19/12/12

Actividades especiais polo Nadal

Estes días no cole estamos a preparar todas as actividades que polo Nadal máis nos gustan:
  • Cantar panxoliñas.
  • Recitar poesías.
  • Facer teatro.
  • Ver cine...
Todo o colexio está moi animado!
Todas estas actividades poderemos velas despois no Blog do Nadal

Lecturas para o Nadal

Como recomendación de lectura para o Nadal presentamos este fermoso libro que a Rede de Dinamización Lingüística preparou con fermosos discursos redactados por 25 escritoras.

14/12/12

Exposición do concurso de Postais e Poesía

Estas son as postais e poesías que se presentaron ao concurso convocado pola ANPA. Son uns traballos moi fermosos. Moita sorte! e xa sabedes que os premios serán entregados o xoves, 20 de decembro, ás 20:00 horas, na Casa do Forno.

13/12/12

Festival de Nadal na Casa do Forno

No colexio estamos a preparar un Festival de Nadal para actuar na CASA DO FORNO. Nas seguintes presentacións podemos ver o cartel e máis o programa de man.


10/12/12

Día Internacional dos Dereitos Humanos

Clica na imaxe para ver unha presentación feita por alumnos do IES de Teis coa profesora Ana Rúa.

Vídeo da Mensaxe de Navi Pillay, Alta Comisionada das Nacións Unidas para os Dereitos Humanos.




MÁIS INFORMACIÓN NESTA PÁXINA

3/12/12

Máis libros para a Bibliosoños

No mes de decembro a Bibliosoños tamén recibe estes fermosos libros.

1/12/12

Concurso para o Nadal

CERTAME DE POSTAIS E POESÍA
NADAL 2012

Con motivo das festas do Nadal a
ANPA do CEIP “Antonio Pedrosa Latas”

CONVOCA os concursos de:
  • POSTAIS para Infantil - Primaria
  • POESÍA para o 2º e 3º Ciclo de Primaria.
BASES
1ª) Para o Concurso de postais:
as técnicas e materiais de traballo a empregar son libres.
Para o Concurso de poesía:
Tamén queda a libre elección dos alumnos/as.
2ª) Cada traballo FIRMARASE cun pseudónimo pola parte traseira, indicando tamén o curso a que pertence e será entregado na Secretaría do Centro antes do venres, 14 de decembro.
3ª) Outorgarase un premio por curso para cada unha das especialidades.
4ª) Todos os traballos serán expostos na Casa do Forno de Celeiro. Os premios entregaranse no acto que se celebrará o xoves, 20 de decembro onde tamén actuarán a Agrupación Instrumental e o grupo de Teatro do Colexio


24/11/12

25 de novembro

 Coa literatura podemos contribuir á educación en valores para erradicar esta lacra da sociedade actual. 


Esta guía, que é unha continuación da realizada no ano 2004, foi elaborada pola Asociación Galega do Libro Infantil e Xuvenil de Galicia (GALIX), a instancias da Secretaría Xeral da Igualdade e a Consellería de Educación, a través do seu Seminario Permanente de Educación para a Igualdade. Trátase dunha relación de 50 obras da literatura infantil e xuvenil en galego, destinadas aos nenos e as nenas de entre 0 e 18 anos. Tal e como se nos explica na súa Presentación e Limiar, faise unha escolma daquelas obras máis significativas da literatura infantil e xuvenil en galego nas que se recolle claramente o valor da igualdade entre nenas e nenos, o protagonismo feminino ou a ruptura con esquemas preestablecidos e xa caducos en relación con aptitudes e comportamentos marcados polo sexo das persoas protagonistas. Dirixido fundamentalmente aos mediadores e mediadoras, o documento estrutura as lecturas en grupos de idade, resume as temáticas máis interesantes de cada obra relacionadas coa educación e, para saber máis, propón obras relacionadas que lle permiten á persoa lectora afondar na temática elexida. 

 Para acceder ao documento en pdf premer na imaxe. 

 


19/11/12

Celebramos o día dos Dereitos dos Neno@s

Como cada 20 de novembro, na Bibliosoños celebramos o Día dos Dereitos dos Nenos e Nenas ou Dereitos da Infancia que son aqueles que posúen os nenos, nenas e adolescentes polo simple feito de nacer. Son inalienables, irrenunciables, innatos e imprescindibles para unha boa infancia. 
 

No Blog Dereitos da Infancia podemos atopar moita máis información.

15/11/12

Refraneiro sobre O MAR

Un refraneiro é un conxunto ou recompilacións de refráns baseados nas reflexións da sabedoría popular.
Este ano como estamos a traballar no proxecto sobre O MAR fixemos unha selección dos máis coñecidos na zona da Mariña.

31/10/12

Festa no colexio

 día 31 de outubro celebramos varias festas no colexio:
  • Pola mañá o Halloween e o Samaín.
  • Despois do recreo comimos castañas do noso Magosto.
  • Viñemos disfrados de esqueletos, bruxas, demos, cabazas...  Pasámolo moi ben! 


 
 

26/10/12

Sesión de contacontos no colexio

A Compañía de Teatro "Os Quinquilláns"  visitan o noso colexio para contarnos "A verdadeira historia de Artur e Morgana".
Moitas gracias pola vosa visita!
Con esta actuación queda inaugurado o novo escenario do salón de actos do colexio.



24/10/12

Día especial da Biblioteca Escolar

Hoxe, día 24 de outubro, celebramos con actividades especiais o Día da nosa Biblioteca.
Os alumnos de 1º curso, xunto coa súa profesora Rebeca Palmeiro, prepararon a dramatización do conto Nadarín, de Leo Lionni.
Despois, no blog da Bibliosoños, vimos o apartado adicado ás actividades que levamos facendo durante este mes de outono e cantámoslle as cancións que aprendimos sobre O MAR: Nadando sen parar e Glu, Glu, Glu.


23/10/12

No mes das Bibliotecas Escolares

Estes días na Bibliosoños os diferentes cursos están a traballar nas páxinas de recursos que temos no blog da Bibliosoños:

TRABALLOS DE CREACIÓN PROPIA

Formación de usuarios na Bibliosoños

Dentro do Proxecto Integrado  sobre O MAR,  os alumnos do 2º e 3º ciclo están visualizando uns Vídeos que elaborou o ex alumno Adrián Míguez e o profesor Vicente está a explicar o seu contido. 

Podemos velos neste enlace 

Tamén estamos recordando as diferentes cancións que lle adicamos á nosa mascota, Rufo e á Bibliosoños.

Podemos ver os vídeos nesta páxina 

 


22/10/12

Libros da editorial OQO

Este curso imos seguir recibindo as novidades da editorial OQO.
Acabamos de recibir a colección Conto cinco sentidos.
Clicade na imaxe para ter máis información.

19/10/12

Exposición dos Marcapáxinas

Como todos os anos, dende a Bibliosoños, convocamos a todos os alumnos a elaborar os Marcapáxinas con motivo da celebración do Día da Biblioteca.
Xa están rematados e expostos ao longo das escaleiras.
Este ano o tema está relacionado co Mar.

Traballos dos alumnos de 6º curso

Os alumnos e alumnas de 6º curso, despois de traballar nunha sesión de Formación Documental na Biblioteca, elaboraron uns traballos sobre o outono e a Festa do Magosto.
Son traballos pequenos pero que transmiten o aprendido sobre a búsqueda de información  e documentación.
Animádevos e a seguir traballando!.


11/10/12

Montaxe da exposición "O MAR"



Este martes, día 9 de Outubro, montamos a exposición permanente O MAR.
Para levala a cabo contamos coa inestimable colaboración dos exalumnos e irmáns Suso e Toni Fernández Fernández, naturais de Celeiro, bandeira dos colaboradores sempre implicados en todo tipo da actividades referente á cultura e difusión da marca Celeiro.
O material fotográfico foi cedido polo Seminario de Estudos “Terra de Viveiro”, con imaxes do seu arquivo e do fotógrafo Xavier Lombardero.

A mostra preséntase na entrada principal do colexio. 
Na parte esquerda pretendemos representar a réplica dunha chabola cos aparellos propios necesarios para a pesca: redes, agullas de coser o aparello, remos, risón… así coma unha retrospectiva con imaxes da actividade pesqueira nas súas variadas artes: cerco, arrastre, bonito…
Na parte dereita expóñense as roupas de augas e de salvamento marítimo, ademáis dos aparellos relativos á navegación, comunicación e pesca: alidada, compás, sestante, radar, sonda, bitácora, libro de navegación coas páxinas de acaecimentos…
Complétase a exposición cunha mostra de bivalvos e crustáceos do noso litoral e todo ilustrado con fotografías da memoria colectiva mariñeira do noso porto.
Dende o Centro invitamos ás familias a visitar esta exposición.



Dentro do proxecto O MAR están programadas as visitas a un barco do arrastre, a un mercante, explicación práctica de especies mariñas, así coma unha viaxe-excursión ao Parque Nacional das Illas Atlánticas con visita ao Museo da Fundación Massó. Contaremos coa colaboración dos profesionais do mar Andrés Díaz Ferro, Capitán da Mariña Mercante e Práctico de Porto, José Pino González, Capitán de Pesca e José Míguez Fernández, xefe de cancha de Puerto Celeiro S.A.

10/10/12

Hoxe as Mochilas empezan a viaxar

No mes de outubro preparamos moitas actividades para celebrar o Mes das Bibliotecas Escolares. 
Hoxe fixemos entrega dos carnets de Biblioteca aos alumnos de primaria e tamén puxemos en marcha as 
MOCHILAS VIAXEIRAS...BOA VIAXE! 

9/10/12

Chegou á Bibliosoños "El ratoncito Pérez"

Hoxe chegou á Bibliosoños este fermoso libro.



3/10/12

Traballos documentais

Os alumnos e alumnas de 6º curso están elaborando murais sobre a temática do mar.
Óscar Canoura xa entregou o seu traballo que se pode ver na seguinte presentación

2/10/12

Refráns do outono

Esta recompilación de refráns do outono foi elaborada no CEIP Esteiro de Ferrol

 

1/10/12

Infantil na Biblioteca

Como xa nos chegaron as novas bolsas para levar os libros para a casa, todos os alumn@s de Infantil participaron nun acto onde as profesoras lles explicaron todo o procedemento para levar os libros da Bibliosoños e como teñen que cuidar as bolsiñas azuis.
Tamén tiveron tempo para escoitar e ver os vídeos da última canción para a Biblioteca e unha sesión de contacontos da profesora Cristina.

26/9/12

Plan de Mellora de Bibliotecas Escolares

O DOG publica hoxe, 26 de setembro, a resolución definitiva da convocatoria do Plan de Mellora de Bibliotecas Escolares para o curso 2012/2013. Son xa 504 centros os que integran esta Rede de Bibliotecas Escolares de Galicia, espazos imprescindibles para a lectura, a información e a aprendizaxe.

23/9/12

Xa estamos no outono!!!

Xa entramos na estación do outono e xa sabedes que a Bibliosoños ten un blog especial
Entrade nel e atoparedes moitas actividades e vídeos que vos gustan.

20/9/12

Exposición de libros sobre O MAR

No expositor de libros do corredor presentamos unha morea de libros que nos falan do mar, o proxecto integrado que imos a traballar este curso. Podedes ir ollándoos!!!


16/9/12

Importante artigo do Blog BIBLIOTECAS ESCOLARES

Biblioteca escolar, acelerador de innovación

As bibliotecas escolares galegas viviron importantes transformacións nos últimos anos, grazas ao esforzo conxunto de comunidades educativas e administración, nunha tarefa que ten como finalidade ofrecer máis e mellores instrumentos ao alumnado para a súa formación académica e persoal. Estas transformacións non foron só físicas (moito profesorado afirma que a biblioteca é o espazo máis fermoso do seu centro); o cambio máis importante é o que se produce no centro educativo cando a biblioteca se activa, porque arredor das súas propostas e dos seus recursos, da actividade que xenera e os apoios que presta, botan a andar (ou cobran forza, asentándose) dinámicas de traballo diferente, prácticas pedagóxicas máis activas, propostas máis colaborativas, proxectos ilusionantes que axudan a construír coñecemento e a construír comunidade tamén. As bibliotecas, ao renovarse e activarse, confírmanse como aceleradores de innovación, de innovación educativa.
Con este lema, Biblioteca escolar, acelerador de innovación, preséntase o cartel que neste curso 2012/2013 edita a Consellería de Cultura, Educación e Ordenación Universitaria, co gallo da celebración do mes da biblioteca escolar (outubro) e do Día da Biblioteca (24 de outubro) e que chegará aos centros en datas próximas. Nesta ocasión, a ilustración correspondeu ao creador galego Andrés Meixide,  que vén sumarse así aos ilustradores que teñen colaborado con esta consellería no obxectivo de difundir as posibilidades da biblioteca escolar (Manuel Mariño/2008, Miguelanxo Prado/2009, Marina Seoane/2010, Emma Ríos/2011)

12/9/12

BENVID@S

Ola!, Benvid@s a este novo curso!
Que tal ese verán lector?.
Eu lin un montón de libros e estiven moi ocupado buscando libros e actividades para traballar este ano. Os vosos profesores e profesoras xa vos irán informando sobre o proxecto para este curso, imos a traballar e aprender moitas cousas sobre O MAR.
A partir de hoxe xa podedes vir á Bibliosoños. É moi importante que recordedes as normas e veñades con moitas ganas de ler!

21/8/12

22/6/12

Teatro dos alumnos de 5º curso

Como fin de curso os alumnos e alumnas de 5º curso, xunto co seu profesor Antonio Ferreiro, prepararon unha adaptación da obra Menciñeiro a paus de Molière.
Fixéronno estupendamente!


MINIOLIMPIADAS 2012 no colexio de Celeiro

O venres, 22 de xuño, o colexio celebrou unhas Miniolimpiadas como remate de final de curso.
Todos os alumnos e alumnas formaron parte das seguintes Seleccións:
ESPAÑA, MARROCOS, EE.UU., XAPÓN, CHINA, BRASIL E REINO UNIDO.
Os equipos participaron nos seguintes xogos:
  • FÚTBOL
  • HOCHEY
  • XAVELINA
  • CIRCUITO EQUILIBRIO
  • ENCESTOS
  • CARREIRAS

21/6/12

Un día con moitas actividades

Hoxe xoves, 21 de xuño, foi un día  moi especial con actividades moi emotivas tanto para os mestres/as coma para os alumnos/as.
  • E, por último, xuntamos todas as tapas e tapóns que estivemos recollendo, en colaboración con todas as familias, para o Proxecto "Mans, por man". Gracias a todos por colaborar nesta labor. 

20/6/12

Educación en valores

Os alumnos e alumnas de 6º curso prepararon a dramatización do libro Orellas de bolboreta coas profesoras Rebeca e Virginia, despois contáronllo aos demais compañeiros do colexio.

Tradutor/a: Manuela Rodríguez
Escritor/a: Luísa Aguilar
Ilustrador: André Neves
Ed. Kalandraka Editora,
2008 | Infantil-Xuvenil

 

-Mara é unha orelluda!
-Mamá, ti cres que son unha orelluda?
-Non filla, tes orellas de bolboreta.
-E como son as orellas de bolboreta?
-Pois son orellas que revoan na cabeza e pintan de cores as cousas feas.

Ter as orellas grandes, o pelo rebelde, ser alto ou baixo, fraco ou regordecho...pode ser motivo de parodia entre uns nenos e outros. Por iso cómpre un libro que lles demostre a todos, tanto aos que dan como aos que reciben algún comentario despectivo, que eses comportamentos son reprobables.
E especialmente aos que son sinalados polos demais, a mensaxe que lles transmite este relato é que convidan en positivo aquilo que para outros sexa motivo de mofa. Porque as características que nos diferencian dos demais hai que poñelas en valor para que nos distingan como seres especiais e únicos. Porque recoñecer e mesmo reivindicar a diferenza fainos fortes, aceptándonos como somos e reforzando a nosa personalidade. É o primeiro paso para aprender a rir dun mesmo...
Luisa Aguilar amosa unha gran sensibilidade neste texto sinxelo e cheo de forza literaria, que transporta o lector a un mundo de formas, cores, emocións e sentimentos. A figura materna destaca como referente vital da protagonista, que contesta a cada comentario dos nenos seguindo as indicacións da súa nai: o que para outros é un defecto, para Mara é unha vantaxe da que os demais carecen.