21/12/11

Os Pequenos de Infantil

Hoxe é un día especial!
  • Primeiro fumos ao Salón de Actos onde cantamos a panxoliña HOXE É NADAL!. Fixémolo moi ben!
  • Despois do recreo tivemos Sesión de Cine na Biblioteca. As nosas profesoras repartíronnos gusanitos e "cocaloca" sen cafeína .
  • A película que vimos foi "Navidad mágica con Mickey Mouse".
  • Ao rematar fumos para as nosas clases onde nos despedimos das nosas profesoras e nos desexaron unhas FELICES VACACIÓN DE NADAL!!!
NO BLOG DE NADAL PODEMOS VER MÁIS ACTIVIDADES


20/12/11

Actividade de Normalización Lingüística

Unha das actividades que acabamos de realizar está relacionada co Nadal pois os alumnos e alumnas dos CEIPs Santa Rita de Galdo e Pedrosa Latas de Celeiro enviámosnos felicitacións a través dunha carta


12/12/11

Libros novos para a Bibliosoños

6/12/11

Aprendemos a coidar a boca

programa de saúde bucodental







2/12/11

Premio Cervantes 2011

Esta é a gran noticia deste día, literariamente falando.

 

Libros para os alumn@s do 3º ciclo

Acaban de chegar dous títulos de libros para ler colectivamente os alumn@s dos cursos 5º e 6º de primaria:
  • 20.000 leguas baixo dos mares. Unha adaptación da novela de Jules Verne.  Ilustracións de Sandrine Gambart  -  Texto de Virginie Hanna
Mortos de frío e case sen folgos, Pierre Aronnax, Conseil e Ned Land atópanse na auga a lombos dun monstro. Só entón se decatan de que non se trata nin dunha balea nin cunha criatura mariña, senón dunha estraña máquina submarina, o NAUTILUS!
De súpeto, ábrese un zapón e os nosos amigos son arrastrados ao interior da nave. Son prisioneiros do misterioso capitán Nemo.


Un día de moito vento, alguén peta na porta do "Almirante Benbow", a pousada dos pais de Jim Hawkins. É Billy Bones, un vello pirata que garda no seu cofre un gran segredo: o mapa do capitán Flint!.  O mapa da illa do tesouto!. Para Jim e os seus amigos a aventura só acaba de comezar!

DISFRUTADE COAS LECTURAS!!!

    1/12/11

    Noticia de "La Voz de Galicia"


    Mundo de Milu   

    fai clic e entra



    25/11/11

    Día Internacional contra a violencia de xénero

    No blog da Biblioteca TRAFEGANDO RONSEIS atopamos este vídeo de creación propia e que tan xenerosamente comparten coas bibliotecas escolares galegas. Moitas grazas.
    Tamén podemos atopar moita información nesta páxina especial da nosa Bibliosoños .



    21/11/11

    Día dos Dereitos dos nen@s

    Nesta semana imos a traballar sobre os Dereitos da Infancia.
    Nesta páxina especial podemos atopar moita información.

    Este Glogster recolle moitos recursos para traballar os dereitos dos nenos e das nenas. Se queredes velo a tamaño grande, tedes que clicar no cadradiño rosa onde pon Glogster poster yourself e despois en VIEW FULL SIZE.

    20/11/11

    Corre, corre, cabaciña

    Este é o vídeo do conto CORRE, CORRE, CABACIÑA, que preparou a profesora Rebeca Palmeiro.
    Foi unha das actividades especiais que fixemos o DÍA DA BIBLIOTECA ESCOLAR.


    16/11/11

    15/11/11

    Recursos para bibliotecas

      Neste enlace do blog Recursos TIC para Bibliotecas podemos atopar moita información interesante.

    4/11/11

    Congreso Bibliotecas Escolares en Tránsito 2011





    Vídeo rodado en centros do Plan de mellora de bibliotecas escolares de diferentes recunchos de Galicia, co gallo do Congreso Bibliotecas Escolares en Tránsito, celebrado en Compostela os días 10, 11 e 12 de novembro, organizado pola Consellería de Educación en colaboración co Ministerio de Educación.
    As imaxes exemplifican a distribución de espazos nas novas bibliotecas, e algunhas das actividades que o alumnado realiza nelas día tras día.

    27/10/11

    Lecturas recomendadas para o mes de novembro

    ORIXE DO SAMAÍN EN GALICIA
    A celebración do Samaín en Galicia non é unha
    nova moda. A súa orixe remóntase miles de anos
    atrás, arredor do século I a.C., na época dos celtas.
    Os celtas tiñan catro grandes festividades no
    ano. Unha delas o Samaín no que celebraban a fin do
    verán e o comezo da época escura e coincidía co seu
    ano novo.
    Durante a noite do Samaín os celtas crían que se
    abría unha porta entre o mundo dos vivos e o dos
    defuntos. Unha das costumes nesta celebración era
    a de amontoar as caveiras dos seus familiares falecidos
    e as dos seus inimigos e pintábanas.Deste xeito
    trataban de indicar o camiño á casa ás almas dos
    familiares e asustar ós inimigos que trataran de
    atacalos. Coa chegada do cristianismo, cristianizouse
    a celebración que pasou a ser a de Todos os
    Santos.


    25/10/11

    Celebramos o Día da Biblioteca

    O luns, 24 de outubro, celebramos o día da nosa biblioteca "Bibliosoños". Fixemos moitas actividades:
    • Vimos a exposición dos libros novos da Biblioteca. Están relacionados co tema do Proxecto Integrado de dinamización que imos a traballar ao longo deste curso: AS ÁRBORES

    • Escoitamos a dramatización a través de imaxes do conto Corre, corre, cabaciña que preparou a profe Rebeca.
    •  
    • Rematamos a sesión cantando a canción que este ano recibiu de regalo a nosa biblioteca: Libros na Bibliosoños.
    •  

    20/10/11

    DÍA DA BIBLIOTECA ESCOLAR

    O luns, 24 de outubro é O Día das Bibliotecas Escolares.

    A biblioteca escolar, entendida como un espazo educativo pleno de oportunidades para a formación persoal e académica, pleno de posibilidades para a actuación docente; un lugar no que soñar; un lugar presencial dende o que achegarse a mundos virtuais.  Esa capacidade de estar presente no centro é a que facilita o achegamento de toda a comunidade educativa aos recursos, a que fai posible o encontro entre iguais pero tamén entre persoas distintas.  Un lugar para o traballo, para o desenvolvemento desas competencias básicas indispensables para a vida persoal, académica e social. Un espazo, tamén, para a búsqueda e o achádego, para facerse preguntas e atopar respostas.




    Neste día tan especial traballaremos a FORMACIÓN DE USUARIOS e despois cantaremos todos xuntos a canción:

    16/10/11

    Día Mundial da Alimentación

    O Día Mundial da Alimentación (DMA) foi establecido polos Estados Membros da FAO na vixésima sesión da Conferencia da Organización, celebrada en novembro de 1979. A data elixida - 16 de outubro - é o aniversario da FAO.

    Premio Planeta 2011

    Javier Moro Lapierre 

    (Madrid11 de febrero de 1955) es un escritor español.


    Premio Planeta 2011.
    Fillo de pai español e de nai francesa. Estudou o bacharelato no Liceo Francés de Madrid. Desde moi novo, viaxou co seu pai, executivo dunha compañía aérea, a países de África, Asia e América e o seu tío, o escritor francés Dominique Lapierre. Esas viaxes en familia, nos que descobre o mundo, constitúen os mellores recordos da infancia e deixan unha pegada que aparecerá máis tarde nos seus libros.
    Entre 1973 e 1978 estuda Historia e Antropoloxía na Universidade de Jussieu.
    Colaborador asiduo en medios de prensa estranxeiros e nacionais, traballou como investigador en varios libros de Dominique Lapierre (do que é sobriño) e Larry Collins, coproducido películas como Valentina e 1919: Crónica da alba, ambas as baseadas na obra de Ramón J. Sender.
    Para escribir a súa primeira novela, Carreiros de liberdade (1992), "viaxou durante tres anos pola Amazonia en avioneta, canoa, autorcar e mesmo a pé para reconstruír a historia de Mozo Mendes, un humilde cauchero que se converteu en símbolo internacional da defensa do medio ambiente".
    A súa segunda novela, O pé de Jaipur, apareceu tres anos máis tarde e é a primeira en estar ambientada, polo menos en parte, en Asia: trata dun novo estudante francés gravemente accidentado e un camboyano sobrevivente da época dos jemeres vermellos que se coñecen ao coincidir nunha clínica e únense para enfrontar a adversidade e loitar na vida. A escritora e xornalista Maruja Torres dixo que esta obra "debería lela todo o mundo porque trata, como algún dos múltiples seres reais que o poboan din nalgún momento, do importante que é 'o que facemos co que nos queda'. Ou sexa da superación de frustracións".
    A esta seguíronlle outro tres libros cuxa acción transcorre nese continente: As montañas de Buda (1998) desenvólvese no Tíbet; Era medianoite en Bhopal (2001), na India coas dúas novelas seguintes (escrito con Dominique Lapierre, trata sobre o desastre de Bhopal, a catástrofe química ocorrida o 3 de decembro de 1984); Paixón india (2005), historia do amor e a traizón entre a cantante española Anita Delgado e o o maharajá de Kapurthala, Jagatjit Singh; e O sari vermello, qye, segundo explicou Mouro, "é a historia dramatizada da familia Gandhi a través dos ollos de Sonia. A obra causou escándalo e irritación na India: "queimáronse exemplares do libro e retratos" de Mouro.
    O seu sétimo libro, O imperio es ti, volve estar ambientado en América do Sur: trata sobre a vida do emperador Pedro I de Brasil, que tamén o foi, por un breve período, rei de Portugal. A novela valeulle o Premio Planeta 2011.
    As súas novelas tiveron gran aceptación de crítica e público e foron traducidos a varios idiomas.

    7/10/11

    Premio Nobel de Literatura 2011

    O poeta sueco Tomas Tranströmer recibiu este xoves o Premio Nobel de Literatura 2011, sucedendo a Mario Vargas Llosa, que o recibiu na anterior edición.

    Tomas Tranströmer é o poeta vivo máis recoñecido de Suecia e o seu nome apareceu a miúdo entre os candidatos ao premio Nobel.

    Segundo a casa de apostas Ladbrokes, Tranströmer era un dos favoritos estes últimos anos e moitos dos que apostaron crían que este ía ser o seu.

    O xurado destacou do gañador que "a través das súas condensadas e traslúcidas imaxes, proporciónanos un fresco acceso á realidade".

    5/10/11

    Día Mundial dos Docentes 2011


    O Día Mundial dos Docentes conmemórase cada ano o 5 de outubro, para celebrar a función esencial do profesorado na prestación dun ensino de calidade en todos os niveis. Na efeméride conmemórase tamén o aniversario da firma, en 1966, da Recomendación conxunta da UNESCO e a OIT relativa á condición do persoal docente.

    Os actos conmemorativos de 2011 centraranse no tema
     "Docentes para a igualdade de xénero".

    4/10/11

    Mes da Biblioteca Escolar

    Para celebrarmos o Día da Biblioteca (24 de outubro), o mes da Biblioteca Escolar (segundo convocatoria da IASL), un curso máis, a Consellería de Educación edita un cartaz cunha imaxe dun autor galego. Nesta ocasión, Emma Ríos, ilustradora do mundo do cómic, interpreta o lema proposto, Biblioteca escolar, última xeración, e ofrécenos unha visión alegre e cómplice do que son e poden ser as bibliotecas escolares: lugares de encontro e de convivencia, espazos de aprendizaxe e de contacto gozoso coa cultura escrita; integración dos distintos soportes e formatos que albergan a información e os contidos culturais, oportunidades para soñar e imaxinar; apoio para a adquisición de competencias básicas e construción de coñecementos de calquera tipo; escolas de cidadanía.


    26/9/11

    Temos un novo libro...



    O profesor do colexio, Vicente Míguez Salgueiro, acaba de facer entrega á Biblioteca do Centro dun exemplar do seu libro A lúa deitada en Porto Norte, que presentou na pasada edición da Feira do Libro de Viveiro.



    21/9/11

    13/9/11

    Resolución do Plan de mellora de bibliotecas escolares 2011/2012

    O DOG do 13 de setembro publica a Orde de 1 de setembro pola que se resolve o Plan de mellora de bibliotecas escolares en centros públicos non universitarios de titularidade da Consellería de Educación, para o curso 2011/2012. Incorpóranse 84 novos centros a este programa, que se iniciara no curso 2005/2006 co obxectivo de impulsar a renovación e a actualización das bibliotecas dos centros de ensino non universitario. Actualmente integran o Plan de mellora de b.e. un total de 449 centros públicos, de distintos niveis de ensino.

    25/8/11


    31/7/11






    22/6/11

    Sesión de Teatro

    Os alumnos e alumnas do Obradoiro de Teatro puxeron en escea a obra que estiron a preparar durante este curso; E por riba, o sol, do autor e director Vicente Míguez.
    A sesión tivo lugar o martes, 21 de xuño no Centro socio-Cultural de Celeiro, Carlos Adrán Cambón (Casa do Forno).
    Asistiron os alumnos e alumnas do colexio, as familias e moito público que aplaudiu aos actores e actrices polo ben que o fixeron.
    A continuación podemos ver as fotos da representación,



    20/6/11

    Clausura das actividades de coro e teatro

    Nos blogs de Actividades Complementarias e de Educación Musical podemos ver reportaxe de fotos da clausura do Obradoiro de Teatro e de Coro.
    Dende o Colexio queremos agradecer a ANPA toda a colaboración prestada ao longo do curso

    7/6/11

    Día Mundial do Medio Ambiente

    O Día mundial do Medio Ambiente celébrase cada 5 de xuño.
    Poderíase dicir que é un vehículo polo que a Organización de Nacións Unidas sensibiliza a opinión mundial en relación a temas ambientais, intensificando a atención e a acción política e co obxectivo principal de darlle un contexto humano, motivando ás persoas para que se transformen en axentes activos do desenvolvemento sostible e equitativo; promover o papel fundamental das comunidade no cambio de actitude cara a temas ambientais, e fomentar a cooperación, pois esta garantirá que tódalas nacións e persoas gocen dun futuro máis prospero e seguro.

    O Día mundial do Medio Ambiente é un evento no que se realizan múltiples actividades: concentracións en rúas, concertos ecolóxicos, ensaios e competencias en escolas, plantacións de árbores, campañas de reciclaxe e de limpeza, entre outras. En moitos países esta celebración é unha oportunidade de asinar ou ratificar convenios internacionais e, algunhas veces, establecer estruturas gobernamentais permanentes relacionadas co manexo ambiental e a planificación económica.

    PODEMOS VER UNHA REPORTAXE DA CELEBRACIÓN 
    NO COLEXIO


    29/5/11

    2011 : ANO INTERNACIONAL DOS BOSQUES

    O 20 de decembro de 2006, a Asemblea Xeral das Nacións Unidas aprobou a resolución (A/RES/61/193) pola que se declaraba 2011 Ano Internacional dos Bosques. Esta celebración resultará útil para tomar maior conciencia de que os bosques son parte integrante do desenvolvemento sustentable do planeta debido aos beneficios económicos, socioculturais e ambientais que proporcionan. Con este fin, promoverase a acción internacional en pos da ordenación sustentable, a conservación e o desenvolvemento de todo tipo de bosques, incluídos as árbores fóra deles.

    Entre as actividades conmemorativas do Ano Internacional dos Bosques figura o intercambio de coñecementos sobre estratexias prácticas que favorezan a ordenación forestal sustentable e o retroceso da deforestación e a degradación dos bosques. Con obxecto de facilitar a organización destas actividades, aléntase aos gobernos a que establezan comités nacionais e centros de coordinación nos seus países respectivos, e a que aúnen os seus esforzos aos das organizacións rexionais e internacionais e as organizacións da sociedade civil.

    20/5/11

    Festa dos Maios no colexio

    Este ano celebramos a Festa dos Maios o mércores, 18 de maio, fixémola no ximnasio porque  estaba a chover. Pasámolo moi ben !.
    • Os nen@s de 5º curso fixeron unha exposición do que se celebra nesta festa e tamén presentaron as distintas actuacións.
    • Todos os cursos bailaron unha muiñeira.
    • O coro do colexio cantou tres cancións
    • E para rematar bailamos todos xuntos

    13/5/11

    Letras Galegas no colexio

    O día 13 de maio, celebramos o día das Letras Galegas. Participamos todos os cursos:
    • 6º fixo a presentación do autor homenaxeado, LOIS PEREIRO, e tamén un recitado de fermosas poesías.
    • Os nenos e nenas de Infantil cantaron IMAXÍNATE.
    • 1º curso recitaron poesías de Rosalía de Castro, Que ben o fixeron¡
    • 2º curso dramatizaron O HOME DE    PAPEL. Un traballo estupendo¡
    • 3º e 4º curso cantaron e escenificaron a canción de Mamá Cabra. IMOS BAILAR.
    • 5º curso fixo unha esposición sobre as Institucións Galegas e cantaron o himno galego.

    29/4/11

    Actividades para conmemorar o Día do Libro

    Para Conmemorar este día tan importante todos os ciclos fixemos actividades nas aulas e tamén na Bibliosoños.



    Fixemos dous libros, un de Infantil e outro de Primaria,
    coas fichas dos libros que limos nas vacacións.

    26/4/11

    23 de abril, DÍA DO LIBRO

    O pasado sábado, 23 de Abril, tivemos unha cita co mundo do libro, colleunos en plenas vacacións de Semana Santa por iso, agora que voltamos ás clases, faremos actividades para celebrar esta data tan importante.
    Mañá mércores, 27 de abril, farase a entrega do Premio Cervantes 2010 á escritora Ana María Matute, tal e como xa o comentamos neste blog.

    11/4/11

    A Bibliosoños nos Encontros do PLAMBE

    O pasado venres, como coordinadora da Biblioteca, asistín aos Encontros do Plan de Melloras de Bibliotecas Escolares (PLAMBE).
    Comenzaron coa  exposición de Teresa Maña e Mónica Baró sobre""Avaliar para avanzar. Prácticas de autoavaliación na biblioteca escolar"
    Despois baixo o título de "Literatura en imaxes" houbo sesións simultáneas sobre experiencias con cine ou banda deseñada nas bibliotecas.
    Pola tarde xuntámonos por zonas. Na zona de Lugo somos unhas 30 Bibliotecas Escolares as que pertencemos ao PLAMBE.

    Máis estes Encontros estarán sempre marcados por un peche moi especial, un peche extraordinario a cargo de D. Xosé Neira Vilas, quen, en palabras de Pilar Sampedro na súa presentacion é "o único clásico que aínda queda vivo" quen, "sempre amosou o seu compromiso con Galicia e a súa mocidade" e que grazas a xente como el "Galicia ten un lugar no mundo".

    E que se pode engadir sobre un dos grandes do noso país que non se dixera xa?

    Foi un verdadeiro placer escoitar a súa lembranza daquela escola rural a 8 km. da casa e cunha biblioteca chea de "vidas de santos".  Do seu gosto dende ben neno pola lectura. Dos libros agochados baixo as tellas. Dos cartos gañados "honradamente" para mercar máis libros. Daqueles libros mercados contra rembolso e do consello do seu pai "pide libros, pero con moderación"...

    Da emigración a Arxentina, "emigro, en certo sentido, para achegarme aos libros", e a súa primeira relación alí coas bibliotecas escolares ás que lles doaba os libros que mercaba nas librerías da Praza de Maio. O seu apadriñamento en Cuba do Colexio Concepción Arenal.

    A súa labor á fronte da Editorial Follas Novas cuxo obxectivo era o de difundir a Literatura Galega. A publicación da revista "Zunzún" e a súa relación tan estreita e persoal cos lectores. As actividades de fomento da lectura que levaban a cabo e segue a levar dende a súa Fundación...

    Neira Vilas falou as súas "experiencias persoais arredor do libro e a lectura" e coa presencia constante da súa compañeira Anisia con quen compartiu vida, soños e proxectos. Unha lembranza que nos fixo emocionar fondamente acompañada pola figura de Balbino "   Memorias dun neno labrego" do que se está a celebrar o  cincuentenario da súa publicación e que supuxo o comezo da literatura xuvenil en galego, "aínda que non fora escrita para nenos".

    Con este grande das nosas letras rimos e choramos, compartimos lembranzas e o seu amor pola nosa terra, a nosa cultura e a nosa lingua.
    Grazas Don Xosé!!
    Os materiais sobre as distintas exposicións pódense atopar AQUI. Entrade como convidado. Tamén están os vídeos das conferencias. 

    Si queres saber máis sobre o tema:
    BIBLIOTECAS ESCOLARES DE GALICIA




    5/4/11

    Convocatoria Plan de mellora de bibliotecas escolares 2011/2012

    O DOG do 5 de abril fai pública a Orde do 17 de marzo de 2011 pola que se convoca o Plan de mellora de bibliotecas escolares en centros públicos non universitarios de titularidade da Consellería de Educación e O. Universitaria, para o curso 2011/2012. Seleccionaranse 75 novos centros e, así mesmo, poderán continuar no programa aqueles centros xa integrados que presenten a documentación oportuna e acaden valoración positiva na memoria do presente curso 10/11. Esta actuación está cofinanciada polo Ministerio de Educación, en virtude do Convenio de colaboración para a mellora das bibliotecas escolares, un programa de cooperación entre as dúas administracións educativas, iniciado en 2005. O prazo de presentación de solicitudes e de documentación é de un mes, rematando pois o cinco de maio. 

    Quentando motores.... o vindeiro 7 e 8 de abril reunirase en Santiago de Compostela o profesorado responsable das bibliotecas  integradas actualmente no Plan de mellora de bibliotecas escolares, un programa da Consellería de Educación e Ordenación Universitaria, iniciado en 2005, e que inclúe neste curso un total de 374 centros públicos de distintos niveis educativos.
    Será ocasión para profundizar no modelo da biblioteca escolar que se está a estender, como centro de recursos de lectura, información e aprendizaxe. Incidirase nos instrumentos que Internet pon a disposición das bibliotecas para o exercicio das súas funcións e facilitar a formación da competencia informacional do alumnado, e falarase de lectura e de poesía: cine e banda deseñanda centrarán as experiencias dos centros, que se presentarán en mesas simultáneas. Tamén será oportunidade para o encontro entre os membros dun colectivo que están a facer realidade as pequenas utopías que son todas e cada unha das bibliotecas escolares galegas.

    30/3/11

    2 de abril, Día Internacional do Libro Infantil

    O libro lembra. Este é o título do texto da escritora estonia Aino Pervik que serve para conmemorar a data do nacemento de Hans Christian Andersen, o 2 de abril, e que desde hai xa anos (1967), a IBBY (International Board on Books for Young people) promove como Día Internacional do Libro Infantil, co fin de estimular a creación e difusión de libros de calidade para nen@s e moz@s, e promover a lectura entre a xente máis nova. 


    Novo libro na Bibliosoños

    Acaba de chegar á Bibliosoños este libro: 

    Ola, ola, la! . Un conto de Gloria Sánchez con ilustracións de Kristina Sabaite.
    Contén tamén 12 cancións interpretadas por Mamá Cabra en formato CD e DVD.
    O libro forma parte do proxecto BOCABERTA, un programa de Dinamización Lingüística da Xunta de Galicia.


    Con este xa temos 4 libros de Mamá Cabra:

    25/3/11

    Obradoiro de Monicreques no cole

    Ángeles de Prado Díaz, escultora e pintora de profesión, estivo no noso centro impartindo un obradoiro de MONICREQUES para os alumnos e alumnas do 3º ciclo.
    Nos tres días desta actividade tiveron a oportunidade de realizar dous monicreques cada un:
    • Unha marioneta con cucurucho móbil, un pau, a cabeza feita co tubo do papel hixiénico e un traxe de tea.
    • Un monicreque con cabeza feita en papel maché e vestido de tea, tamén feito por eles mesmos.
    O resultado quedou ben bonito e pasaron un tempo moi entretido aprendendo e xogando.

    18/3/11

    Entrevista a Xaneco

    Xoán Manuel Tubio Fernández, coñecido por XANECO é un Luthier de Outeiro de Rei .
    Esta semana estivo no noso colexio para impartir o Obradoiro de Instrumentos Musicais. 
    O Centro de Artesanía e Deseño da Deputación de LUGO leva a cabo estes obradoiros para facer chegar ás escolas o coñecemento dos oficios artesanais, neste caso o da elaboración de instrumentos musicais tradicionais galegos.

    - Xaneco, como foi o resultado deste obradoiro no colexio de Celeiro?

    --Moi positivo, os nenos e nenas traballaron con ilusión e pasaron uns momentos moi entretidos. Cada un fixo unha ferreña que van poder levar para as súas casas.
    -Cal é a túa especialidade?

    --O que máis fago son instrumentos de percusión tradicional galega e tamén zanfonas, que son as que máis traballo levan, cada unha pode levar arredor de mes e medio de traballo.

    Quen solicita este tipo de instrumentos?

    --Traballo moito por encargos de músicos profesionais, asociacións culturais e agrupacións folclóricas.

    17/3/11

    Hoxe faleceu Josefina Aldecoa

    Nacida o 8 de Marzo de 1926, Josefina Aldecoa foi unha escritora española cuxa labor profesional, e gran parte da súa carreira literaria, centrouse no mundo da infancia e a pedagoxía.

    Durante os seus estudos universitarios, é Licenciada en Pedagoxía, moveuse en círculos literarios enmarcados na que logo sería chamada Xeración dos 50. Foi alí onde coñeceu ao seu marido, tamén escritor, Ignacio Aldecoa.

    Un dos puntos crave na súa traxectoria profesional é, sen dúbida, a creación do Colexio Estilo en 1959, onde envorcou todas as súas ideas sobre a nova pedagoxía, uns principios que chocaban coas técnicas de ensino propias do franquismo.

    En 1961 publicou A ningunha parte, colección de contos que, até 1983, cos fillos da guerra, sería a súa única produción narrativa. Posteriormente publicou diversos libros, desde a perspectiva máis autobiográfica, Historia dunha mestra (1990) ou de recuperación da memoria, A enredadera (1984), até sobre temas pedagóxicos, A eduación dos nosos fillos (2001)

    No ano 2004 recibiu o Premio Castela e León das letras a toda a súa carreira literaria.

    15/3/11

    Cumpreanos feliz! para Paco Ibáñez


    Francisco Ibáñez Talavera, nado en Barcelona o 15 de marzo de 1936, é un autor de cómics catalán, un dos máis coñecidos en lingua castelá.

    Comezou a súa vida profesional traballando no Banco Español de Crédito, pasando a dedicarse xa plenamente ao comic no ano 1957, cando entra na Editorial Bruguera.
    Os seus personaxes máis populares son, sen dúbida, Mortadelo e Filemón, dos que leva máis de corenta anos escribindo historietas. Outros tamén moi coñecidos son O Botóns SacarinoPepe Gotera e OtilioRompetechos ou 13, Rue do Percebe.
    As súas obras son coñecidas en todo o mundo, xa que sobre todo Mortadelo e Filemón está traducidos a numerosas linguas.



    10/3/11

    A prensa na escola


    Cinco boas razóns para levar a prensa á escola (Segundo a web Educación en Valores)

    1.O periódico é unha ferramenta única. Trata cada día infinidade de temas e é perfectamente adecuado para utilizar en calquera nivel, desde infantil ata bacharelato.
    2. Os xornais están ao día, axudan aos alumnos a informarse e a converterse en cidadáns responsables. Tenden unha ponte entre o mundo real e a aula.
    3. Os periódicos son motivadores e xeran actitudes positivas ante a lectura. Todo o mundo atopa no periódico algo que lle interesa e divirte.
    4. Os periódicos non só axudan aos alumnos a mellorar o seu nivel de lectura, senón tamén a facelo de forma crítica.
    5. Unha vez que os nenos aprenden a usar o xornal para obter información, teñen unha ferramenta imprescindible para toda a súa vida.



    28/2/11

    30 anos sen Álvaro Cunqueiro


    Álvaro Cunqueiro Mora, nado en Mondoñedo o 22 de decembro de 1911 e finado en Vigo o 28 de febreiro de 1981. 





    Foi un novelistapoetadramaturgoxornalista e gastrónomo, considerado un dos grandes autores da literatura galega.
    Foille adicado o Día das Letras Galegas en 1991.