21/12/18

FESTIVAL DE NADAL E VISITA DO APALPADOR


E xa chegamos ao final do 1º trimestre, todo estaba preparado para o gran día!.

O alumnado de 6º de Infantil, xunto coa súa titora Cristina Freán, prepararon unha dramatización moi especial do conto "O Apalpador e o arco da vella".
Tamén cantamos as panxoliñas que preparamos para este Nadal.
Tivemos a visita especial do noso particular Apalpador e por último disfrutamos  dunha pequena sesión de cine nas diferentes aulas.
Foi un día moi especial!
FELICES VACACIÓNS DE NADAL
 
NO BLOG DO NADAL PODEMOS VER OS VÍDEOS
CLICA NA IMAXE


https://nadal09-10.blogspot.com/2018/12/festival-de-nadal-e-visita-do-apalpador.html

20/12/18

O castiñeiro do Apalpador

Cal é a orixe do Apalpador? Por que un carboeiro do Courel decidiu dedicar a súa vida a sorprender cada fin de ano con pequenos agasallos?

Todo isto o descubrimos neste fermoso libro e na adaptación dramatizada que realizaron as nenas e nenos de 6º curso, xunto coa súa titora Rita Lamas.


NO VÍDEO PODEMOS VER A ACTUACIÓN 




19/12/18

O Apalpador e o arco da vella

Hoxe tivemos a visita dos usuarios da Residencia DOMUS VI de Viveiro que nos contaron o conto do Apalpador e o arco da vella de Xoán G.
Participamos todo o colexio e pasamos uns momentos moi agradables con todos eles.
Moitas gracias pola vosa visita.




18/12/18

AMBIENTAMOS O NOSO NADAL

Esta semana remata o primeiro trimestre e xa temos a ambientación de Nadal casi rematada. 
No seguinte vídeo podemos ver o Belén de Infantil e de Primaria, ás árbores de Nadal, as tarxetas de felicitacións... 
A comunidade educativa do colexio quere desexar un 

BO NADAL E FELIZ ANINOVO 2019

Aprendemos moitas cousas sobre CORREOS

https://www.correos.es/ss/Satellite/site/pagina-inicio/sidioma=gl_ES
 












O alumnado de Infantil, 1º e 2º curso, na Biblioteca do Colexio, tiveron  a visita de dúas carteiras, Loreto e Elisa Rapa, tía e nai de Antía de 2º e Adrián de 5º Infantil.
Elas levan moitos anos sendo carteiras do servizo de Correos.
Explicáronlles todo o procedemento desde que escribimos e enviamos unha carta ata a entrega e recepción do destinatario.
Fixeron moitas preguntas e aprenderon moitas cousas sobre este importante servizo de comunicación.
Moitas gracias ás dúas pola súa dispoñibilidade e atención hacia o noso alumnado.





16/12/18

Concerto de Nadal na Igrexa de Celeiro

O coro do colexio foi invitado a cantar na Igrexa Parroquial de Celeiro o domingo, 16 de decembro. Cantaron para as familias e veciños un programa cheo de vilancicos, panxoliñas e cancións e Nadal.
Difrutaron moito e foron moi aplaudidos polo numeroso público que asistiu a este pequeno concerto.


NOTICIAS NA PRENSA

LA VOZ DE GALICIA, A MARIÑA

14/12/18

Actividades especiais do colexio

O coro do colexio participou na tarde de onte no Mercado Solidario que organiza a Residencia DOMUS VI de Viveiro, tamén donamos lotes de tarxetas de Nadal feitas polo noso alumnado.
Foi unha tarde entrañable en familia; as nenas e nenos cantaron para os residentes que os escoitaron con moita atención e foron moi aplaudidos.
Tamén queremos publicar o vídeo da panxoliña inédita deste Nadal "Alo no Portal", con imaxes relacionadas coa ambientación do colexio. Con este vídeo participamos no concurso da CRTVG "A Canción do Nadal 2018".

13/12/18

Seguimos recollendo información

Ponte...nas Ondas! Información para irmos collendo forzas para comezar coa RADIO NA BIBLIO
http://pontenasondas.org/a-orixe/

http://pontenasondas.org/ponte-nas-ondas/

Colaboramos co Mercado Solidario


11/12/18

O emprego da radio na escola

A radio implica imaxinación, maxia, música, expresión, comunicación, coñecemento, diversión, reflexión e tamén tecnoloxía, novidade e realidade social.
Para máis información podemos ver a seguinte presentación de Javier Prado Espiñeira, membro do grupo REDE ESPORA:
http://espora.eu/
 
https://docs.google.com/presentation/d/1bWw9SvId-RLNRgG_-TMsdZ-hLcdH1IWRvQILmJjI5Iw/edit#slide=id.p

Nova doazón de libros

María Lago López, alumna de 6º de Primaria, fixo doazón de libros para a nosa biblioteca.
Moitas gracias a ela e a súa familia.

10/12/18

DÍA DOS DEREITOS HUMANOS

http://www.un.org/es/events/humanrightsday/
O Día dos Dereitos Humanos celébrase cada 10 de decembro, coincidindo coa data en que a Asemblea Xeral adoptou a Declaración Universal de Dereitos Humanos, en 1948. Este ano celebramos o 70º aniversario.

5/12/18

RADIO NA BIBLIO

Resolución da convocatoria do proxecto Radio na biblio, para centros públicos integrados no Plan de mellora de bibliotecas escolares no curso 2018/2019

O pasado mes de outubro solicitamos este proxecto para levalo a cabo dende a nosa Biblioteca; onte saiu a resolución e estamos seleccionados xunto con outros 29 centros de toda Galicia (entre eles o CEIP Plurilingüe de Covas).
O Programa Radio na Biblio semella un mosaico ben colorista de fermosas iniciativas onde o alumnado cobra un protagonismo especial, as nenas e os nenos modelan a súa competencia comunicativa en contextos multimedia ao tempo que enriquecen os seus proxectos de investigación con formatos audiovisuais.
Este trimestre está rematando polo que comezaremos a "poñernos nas ondas" para o vindeiro ano. Estamos moi ilusionados e quédanos moito traballo que facer para poñer en marcha o proxecto e realizar as nosas primeiras producións sonoras.

3/12/18

Apadriñamento Lector

Hoxe, o alumnado de 4º curso de Primaria, presentou o Apadriñamento Lector que estiveron preparando estas semanas. Prepararon os textos, a indumentaria, o atrezzo, decorados...
A obra elixida nesta ocasión foi o abra musical 
"Nun mercado persa" 
de Albert William Ketèlby.

É unha pequena composición escrita en 1920 onde  Ketèlbey tenta describir musicalmente o ambiente dun mercado de Bagdad.

A música describe sucesivamente:
  •     A chegada dos  camelleros e o paso  majestuoso das súas monturas.
  •     O canto dos esmoleiros.
  •     A chegada da Princesa.
  •     Os malabaristas e os encantadores de serpes.
  •     O paso solemne do Califa visitando o mercado.
  •     De novo o canto dos esmoleiros, a melodía da princesa e a caravana dos  camelleros afastándose, simbolizando o final do mercado no crepúsculo.

27/11/18

Saída ao Teatro


O alumnado de 2º e 3º curso, xunto coas súas titoras Angélica e Rosa, acuden hoxe ao Teatro Pastor Díaz de Viveiro para asistir á representación do espectáculo infantil "Contos do recreo" da compañía REDRUM TEATRO.

Continuando a temática de acoso escolar iniciada con "A meniña que quería navegar", a compañía presenta esta historia inspirada libremente en Conto de Nadal, de Charles Dickens. Nesta ocasión a protagonista é Alicia, unha moza que goza facéndolle a vida imposible as súas compañeiras, e que se verá inmersa nunha aventura que a cambiará para sempre. No recreo previo ao exame máis importante do curso chegará, coma se fose a protagonista do País das Marabillas, ata un máxico lugar onde habita Xacobe, o estrafalario bedel custodio da impoñente porta que coroa o lugar. Para poder saír de alí e chegar ao exame, Alicia terá que resolver os enigmas e superar os obstáculos que se esconden tras a porta dos recreos pasados, presentes e futuros. Aprenderá que a agresividade e a falta de empatía só conducen á infelicidade e a frustración, e que para poder quererse a si mesma e aos demais ten que desterrar esas condutas da súa vida.

26/11/18

Alumnado de 6º curso participa na charla sobre micromachismos

O luns, 26 de novembro, o alumnado de 6º curso de Primaria participou na charla sobre "micromachismos" impartida pola psicóloga do CIM de Viveiro, Ana Abad.
Na mesma realizouse unha dinámica de traballo en grupo nas que as nenas e nenos tiñan que identificar si había ou non  "micromachismo" en diferentes situacións:
  • Dicir que un home axuda nas tarefas do fogar...
  • Pensar que unha boneca non pode gustar ou ser un agasallo de neno...
  • Que as mulleres paguen menos ou entren gratis nas discotecas...
  • Empregar "Tocouche de niñera" cando un amigo queda ao coidado dalgunha persoa que o necesia...
  • Vestir a unha nena de rosa...
  • Dicir o guapa que está unha amiga... 
  • Ofrecer axuda a unha muller cun carriño de bebé a subir ou baixar as escaleiras...

24/11/18

DÍA INTERNACIONAL CONTRA A VIOLENCIA DE XÉNERO

Na actualidade, a violencia contra as mulleres e as nenas é unha das violacións dos dereitos humanos máis estendidas, persistentes e devastadoras do mundo.

Esta conmemoración foi aprobada pola Asemblea Xeral das Nacións Unidas o 17 de decembro de 1999, a proposta da República Dominicana, e co apoio de 80 países. 
No colexio traballamos cara á igualdade entre nenos e nenas, mulleres e homes, onde descartamos todo tipo de violencia.
Durante esta semana levamos a cabo varias actividades:
  • Lectura de libros para unha educación en igualdade
  • Elaboración de murais, debuxos...
  • Participación no acto convocado polo Concello de Viveiro a través do CIM (Centro de Información ás Mulleres) que tivo lugar o venres, 23 de novembro, no pavillón polideportivo de Viveiro. Neste acto participaron colectivos, colexios e institutos do Concello de Viveiro; en representación do noso colexio actuaron as nenas e nenos de primeiro curso cantando unha canción (Quiero ser feliz) e o alumnado de sexto curso dramatizou a canción de Rozalén "La puerta violeta". A continuación podemos ver o vídeo:

20/11/18

LUZ POZO GARZA, filla adoptiva de Viveiro

 A Biblioteca do CEIP de Celeiro faise eco da noticia tan importante para o noso Concello:
Dona Luz Pozo Garza foi nomeada FILLA ADOPTIVA DE VIVEIRO o domingo 18 de novembro nunha sesión que tivo lugar no Teatro Pastor Díaz de Viveiro.

Luz Pozo  Garza naceu en 1922 en Ribadeo, Lugo e é alí onde vive ata 1929 cando se traslada a súa familia a Viveiro, Lugo.
SEGUIR LENDO

MÁIS INFORMACIÓN:

Viveiro volcouse no nomeamento de Luz Pozo (La Voz de Galicia)

«Viveiro, Viveiro, Viveiro...! Canto te botei de menos naqueles anos!» (La Voz de Galicia)

VÍDEO  DE

Publicado el 19 nov. 2018



19/11/18

Traballamos os Dereitos da Infancia

O martes, 20 de novembro, celébrase o Día Internacional dos Dereitos da Infancia, por iso nas aulas as nenas e nenos farán diferentes actividades para lembrar esta data. Poderán consultar os libros e traballos que están expostos no recuncho do corredor e que nos falan dos mesmos.

Durante a semana, na Hora de Ler, o alumnado de Valores de 6º curso fará un Apadriñamento Lector aos diferentes cursos de Infantil e Primaria. Lerán "O lapis máxico de Malala", con el poderán reflexionar sobre os Dereitos dos Nenos e das Nenas.
Tamén poderemos visualizar o vídeo que preparamos sobre este mesmo libro.

Tamén podemos atopar moita máis información nesta páxina da BIBLIOSOÑOS
e no BLOG DOS DEREITOS DA INFANCIA
https://sites.google.com/site/traballardereitosnenos/

18/11/18

Día Universal da Infancia

https://www.unicef.es/causas/derechos-ninos/dia-internacional-nino

O Día Universal da Infancia, que se celebra todos os anos o 20 de novembro, é un día dedicado a todos os nenos e nenas do mundo.

É un día de celebración polos avances conseguidos, pero sobre todo é un día para chamar a atención sobre a situación dos nenos máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.  

UNICEF traballa todo o ano para conseguir cambios reais na vida dos nenos e as nenas, e o Día Universal do Neno é un momento clave para sumarnos a este chamamento mundial a favor da infancia e dos nenos máis vulnerables.  MÁIS INFORMACIÓN AQUÍ

15/11/18

MAGOSTO no colexio

Neste precioso día de outono fixemos o xa tradicional MAGOSTO no noso colexio.
As nenas e nenos trouxeron un montón de castañas que Antonio e Lorenzo asaron con moito esmero e logo degustamos todos xuntos.
Logo de comer e beber fixemos 9 grupos  (con nenas e nenos de diferentes cursos) para xogar  ao Relevo de Castañas, Petanca, Castagolf, Castaña Cega, Mariola, Comecastañas, Pescacastañas, Castaña Dance e Laberinto.


NO SEGUINTE VÍDEO PODEMOS VER UN RESUMO DA FESTA

14/11/18

Saída cultural do alumnado de 3º e 4º de primaria

Na mañá do mércores, 14 de decembro, o alumnado de 3º e 4º curso de primaria, xunto coas súas titoras Rosa Blanco e Xulia Calvo, acompañadas do tamén profesor Vicente Míguez, acudiron á Lonxa de Celeiro onde visitaron todas as instalacións e asistiron a unha subasta de peixe. 
Tamén visitaron as instalacións do Heliporto Costa Norte onde observaron os materiais que utilizan no salvamento marítimo, o helicóptero e lles explicaron como realizan os rescates no mar.





8/11/18

Exposición dos REFRÁNS DO OUTONO


Rematado o prazo para traer os traballos da procura de REFRÁNS DO OUTONO, que convocou o Equipo de Dinamización da Lingua Galega (EDLG) e maila Biblioteca Escolar, agora toca ver a exposicións dos mesmos.
Temos que felicitar ás nenas e nenos que participaron pois fixeronno moi ben!




Unha nova doazón

Virginia Jiménez, mestra do noso colexio, fixo doazón do libro 
¡Mal tiempo! de Helen Young.
Que é un alude? Son moi destrutivos os tornados? Como se forman os furacáns? Cambiou o clima ao longo dos séculos? Que é a choiva aceda? E o efecto invernadoiro? Estas son algunhas das cuestións que trata este fermoso libro de Ciencias.

5/11/18

Novembro, Mes da Ciencia en Galego nas Bibliotecas - 2018

Artigo importante recollido no Blog das
BIBLIOTECAS ESCOLARES DE GALICIA
Clica na imaxe para ler toda a información
http://www.edu.xunta.es/biblioteca/blog/?q=node/1151
Algúns recursos dispoñibles para estimular o achegamento á ciencia en galego, en novembro e durante todo o ano, na biblioteca escolar. 

EXPOSICIÓN DE LIBROS DE CIENCIA


31/10/18

Celebramos o Samaín

O alumnado de Infantil, 1º e 2º curso, para celebrar o Samaín, fixeron moitos traballos nas aulas e tamén en colaboración coas familias.
No seguinte vídeo podemos ver os mesmos e tamén a sesión de contos na biblioteca e a festa no ximnasio do alumnado de Infantil.

SESIÓN DE CONTOS NA BIBLIOSOÑOS
Na mañá do día 31 de outubro o alumnado de Infantil participou dunha SESIÓN DE CONTOS DE MEDO na Bibliosoños, na mesma participaron as mestras:

María Pérez: A bruxa Endunda










Ana Lago: ¡Cómo mola tu escoba!
Cristina Freán: Pesadilla antes de Navidad

Para traballar en familia




27/10/18

APRENDEMOS CO SAMAÍN

https://www.edu.xunta.es/espazoAbalar/sites/espazoAbalar/files/datos/1399630174/contido/o_samain.html

26/10/18

Un día con actividades diferentes

O venres, 26 de outubro, o alumnado de 6º curso, recibiu unha charla informativa sobre o ACOSO a cargo de Pablo Rodríguez González, Delegado de Participación Ciudadana.
Esta charla está enmarcada dentro do: 
O Plan, impulsado desde Delegación do Goberno en Galicia e a Alta Inspección de Educación, ofrece aos centros docentes a posibilidade de solicitar charlas informativas/formativas sobre temáticas como: acoso escolar, drogas e alcol, violencia de xénero, novas tecnoloxías, bandas xuvenís, etc.; charlas impartidas por persoas expertas das Forzas e Corpos de Seguridade do Estado e dirixidas ao conxunto da comunidade educativa (alumnado, profesorado, familias)

Despois do recreo, o alumnado de 5º e 6º curso acudiron ao Teatro Pastor Díaz de Viveiro para ver unha representación teatral encadrada no I Certame de Teatro Feito por Persoas con Diversidade Funcional "Superarte".

Nova doazón de libros

Nesta ocasión Noa de 4º curso fixo entrega de dous libros para a Bibliosoños.


25/10/18

Día de Celebración

Na mañá do mércores, 24 de outubro, na Bibliosoños e divididos en varios grupos, realizamos diferentes actividades:
No seguinte vídeo recóllese un pequeno resumo das diferentes sesións e traballos realizados previamente. 

Entrevista realizada polo alumnado de 5º curso a XOÁN NEIRA

23/10/18

VÍDEOS CONMEMORATIVOS

Para conmemorar o Día da Biblioteca Escolar elaboramos uns vídeos que combinan poesía, música e linguaxes diversas (debuxo, linguaxe con pictogramas, linguaxe de signos).

4º curso, POEMA: OUTONO de Xoán Neira
5º curso, POEMA: O MAGOSTO de Xoán Neira
6º curso, POEMA: O RATO DE BIBLIOTECA de Xoán Neira.


Encontro literario co poeta XOÁN NEIRA

O mércores, 24 de outubro celebramos
O DÍA DA BIBLIOTECA ESCOLAR
FALARÁ PARA O ALUMNADO  DE 4º, 5º E 6º CURSO
O POETA XOÁN NEIRA LÓPEZ

 O POETA FALA EN PRIMEIRA PERSOA
Nacín en Lugo, na parroquia de Meilán, alí nas beiras do pai Miño pasei a miña infancia feliz.
Fun primeiro a unha escola unitaria, unha daquelas de pao e tente teso.
Alí paseino moi mal, pero aos dez anos ingresei no instituto masculino e a cousa mellorou moito, rematei os estudos de maxisterio na cidade amurallada. Era un estudante aplicado.

Despois emigrei ao Sur, a Sevilla concretamente, onde aprobei as oposicións e comecei a exercer de mestre. Estiven cinco anos e polo ano 82 cheguei a Viveiro, así que xa me considero un viveirés máis.
Cando eu era pequeno apenas había libros infantís había, iso sí, libros de texto, tochos grosos, grandes enciclopedias como a Álvarez, con moita letra pequena e poucas ilustracións. As miñas primeiras lecturas foron: A illa do tesouro de Stevenson, que o debín de ler unha ducia de veces, Memorias dun neno labrego de Xosé Neira Vilas e xa despois Os soños na gaiola de Manuel María.
As miñas lecturas necesarias chegarían máis adiante, lembro El rayo que no cesa de Miguel Hernández, proporcionado polo profesor Alonso Montero, coma un dos primeiros libros impactantes nos meus tempos xa mozos.
Escribía cousas para mín, para ter gardadas, pero non me decidía a publicar, a perder o pudor, tal vez o feito de gañar o certame Meigas e Trasgos de Sarria e o de que meu irmán, Manuel Xosé Neira, xa levaba tempo escribindo, animoume.
Fun polo tanto un escritor un pouco tardío, empecei a publicar perto dos 40 anos.
Escribo para adultos e para neno@s. Para adultos publiquei Memoria e Soño, Nas varandas do abrente, Ás catro augas e Linguaxes (en colaboración con Otero Regal) e para nen@s comecei con Recreos que musicou Manuel Rodríguez e despois viñeron Xiz de Cor, Farrapos de nube, No cubil da lúa, Un niño no xardín, Chafarís, Gaiola Aberta e polo medio tamén houbo un contiño escrito a dúas mans con Vicente Míguez Coñece Celeiro, porto punteiro” .
Recibín varios premios que tamén me animaron a continuar neste mundo da literatura e … aquí sigo feliz agora neste Viveiro alegre, aquí na miña casa do Paraíso coidando o xardín, ensinando aos nen@s e escribindo versos.

Eu animovos a que escribades, é algo marabilloso, así poderedes vivir cantas vidas queirades, as que a na nosa curta existencia non nos permite. Pero para escribir hai que ler moito.

22/10/18

Esta semana estamos de celebración

O mércores, 24 de outubro, celebraremos o DÍA DA BIBLIOTECA  e como tódolos anos faremos actividades especiais:

·         ACTIVIDADES PREVIAS
  • Elaboración e exposición de Marcapáxinas

  • Exposición Libros Novos
  • Libro “Poemas para o outono”
  • Outros traballos nas aulas: murais, poemas, debuxos, cancións…

·         SESIÓN PARA INFANTIL
o   Ás 9:15 entrada na Bibliosoños
o   Que celebramos hoxe…?
o   Visualización no Blog “Os nosos traballos” das entradas dos murais e marcapáxinas.
o   Visualización dos vídeos conmemorativos:
OUTONO (4º curso)
O MAGOSTO (5º curso)
O RATO DE BIBLIOTECA (6º curso)
o   Lectura de poemas por parte do alumnado de 2º curso

·         SESIÓN PARA 1º, 2º e 3º CURSO
o   Ás 10:00 horas aprox. Entrada na Bibliosoños
o   Que celebramos hoxe…?
o   Presentación do libro “POEMAS PARA O OUTONO”
o   Entrega de agasallos pola participación
o   Visualización dos vídeos conmemorativos:

·         SESIÓN PARA 4º, 5º  e 6º CURSO
o   Ás 12:00 horas entrada na Bibliosoños
o   ENCONTRO LITERARIO co poeta Xoán Neira.
o   Lectura de poemas por parte do alumnado seleccionado.
o   Se da tempo, despois do obradoiro, visualización dos vídeos conmemorativos:
       


20/10/18

Novas doacións de libros

Nesta ocasión doaron libros á BIBLIOSOÑOS
  • Ana Fraga
  • Alonso Garrote
Agradecemos ás familias este xesto tan altruista e tan importante na educación dos seus fillos.

Poéticas Diversas na Biblioteca Escolar


POÉTICAS DIVERSAS NA BIBLIOTECA ESCOLAR é o lema que a Consellería de Educación, Universidade e Formación Profesional  propón ás bibliotecas escolares para o curso 2018/2019, como chiscadela para descubrir a poesía que nos rodea, apoiádonos nos recursos e nas posibilidades da biblioteca escolar. Nuria Díaz foi a ilustradora convidada a interpretar este lema e a compoñer este fermoso cartel que, en breve, estará xa en todos os centros educativos galegos.

Poéticas diversas convida a asolagar as aulas de poesía, a tratar con poetas, a perderlle o medo á metáfora, a xogar coa palabra e coa imaxe até obter todo o seu zume, a coñecer a excelente e variada creación poética galega destinada a todas as idades, a permitir que o alumnado galego poña voz e dea vida á tradición lírica galega, á poesía de Rosalía e de todas e todos os poetas que foron e son.  

15/10/18

Achégate ao GAGAPIT!

O GAGAPIT é un deporte  de ritmo rápido que se xoga nun foxo octogonal.
Cantos máis xogadores, mellor! 
Xógase cunha pelota de escuma suave e combina as habilidades de esquivar, golpear, correr e saltar, mentres trata de tocar aos opoñentes por debaixo dos xeonllos coa pelota . Os xogadores deben seguir movéndose para evitar ser tocados. 
É divertido e fácil de aprender a xogar tanto para as persoas que xogan como as que miran. 
Fomenta:
  • Inclusividade; exercicio; creatividade;  igualdade de xénero; autoestima porque non se dañan emocionalmente (as nenas e nenos non choran ou enfadan cando perden e teñen que saír do octógono); non hai idade para xogar (a calquera idade, altura ou destreza pode xogar ao mesmo tempo e ter a mesma oportunidade de participar e poder gañar).
  • A actividade física axuda a construír as función executivas: atención, autocontrol, pensamento flexible, toma de decisións, impulsividade...


11/10/18

Rematamos as Sesións de Formación de Usuarios

Durante esta semana os diferentes cursos foron pasando pola Bibliosoños para recibir unha Formación de Usuarios, tamén entregamos os carnés, as Mochilas Viaxeiras, as Bolsiñas para Infantil, repasamos as normas, a distribución da Biblioteca e xa empezamos a preparar actividades para este tempo de outono.



4/10/18

FORMACIÓN DE USUARIOS NA BIBLIOTECA

Na semana do 8 ao 11 de outubro levaremos a cabo varias sesións de Formación de Usuarios na BIBLIOSOÑOS.
Luns 8 a 3ª hora: 1º e 2º curso.
Martes 9 a 2ª hora: Infantil
Martes 9 a 4ª hora: 5º e 6º curso.
Xoves 11 a 5ª hora: 3º e 4º curso 
  • Bolsiñas "Libros que van e veñen"
  • Mochilas Viaxeiras
  • O PAPAGAIO (Xornal da xente miúda)
  • Proxecto ELBE.2
  • Participación nas diferentes actividades que propón a Bibliosoños
    • 1ª proposta: POEMA relacionado co outono.

    • 2ª Proposta: Aprendemos a canción O RATO DE BIBLIOTECA

    •  3ª Proposta: Elaboración de vídeos con poemas musicados
      • 4º curso: con DEBUXOS "OUTONO" de Xoán Neira.
      • 5º curso: con PICTOGRAMAS "MAGOSTO" de Xoán Neira.
      • 6º curso: con LINGUAXE DE SIGNOS "O RATO DE BIBLIOTECA" de Xoán Neira.