18/12/15

TODO O QUE FIXEMOS ESTE NADAL ATOPÁMOLO NO 



17/12/15

TEATRO NO NADAL

 O Obradoiro de Teatro, que dirixe o profesor Vicente Míguez, puxo en escea, na mañá do xoves, 18 de decembro, as seguintes actuacións:
  • "Refuxiados necesitan un lugar no corazón"
  • "Un conto de Nadal", unha adaptación da obra de Charles Dickens.

12/12/15

Viaxe Cultural

O venres, 11 de decembro, os alumnos e alumnas de 4º, 5º e 6º de primaria, acompañados polas profesoras Marta, Aurora e o profesor Paco, fixeron unha viaxe cultural polos Concellos de Friol, Outeiro de Rei e Begonte. O día estaba bastante frío pero aprenderon moitas cousas.

11/12/15

3º venres lector

O venres, 11 de decembro, os nenos e nenas de 1º curso, xunto coa súa profesora Angélica, prepararon o conto "O NADAL DOS CONTOS" de Xosé Lueiro.
Preparáronno con moito entusiasmo e así de ben o fixeron para os seus compañeiros e compañeiras.
No seguinte ENLACE podemos ver máis vídeos dos APADRIÑAMENTOS LECTORES.

4/12/15

Gran mural das abellas de INFANTIL

Os nenos e nenas de Infantil traballamos un montón para facer o "Mural das Abellas", cada curso preparou unha parte e despois entre todos preparamos o gran mural. Así de bonito nos quedou!!!

Libros novos para a Bibliosoños

Neste mes de decembro mercamos novos libros para a Biblioteca.
E como xa é habitual presentámolos no rincón das exposicións.


3/12/15

Outro traballo moi orixinal

Os alumnos e alumnas de 4º e 5º curso, xunto coas profesoras, Aurora e Eva, fixeron unha gran abella para completar o mural que realizaron os nenos e nenas de 1º e 2º cuso, coas profesoras Angélica e Maricarmen.
O corpo desta gran abella está formado por ricas receitas gastronómicas que levan mel.
Fixeron un gran traballo que todos agora podemos disfrutar. MOITAS FELICIDADES!

1/12/15

Libro de 6º de Primaria

Os alumnos e alumnas de 6º de Primaria, xunto co seu titor Paco Gil, acaban de rematar un libro moi especial sobre AS ABELLAS NA TRADICIÓN ORAL E NA LITERATURA.
Así de ben lles quedou!!!

30/11/15

Seguimos traballando sobre as ABELLAS

Os alumnos de 1º e 2º curso, xunto coas súas profesoras Angélica e Maricarmen, acaban de rematar o gran mural sobre AS ABELLAS, quedoulles moi ben, con moita información e moito debuxo.

28/11/15

Adeus a Xosé Neira Vilas.

https://sites.google.com/site/50anosmemoriasdunnenolabrego/
Clica na imaxe e poderás ver e ler máis cousas sobre Neira Vilas. A páxina fixémola no 50 aniversario da publicación Memorias dun neno labrego (1961-2011).


O escritor Xosé Neira Vilas finou na súa casa de Gres, Vila de Cruces. Tiña 87 anos e foi autor dun libro esencial nas letras galegas, Memorias dun neno labrego.
 No mes de xullo Memorias dun neno labrego, publicado orixinalmente en 1961 levaba vendidos 600.000 exemplares. As súas primeiras verbas pasarán a historia: «Eu son Balbino. Un rapaz de aldea. Coma quen di, un ninguén. E ademais, pobre». A historia de Balbino é o testemuño da vida rural en Galicia nun tempo pasado. Durante décadas foi unha lectura cotiá para os alumnos en moitas escolas galegas. Foi traducida ao castelán, inglés, francés, alemán, checo, ruso e outros idiomas.
Na nosa Biblioteca temos tamén este libro e todos os nenos e nenas cando chegan a 5º ou 6º curso téñeno como lectura obligada e colectiva. 
Tamén recordamos que o 20 de novembro, os nenos e nenas de 5º curso dramatizaron unha pequena obra da súa dona Anisia Miranda, Que lle pasou a coelliño?.

25/11/15

Convocatoria de concursos

Dende a Biblioteca do noso centro poñemos en coñecemento das familias a convocatoria de dous concursos moi interesantes para os nenos e nenas do noso colexio.
  • Certame de Poesía Infantil "Nadal 2015", convocado pola biblioteca Municipal de Viveiro
  • ·      Os Bolechas poñen en marcha un CONCURSO DE DEBUXO con grandes premios para os escolares e os colexios. O tema é HISTORIAS DO MEU COLE.
    Este concurso desenvolvese a través do sitio web  http://www.osbolechas.gal/cole/


Educar en valores: a igualdade de xénero

No blog EN CLAVE DE NIÑOS atopamos este artículo que merece a pena ler lido.

http://www.educarenigualdad.org/material



20/11/15

Celebramos o Día da Infancia

O 20 de novembro celébrase o Día dos Dereitos dos Nenos e das Nenas.
No colexio, durante toda a semana estamos levando a cabo moitas e diversas actividades:
  • O martes, para o nenos e nenas de infantil, o bisavó dunha alumna veu a falar sobre as abellas e os traballos do apicultor. "Unha charla moi interesante"
  • Tamén o martes, para todos os nenos e nenas de primaria, a Banda de Música impartiu un mini concerto didáctico. "A túa Banda vai ao cole"
  • O mércores, para infantil e 1º e 2º curso, o grupo de Música Tradicional "Non cho digo" ensinoulles moitas cousas sobre a Música, Baile e Vestimenta Tradicional Galega. "Unha clase moi especial coa música tradicional"
  • O venres, os nenos e nenas de 5º curso farán unha pequena dramatización sobre a obra de Anisia Miranda, Que lle pasou a coelliño?. Esta actividade esta enmarcada dentro dos Apadriñamentos Lectores e que levamos a cabo un venres ao mes.

  • Tamén fixemos unha pequena exposición con libros e traballos relacionados coa celebración dos Dereitos dos Nenos e Nenas.

19/11/15

Unha clase no noso porto




Esta fotografía corresponde ao artigo de LA VOZ DE GALICIA.






Os alumnos e alumnas de 5º e 6º de Primaria foron ata o Porto de Celeiro para coller apuntes e facer bocetos de diferentes partes ou zonas do mesmo; pois van participar no concurso de debuxo "Nuestros Puertos" que convoca a Autoridade Portuaria de Ferrol.
O curso pasado, o alumno José Manuel Guirado Fernández, levou o 1º premio.


Unha clase moi especial coa Música Tradicional

Os nenos e nenas de 6º de Infantil están a traballar sobre GALICIA e chegaron ao apartado da Música e Baile Tradicional e para que poidesen escoitar e ver en directo as cualidades do noso folklore, a súa profesora Inés organizou un pequeno concerto didáctico.
Visitounos un cuarteto de Música Tradicional "Non cho digo" formado por dúas gaitas, tamboril e bombo; pero ademais, a profesora Eva, trouxo os seus traxes de baile e axudadas polas profesoras Rita e Lucía explicaronlles a todos os nenos e nenas as características de cada un deles.
Organizamos unha pequena romaría cantando e bailando todos xuntos. Pasámolo estupendamente!
Agradecemos aos compoñentes do cuarteto: Samuel, Rafa, Fran e Adrián  a súa visita e a súa gran clase e concerto.

18/11/15

“A túa banda vai ao cole”

O martes,17 de novembro, tivemos a oportunidade de contar no noso colexio cunha sección da BANDA DE MÚSICA de Viveiro. Ensináronnos os diferentes instrumentos dos que se compón unha Banda de Música, as súas características, os seus sons... Interpretaron varios temas musicais e poidemos probar os diferentes instrumentos.
Tamén nos invitaron a coñecer as instalacións onde ensaian e alí coñecer todo o que se pode facer pertencendo á Banda de Música.
O vindeiro sábado, 21 de novembro, no Teatro Pastor Díaz de Viveiro farán o Concerto Tradicional de Santa Cecilia (22 de novembro) que é a patrona dos músicos.

Unha charla moi interesante na Bibliosoños

O martes, 17 de novembro, visitounos o bisavó de Lucía Fernández Rodríguez.
Fumos todos os nenos e nenas de infantil á Biblioteca e alí explicounos todo o relacionado coas abellas; nós tivemos oportunidade de facerlle unha chea de preguntas e aprendimos moitas cousas.
Tamén os nenos e nenas de 5º de Infantil lle fixemos uns debuxos en agradecemento para que sempre se acorde de todos nós.

12/11/15

Unha visita moi especial

Hoxe tivemos unha visita moi especial: Jesús e Ángeles, dous mestres do noso colexio e que agora están xubilados.
Eles saben moito das abellas pois son abelleiros ou aicultores e viñeron a contarnos moitas cousas sobre elas: como viven nas colmeas, como se extrae o mel, os beneficios tanto das abellas como o mel que nos dan...
Todos os nenos e nenas do colexio pasaron polo  Salón de Actos e alí escoitaron as explicación e viron unha colmea e moitos utensilios dos que se utilizan, coa cera fixeron unha vela, tamén fixeron moitas preguntas e disfrutaron dunha clase moi especial.
Tamén nos trouxeron un libriño informativo que nos vai axudar a comprender moito mellor  


11/11/15

Un día de festa

Hoxe, día de San Martiño, e dinfrutando do bo tempo, fixemos o xa tradicional Magosto no noso colexio. Os nenos e nenas fixeron cucuruchos moi especiais, recolleron as castañas asadas por Enrique e Antonio, comeron e beberon, xogaron e pasáronno estupendamente.
No seguinte vídeo podemos ver momentos da festa.

10/11/15

Exposición de marcapáxinas

Este curso os nosos marcapáxinas van adicados ao MUNDO DAS ABELLAS, pois é o Proxecto documental no que estamos a traballar durante este trimestre.
NESTE ENLACE podemos atopar máis información.
Na seguinte presentación podemos ver a Exposición dos marcapáxinas.


5/11/15

Unha colección moi interesante

Tras o éxito dos primeiros 12 tomos, a Biblioteca Básica Os Bolechas amplíase con 6 novos títulos que complementan esta colección pensada para se converter na primeira biblioteca das nenas e nenos galegos.






4/11/15

Mes da Ciencia

Noticia extraída do Blog das bibliotecas Escolares de Galicia

Novembro, Mes da Ciencia en Galego nas Bibliotecas-2015

http://www.edu.xunta.es/biblioteca/blog/?q=node/812
MANIFESTO
FOLLETO INFORMATIVO

3/11/15

Proxecto Documental

Durante este 1º trimestre do curso estamos a traballar nun Proxecto Documental sobre o mundo das abellas.
Preparamos esta páxina con moita información. Clica na imaxe para entrar.

https://sites.google.com/site/omundodasabellas/


Tamén preparamos una pequena exposición cos obxectos que foron traendo os alumnos e alumnas e que podemos visualizar no seguinte vídeo

Exposición de libros no mes de novembro

Acabamos de rexistrar e catalogar estes 19 títulos novos na Bibliosoños.
Podedes ollalos e levalos ás aulas na HORA DE LER.


29/10/15

O Samaín no noso colexio

Durante esta semana estivemos a traballar diferentes aspectos sobre o SAMAÍN.
O seguinte vídeo recolle algúns destes traballos.

No seguinte ENLACE podemos ver máis traballos

26/10/15

Noticia sobre o CIBES

Hoxe da comezo o Congreso Iberoamericano das Bibliotecas Escolares CIBES.
http://www.cibes2015.info/
Baixo o lema "Educación por competencias: reto del milenio para la interculturalidad y la inclusión social", celébrase en Getafe (Madrid), do 26 ao 28 de outubro, na Universidade Carlos III de Madrid, o I Congreso Iberoamericano de Bibliotecas Escolares (CIBES), froito da colaboración entre esta Universidade, o Concello de Getafe e a Universidade Estatal Paulista de Brasil. 

O colectivo de profesionais vinculados ás bibliotecas escolares poderán presentar comunicacións asociadas a algún dos catro eixos temáticos previstos:
  1. A biblioteca escolar no proceso educativo: ensinanza e aprendizaxe
  2. Comprensión lecto-escritora como factor de inclusión
  3. As alfabetizacións na Biblioteca Escolar  
  4. Contidos para o desenvolvemento de competencias naBiblioteca Escolar

    O proxecto que levamos a cabo dentro da Microrrede A MARIÑA estará presente no mesmo coas representantes:
    María Rolle Insua, coordinadora da biblioteca do CEIP de Covas
    M.ª Luz Iglesias López, integrante do grupo de biblioteca do CEIP Pedro Caselles Rollán.
    No blog da MICRORREDE podemos seguir todas as noticias.

23/10/15

Finalizamos as Sesións de Formación de Usuarios

Hoxe rematamos coas actividades de celebración na Bibliosoños
No seguinte vídeo recollemos imaxes dos grupos.
Tamén, NESTE ENLACE podemos ver os traballos que que utilizamos para as Sesións de Formación de Usuarios.

1º venres lector

O venres, 23 de outubro, os nenos e nenas de Infantil, xunto cunha alumna e un alumno de 6º curso (Alba e David), participaron no 1º venres lector deste curso.
Contáronlles o conto O vello castiñeiro, todos os nenos e nenas disfrutaron moita desta primeira sesión lectora.

19/10/15

Semana de celebración

Durante toda a semana levaremos a cabo diferentes actividades para celebrar o
DÍA DAS BIBLIOTECAS ESCOLARES
 (24 de outubro)
  • Elaboración e exposición de marcapáxinas.
  • Entrega de Bolsiñas para Infantil, dentro do Programa "Libros e van e veñen"
  • Sesións de Formación de Usuarios na Biblioteca:  
  • Visualización dun vídeo especial:
    • Conto dramatizado "O vello castiñeiro" a cargo dos alumnos e alumnas de 6º Infantil, finalizando coa Canción O Castiñeiriño de Susa Herrera, cantada por alumnos e alumnas do colexio.
  • Comezo do Programa "VENRES LECTORES".
  • Páxina Site con información para traballar o Proxecto Ducumental sobre o  


8/10/15

Na Bibliosoños

Hoxe os nenos e nenas de 6º de Infantil foron á Bibliosoños a escoller o seu libro para levar á casa e ler coas súas familias.



7/10/15

Poñemos en marcha as Mochilas Viaxeiras

Hoxe puxemos en marcha as Mochilas Viaxeiras que tanto gustan aos nenos e nenas do colexio.


A mochila viaxeira está pensada para que, desde a Biblioteca Escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura.

A mochila é o soporte que permite aos rapaces e rapazas levar á súa casa, en préstamo temporal, uns materiais que reforcen o vínculo entre familia e escola no seu labor común para a formación dos lectores máis novos.


25/9/15

HORA DE LER

Na súa HORA DE LER, os alumnos e alumnas de 5º curso de Primaria están a ler A coroneliña.
Este fermoso título é o resultado de traducir, por primeira vez ao galego, a sonada obra de Annie Fellows Johnston (1863-1931), unha escritora estadounidense nacida en Indiana.
O argumento de The little Colonel, obra escrita no 1895, está inspirado nunha personaxe real, Cochran Hattie, que a autora coñeceu en Pewee Valley (Kentucky). A historia, que transcorre na época da Guerra Civil americana, trata do afastamento entre un vello coronel e a súa filla, e dos esforzos da pequena “coroneliña” para que se reconcilien.


24/9/15

A Bibliosoños comeza a súa actividade cos nenos e nenas de infantil

Os nenos e nenas de 5º de Infantil xa pasaron pola Bibliosoños para ler e escoller un libro para levar as súas casas e ler en familia.


23/9/15

Comezamos coas exposicións de libros

No rincón das Exposicións xa podemos ollar as suxerencias da BIBLIOSOÑOS.
  • Libros novos (Adquisición de fondos)
  • Comeza o outono
  • Unha colección interesante

22/9/15

Entrada extraída do Blog das Bibliotecas Escolares de Galicia

http://www.edu.xunta.es/biblioteca/blog/?q=node/802
"Biblioteca escolar, base de exploracións" é o lema elixido este curso para o cartel da campaña anual de bibliotecas escolares que a Consellería de Cultura, Educación e Ordenación Universitaria, enviará en breve a todos os centros públicos como reforzo das actuacións da biblioteca escolar e para apoiar a visibilidade dos seus recursos e das súas oportunidades de aprendizaxe. 
A imaxe do cartel responde á interpretación que deste lema fixo o ilustrador e autor de cómic FRAN BUENO,  e ten suficiente carga simbólica e información como para espertar o interese do alumnado.
En efecto, a biblioteca escolar pode ser a base desde a que explorar o mundo real, pero tamén os mundos imaxinarios; os materiais impresos e os recursos electrónicos achégannos informacións sobre todo aquelo que queremos coñecer e comprender; é un espazo para a investigación individual e para o traballo en equipo; é un espazo integrador cheo de oportunidades de aprendizaxe.
O lema "Biblioteca escolar, base de exploracións" chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, bota ao camiño a milleiros de persoas na procura dun mundo máis xusto. Convida a explorar o mundo e a compartir o aprendido. 

10/9/15

Comeza un novo curso no colexio de Celeiro!

Comeza un novo curso!
O primeiro día está cheo de moitos e diversos sentimentos tanto para os nenos e nenas como para os papás e mamás.
Este vídeo que presentamos recolle a chegada ás novas aulas. 
Feliz curso tanto para ás familias como ao profesorado!

9/9/15

Resolución definitva da convocatoria do Plan de mellora de bibliotecas escolares - PLAMBE 2015/2016

O DOhttp://www.edu.xunta.es/biblioteca/blog/G de hoxe, 9 de setembro, publica a Orde de 1 de setembro de 2015 coa resolución definitiva da convocatoria do Plan de mellora de bibliotecas escolares en centros públicos de titularidade da consellería de Cultura, Educación e Ordenación Universitaria, para o curso 2015/2016. 
O PLAMBE é un programa iniciado en 2005 que está a impulsar a transformación das bibliotecas escolares en centros de recursos de lectura, información e aprendizaxe. Pero máis aló dos recursos, as bibliotecas son un instrumento esencial para a innovación educativa na medida en que propician e lideran a utilización de metodoloxías activas, a integracións das TIC en contextos reais de aprendizaxe e o traballo por proxectos.
 
As bibliotecas  facilitan oportunidades de aprendizaxe en moi distintos ámbitos e son un espazo de encontro entre os diferentes membros da comunidade escolar. O seu funcionamento é esencial para o desenvolvemento do currículo pois apoia a todas as áreas e materias, non só cos recursos informativos que proporciona, senón tamén coas actividades que organiza en beneficio de toda a comunidade escolar. A lectura, entendida en sentido amplo, como alfabetización múltiple, a lectura do século XXI, é a base de todas as actuacións da biblioteca, pero tamén son fundamentais as actividades relacionadas co mundo da información. O alumnado precisa de forma urxente ser formado no uso, tratamento, aproveitamento e produción da información, nos múltiples formatos e soportes nos que hoxe se presenta na sociedade.
 
O Plan de mellora de bibliotecas escolares facilita recursos, formación e obxectivos comúns a un profesorado interesado en facer da súa biblioteca un espazo de aprendizaxe, en liña coas esixencias da normativa educativa vixente. Un total de 575 centros públicos forman parte desta "rede de bibliotecas escolares" de Galicia. 

28/8/15

As sete competencias clave da LOMCE explicadas en sete infografías

A implantación da LOMCE implicou moitos cambios. Un deles é a modificación das oito competencias básicas do currículo, que pasan a ser sete e a denominarse competencias clave. A nova lei renomea lixeiramente algunhas das anteriores, xunta as relativas ao mundo científico e matemático, e elimina a autonomía persoal para substituíla por sentido de iniciativa e espírito emprendedor. Deste modo, axústase ao marco de referencia europeo. Con motivo das xornadas Competencias crave e ordenación académica, o Centro Nacional de Innovación e Investigación Educativa realizou unha serie de infografías para explicar cada unha delas. Recompilámolas a continuación.

1. Competencia en comunicación lingüística. Refírese á habilidade para utilizar a lingua, expresar ideas e interactuar con outras persoas de xeito oral ou escrito.

 2. Competencia matemática e competencias básicas en ciencia e tecnoloxía. A primeira alude ás capacidades para aplicar o razoamento matemático para resolver cuestións da vida cotiá; a competencia en ciencia céntrase nas habilidades para utilizar os coñecementos e metodoloxía científicos para explicar a realidade que nos rodea; e a competencia tecnolóxica, en como aplicar estes coñecementos e métodos para dar resposta aos desexos e necesidades humanos.

3. Competencia dixital. Implica o uso seguro e crítico das TIC para obter, analizar, producir e intercambiar información.

4. Aprender a aprender. É unha das principais competencias, xa que implica que o alumno desenvolva a súa capacidade para iniciar a aprendizaxe e persistir nel, organizar as súas tarefas e tempo, e traballar de xeito individual ou colaborador para conseguir un obxectivo.

5. Competencias sociais e cívicas. Fan referencia ás capacidades para relacionarse coas persoas e participar de xeito activo, participativo e democrático na vida social e cívica.

6. Sentido da iniciativa e espírito emprendedor. Implica as habilidades necesarias para converter as ideas en actos, como a creatividade ou as capacidades para asumir riscos e planificar e xestionar proxectos.

7. Conciencia e expresións culturais. Fai referencia á capacidade para apreciar a importancia da expresión a través da música, as artes plásticas e escénicas ou a literatura.


17/6/15

Graduación dos alumnos e alumnas de 6º de Infantil

Foi un acto moi emotivo: 
  • Primeiro visualizamos un "Vídeo Memoria" dos tres anos de infantil.
  • Recolleron o seu diploma de graduación das mans da súa titora Ana.
  • Adicaron unhas fermosas palabras a todos os seus profesores.
  • E como non, bicos, abrazos, choros e alegrías...
VÍDEO MEMORIA


VÍDEO DO ACTO DA GRADUACIÓN


 

16/6/15

Estamos rematando o curso escolar

Nesta última semana do curso aínda quedan moitas actividades que levar a cabo conxuntamente:

8/6/15

Un traballo moi especial

Os alumnos e alumnas de 5º curso, xunto coa súa titora Marta Pérez González, elaboraron un pequeno TELEXORNAL que presentamos no seguinte vídeo:

6/6/15

Celebramos o Día Mundial do Medio Ambiente














Como cada ano o 5 de xuño celebramos o Día Mundial do Medio Ambiente.
Preparamos unhas actividades especiais:
  • Os alumnos de Infantil plantaron no invernadoiro
  • Los alumnos de 1º e 2º curso visitaron o Parque Natural de Marcelle
  • E os demais cursos fixeron unha actividade de limpeza da praia de Celeiro

NESTE ENLACE 

PODEMOS VER OS VÍDEOS

5/6/15

Actuacións no Teatro Pastor Díaz de Viveiro

 Podemos ver os vídeos das diferentes actuacións

4/6/15

Excursións fin de curso


podemos ver os vídeos e fotos das diferentes excursións realizadas neste final de curso


18/5/15

Imos participar no III Concurso de Vídeos VOZ NATURA

O noso centro acordou participar no Concurso de Vídeos que convoca VOZ NATURA.
Despois da experiencia do curso pasado no que quedamos de segundos, moitas nais e pais anímannos a intentalo de novo.
Para o evento elaboramos o seguinte vídeo no que pretendemos contar en imaxes a historia do noso horto escolar e da labor tan importante na educación dos nosos alumnos.
Consulta aquí as BASES DE CONCURSO
A participación articúlase a través da páxina en Facebook do programa onde se poden consultar as bases do concurso e presentar os vídeos desde o 4 de maio ata o 22. A partir dese momento, abrirase un prazo de votacións públicas (ata o 3 de xuño) do que sairán os cinco finalistas.


15/5/15

Festexamos as LETRAS GALEGAS

Hoxe festexamos as LETRAS GALEGAS.

VÍDEOS DAS ACTIVIDADES NO COLEXIO

O Día das Letras Galegas é un día de exaltación da lingua de Galicia a través da súa manifestación literaria. Comezou a celebrarse o 17 de maio do 1963, coincidindo co centenario da primeira edición de Cantares gallegos, de Rosalía de Castro.

O 20 de marzo de 1963, tres membros da Real Academia Galega (Manuel Gómez Román, Xesús Ferro Couselo e Francisco Fernández del Riego) presentaron nesta institución a proposta de celebrar o 17 de maio para recoller o "latexo material da actividade intelectual galega". Estimaban que o poemario de Rosalía era a primeira obra mestra da literatura galega contemporánea, é dicir, considerábana a primeira obra do Rexurdimento. Realmente, descoñécese a data real de publicación do libro, pero tomouse ese día pola dedicatoria autógrafa de Rosalía de Castro á tamén poetisa Cecilia Böhl de Faber (Fernán Caballero).
Para conmemorar o primeiro día das letras publicouse unha edición crítica de Cantares gallegos, realizada por Fermín Bouza Brey. A festividade tivo un alcance e unha significación extraordinarios, e foi moi ben acollida non só a nivel literario senón tamén nos ambientes populares. Dende aquela dedícaselle o día de cada ano a unha figura significativa da literatura galega, coa única condición de que no ano da súa conmemoración teña pasado un mínimo de dez dende a data de falecemento da persoa homenaxeada.
Oficialmente, trátase dun día de carácter festivo en toda Galicia desde 1991.

14/5/15

Exposición de pequenos bodegóns

Cos traballos que fixemos no obradoiro con Xoán Guerreiro
fixemos unha exposición no colexio.
NESTE ENLACE TEMOS MÁIS INFORMACIÓN