron parte do Capítulo VII da 2ª parte de "El ingenioso hidalgo Don Quijote de la Mancha" de Miguel de Cervantes Saavedra.
José Antonio Abella Albo é veciño de Celeiro, gran colaborador no eido cultural tanto no Concello de Viveiro coma en toda A Mariña.
Os seus vídeos podémolos visualizar a través da súa páxina en YOUTUBE.

Tamén pasaron pola Bibliosoños os alumnos e alumnas de Infantil para ter unha Sesión de Formación de Usuarios, na que se lles explicou a función da Biblioteca no Centro, a situación dos seus libros preferidos, as partes dun libro... para rematar coa visualización da selección duns vídeos especiais para eles.

Celebración moi importante

Cada 23 de abril celebramos o DÍA DO LIBRO.
NESTE ENLACE TEMOS MÁIS INFORMACIÓN

O 23 de abril de 1616 falecían Cervantes e Shakespeare. Tamén nun 23 de abril naceron - ou morreron - outros escritores eminentes como Maurice Druon, K. Laxness, Vladimir Nabokov, Josep Pla ou Manuel Mejía Vallejo. Por este motivo, esta data tan simbólica para a literatura universal foi a escollida pola Conferencia Xeral da UNESCO para render unha homenaxe mundial ao libro e os seus autores, e alentar a todos, en particular aos máis novos, a descubrir o pracer da lectura e respectar a insubstituíble contribución dos creadores ao progreso social e cultural.

A idea orixinal da celebración do Día do Libro partiu de Cataluña, do escritor valenciano Vicente Clavel Andrés, propoñéndoa á Cámara Oficial do Libro de Barcelona en 1923 e aprobada polo rei Alfonso XIII de España en 1926. O 7 de Outubro de 1926 foi o primeiro Día do Libro, pouco despois, en 1930, instáurase definitivamente a data do 23 de abril como Día do Libro, onde este día coincide con Sant Jordi - San Jorge, patrón de Alemaña, Aragón, Bulgaria, Cataluña, Etiopía, Xeorxia, Grecia, Inglaterra, Líbano, Lituania, Países Baixos, Portugal, Eslovenia e México, e é tradicional que os namorados e persoas queridas se intercambien unha rosa e un libro.

22/4/14

En homenaxe a Gabriel García Márquez

http://cvc.cervantes.es/actcult/garcia_marquez/default.htm
O xoves, 17 de abril, falecía GABRIEL GARCÍA MÁRQUEZ.

Nós, dende a Bibliosoños queremos rendirlle a nosa máis humilde homenaxe.

10/4/14

Viaxe Cultural do 2º ciclo

O mércores, 9 de abril, os alumnos e alumnas de 3º e 4º curso, acompañados dos seus profesores Paco e Beatriz,  fixeron a viaxe cultural programada para este curso: Visita á capital da provincia, LUGO.
A primeira parada foi ao nacemento do RÍO MIÑO.
Visitamos tamén o MUSEO PROVINCIAL.
Paseamos pola MURRALLA.
Percorrimos as rúas ata chegar á CATEDRAL.
Comida e tempo de xogo no PARQUE ROSALÍA DE CASTRO.
De volta á casa paramos a merendar no PASEO FLUVIAL DE VILALBA.

Aprendemos moitas cousas e pasámolo moi ben!

8/4/14

Un día moi especial

Esta actividade estaba programada para o  mércores, 21 de marzo para celebrar o Día da Árbore e da Poesía, pero como estivo moi mal tempo non poidemos saír a carón das nosas árbores  ata o día de hoxe.
Cada curso apadriñou unha árbore e lle adicou unha poesía. Os traballos feitos podémolos ver no seguinte enlace:

APADRIÑAMOS AS NOSAS ÁRBORES

7/4/14

Visita especial

No día de hoxe tivemos a sorte de poder contar coa visita especial de Juan Antonio Fernández Vázquez, membro da Asociación "OS NEGATIVOS".
http://osnegativosviveiro.blogspot.com.es/

Deunos unha charla informativa sobre como facer fotos e compoñer as mesmas para sacarlles o mellor resultado.
A actividade está relacionada co Encontro Fotográfico que imos realizar a través do Proxecto Ríos: "O Río Landro no Concello de Viveiro" e tamén coa "Semana da Arte na Mariña"

2/4/14

No Día do Libro Infantil e Xuvenil

Había unha vez unha sirenita, un patito feo, un emperador que camiñaba nu ante os seus súbditos. E unha vez, hai douscentos nove anos, naceu en Odense, Dinamarca, un escritor de nome Hans Christian Andersen.

Viaxeiro empedernido, dunha imaxinación desbocada e unha orixe humilde, creou poemas, obras de teatro e novelas, pero foron os seus contos infantís os que lle deron recoñecemento mundial.

Comezo do artículo escrito por  MARIO A. DUQUE CARDOZO

31/3/14

Exposición Día do Libro Infantil e Xuvenil

O rincón expositor da Biblioteca xa ten novos libros, neste caso pertencen a autores coma Hans Christian Andersen, Irmáns Grimm e outros.
Na seguinte PÁXINA atoparemos moita máis información.

Traballos en familia. Día do Libro Infantil e Xuvenil


No mes de abril celebramos o Día do Libro Infantil e Xuvenil (2 de abril) e o Día do Libro (23 de abril); no mes de maio As Letras Galegas
Por iso, dentro do proxecto da Biblioteca Escolar e en colaboración coas bibliotecas doutros centros da Mariña,   como en cursos pasados (“Lembrando o pasado” e “Unha primavera de poemas”), propoñemos ás familias a súa participación nunha actividade que leva por título:

“DE AQUELES CONTOS…NOVOS FINAIS”

Esta actividade ten como obxectivo a posta en valor da LITERATURA CLÁSICA, importante na formación de hábitos lectores, no desenvolvemento de valores, gustos literarios e tamén no desenrolo da creatividade como elemento fundamental nunha sociedade en constante cambio.
Por iso enviámosvos o folio cun conto clásico resumido para que sexa lido en familia e despois de comentado buscarlle un final novo e diferente, que escribiredes pola parte de atrás xunto coa realización dunha ilustración ou obra plástica a realizar con técnicas libres (collage, debuxo, manualidade…). 
Cada ano vides presentando traballos ben bonitos !!!

O traballo entregarase ao titor ou titora á volta das vacacións de Semana Santa; cos mesmos faremos unha exposición no colexio e na semana do 12 ao 16 de maio, unha exposición conxunta de todos os centros participantes, na Sala de Usos Múltiples do Concello de Viveiro. Esta exposición contará con actuacións variadas dos alumnos e alumnas dos centros e poderá ser visitada polas familias.

27/3/14

TEATRO ESCOLAR


Hoxe celébrase o 
Día Internacional do Teatro.
Dende o curso 93-94 o centro vén desenvolvendo esta actividade extraescolar (baixo a direción do profesor Vicente Míguez) con ensaios ordinarios todos os xoves de 5 a 6 da tarde. A fin de curso represéntanse as obras, primeiro no colexio e logo, para os pais e público en xeral, no Centro Sociocultural (Casa do Forno). Ás veces tamén temos saído co teatro para actuar no Club de Xubilados de Viveiro, no Asilo, no Xeriátrico, nas festas patronais de Celeiro e de Covas, e sobre todo, no Teatro Pastor Díaz.
Este ano son 23 alumn@s os que participan nesta actividade que tén como obxectivos explorar as capacidades psicomotrices, traballando a vocalización, a memoria, comunicación cara ao público, autoestima, socialización e posta en escena. De paso, transmítese un valor cultural aos nen@s.
Entre outras obras de teatro téñense representado os seguintes títulos: E por riba o sol, Reality a chou, Os tres Reis Malos, Piratas de Caribe, Casa Macho e Mamma mía, que circo! Este curso escenificaremos Pasatempos.

20/3/14

Rincón da Bibliosoños

Libros de poesía para a Hora de Ler:

19/3/14

Traballando a Poesía

Este ano para conmemorar o DÍA DA POESÍA imos levar a cabo unha actividade relacionada tamén co DÍA DA ÁRBORE:

"APADRIÑA UNHA ÁRBORE"
Cada curso elixirá unha árbore das que temos no entorno do noso colexio e adicaralle unha poesía, ben de creación propia ou de autor coñecido e ademais faralle unha ilustración.
Cos traballos faremos unha exposición e logo con algúns dos poemas seleccionados elaboraremos un pequeno libro.
Tamén faremos unha sesión de recitados a carón das árbores apadriñadas o venres, 21 de marzo.
  • 4º Infantil: Camelio
  • 5º Infantil: Limoeiro
  • 6º Infantil: Oliveira
  • 1º curso: Loureiro
  • 2º curso: Castiñeiro
  • 3º curso: Acivro
  • 4º curso: Pereira
  • 5º curso: Carballo
  • 6º curso: Níspero
  • Aula de Inglés: Piñeiro
  • Aula de Música: Roseiras e plantas en xeral.

18/3/14

Traballo documental

Os alumnos e alumnas do 3º ciclo veñen de presentar os seus traballos realizados despois da saída para visitar a lonxa de Celeiro, dentro do programa "Mariñeiros por un día".


14/3/14

Fomento da lectura

Hoxe levamos a cabo dúas actividades coas que intentamos fomentar a lectura entre os noso alumnado:
  • Por un lado os alumnos e alumnas de 4º curso renovaron as súas "mochilas viaxeiras" con novos libros e materiais para que sigan disfrutando da lectura en familia.
  • Tamén fixemos entrega dos e-reader (lector electrónico) nas aulas de 5º e 6º curso, acompañada dun díptico informativo e dunha breve explicación por parte das responsables das TIC e da Biblioteca Escolar.
Esperamos que estas accións servan para fomentar o gusto pola lectura!!!


11/3/14

Poñemos en marcha os libros electrónicos

Asistimos na actualidade a importantes cambios na forma de presentar os textos e de acceder á súa lectura, coa incorporación de novos soportes e novos artefactos (lectores electrónicos, tabletas, e outros), que cómpre ir introducindo na biblioteca escolar, co fin de que o alumnado poida coñecer de primeira man, e coa orientación do profesorado, os novos soportes.
Porén, a incorporación dos lectores electrónicos nas bibliotecas conleva certa complexidade, pois a industria editorial e a industria tecnolóxica está aínda probando soportes e formatos, e procurando solucións a problemas que se presentan. Unha das incógnitas por resolver é a mellor fórmula para realizar os préstamos de lectores e de libros electrónicos no contexto específico das bibliotecas dos centros de ensino. Entre tanto, é desexable que o noso alumnado teña acceso a estes soportes e que o profesorado poida probar as posibilidades que ofrecen, na mellora da competencia lectora e no de- senvolvemento de hábitos de lectura, ámbolos dous obxectivos do Proxecto Lector de Centro.
Comezamos a nosa andaina poñendo en marcha este tipo de lectura nos cursos do 3º ciclo.
Na presentación podemos ver a información que recibirán os alumnos e alumnas.

10/3/14

Anxo Moure no colexio

Hoxe, despois do recreo, imos ter dúas sesións (unha para Infantil e 1º curso e outra os demáis cursos de primaria) co contador de contos ANXO MOURE que nos presentará  o libro:

"A XACIA LUVIÑAS"

http://www.rios-galegos.com/venasgxacia.htm

A historia ensina aos nenos e nenas a non pelexarse, a coidar dos ríos e sobre todo a acariciar. Conta as lendas que os xacios e as xacias son seres medio humanos, medio peixes, que vivían nos pozos dos ríos.

28/2/14

Hoxe é o gran día!!!

Venres, 28 de febreiro:

Chegamos ao colexio con moita  ilusión pois imos estar de festa, bueno, primeiro toca traballar un pouco!!!, e a partir das 11:30 horas, celebraremos a nosa particular "Festa de disfraces do Entroido". (Este ano xirarán en torno ao Antigo Exipto)
 Este é o programa:
  • Merendola con larpeiradas antroideiras e chocolate, para poñer bon corpo!
  • Desfile polas rúas do Chao, se vai bo tempo; se chove farémolo no Pavillón do colexio "Enrique Basanta".
  • Ao regresar, no patio do colexio, cantaremos as cancións que estivemos preparando esta semana:
    • Canción do Entroido.
    • A maxia do Carnaval.
    • As momias de colores
    • Drilo, o crocodrilo.
  •  A continuación, pasarémolo moi ben facendo o "Baile da escoba".
  • Tamén teremos tempo para xogar e disfrutar dos nosos disfraces.


25/2/14

O pavillón do colexio xa ten nome: Enrique Basanta

O pasado sábado, 22 de febreiro levouse a cabo a colocación da placa que dá nome ó pavillón escolar de Celeiro: Pavillón Enrique Basanta. O nome non se debe só á grandeza de corazón de Quique, non só a unha expresión de afecto para quen colaboraba anonimamente coas escolas deportivas, senón por un acto de xustiza coa xente de ben que fai pobo.  
Con numerosísima presenza de autoridades, representantes de Educación, familiares e veciñanza asistimos a un acto emotivo que presentou Jesús Timiraos Teixeira como Presidente das Escolas Deportivas e no que interviron Antonio Ferreiro, director do colexio Pedrosa Latas, e María Loureiro, alcaldesa de Viveiro, quen descubr¡ría a placa entre o emocionado aplauso do público.

 Enlazamos co vídeo que realizaou o veciño de Celeiro, José Antonio Abella. Moitas grazas polo teu traballo

21/2/14

Día de Rosalía de Castro

O luns, 24 de febreiro, celebramos o día de Rosalía de Castro. Ese día pasaremos pola Bibliosoños para facer unha celebración máis especial pero, xa levamos días preparando os traballos como este vídeo especial do poema "Pasa, río, pasa, río" do seu libro Cantares Gallegos.


19/2/14

Centenario de Xosé María Día Castro

O mércores 19 de febreiro celébrase o centenario do nacemento do poeta Xosé María Díaz Castro, a quen este ano se lle adica o Día das Letras Galegas.
Na Bibliosoños xa temos unha páxina adicada a súa figura e obra, podemos vela neste enlace:

18/2/14

Teatro no colexio

Hoxe  os alumnos e alumnas de Primaria poidemos disfrutar  dunha sesión de Teatro por xentileza da Editorial Santillana.

A obra titúlase "A súa vida".
Compañía: Leda Teatro.

Que ben o pasamos! Foi unha representación estupenda!!!

Rincón das Celebracións

Na seguinte presentación de fotos podemos ver o Rincón das Calebracións:
  • 21 de febreiro, DÍA INTERNACIONAL DA LINGUA MATERNA
  • 24 de febreiro, DÍA DE ROSALÍA DE CASTRO
  • 28 de febreiro, Festa de Entroido no Colexio.

17/2/14

Día Internacional da LINGUA MATERNA

Un ano máis, a Xunta de Galicia e a RDL súmanse á celebración do Día Internacional da Lingua Materna. Unha celebración que busca lembrarnos o valor das linguas, independentemente do número de falantes que teñan, para asegurar a diversidade cultural, contribuír ao coñecemento humano e potenciar a participación de todas as persoas na construción de sociedades democráticas.
Cada 21 de febreiro, a UNESCO chama a nosa atención sobre a importancia de usarmos e transmitírmoslles ás novas xeracións as linguas autóctonas de cada lugar e, este ano, destaca o seu papel como medios de acceso ao saber e de produción de coñecemento científico.
A mensaxe do Día Internacional da Lingua Materna 2014 é que todas as linguas humanas, e por suposto o galego, teñen o mesmo potencial para seren vehículo de investigación e de divulgación científica.

16/2/14

DÍA INTERNACIONAL DA LINGUA MATERNA

https://www.un.org/es/events/motherlanguageday/

Dende o 21 de febreiro de 1952 celébrase o Día Internacional da Lingua Materna, coincidindo coa demanda dun grupo de estudantes en Bangladesh que reclamaba que a súa lingua materna, o Bangla, fose recoñecida como lingua oficial.
Para lembrar a importancia desta data  presentámosvos este vídeo de Manuel Bermúdez Blanco, do Equipo de Normalización Lingüística da Universidade de Santiago.