21/12/16

O NADAL NO COLEXIO DE CELEIRO

http://nadal09-10.blogspot.com.es/2016_12_01_archive.html

CLICA NA IMAXE DO NOSO BELÉN
PARA ENTRAR NO BLOG DO NADAL
ONDE ATOPAREDES TODO O QUE FIXEMOS ESTE NADAL

TEATRO POLO NADAL


Trinta e dous nenos e nenas compoñen o Grupo de Teatro Escolar de Celeiro, dirixido polo mestre Vicente Míguez.
Este ano no Festival de Nadal  representarán a obra titulada FAITE DE PAZ.
En catro actos escenificarán mensaxes de paz e solidariedade, bens escasos que sempre se deben fomentar, e moi apropiadamente en tempo de Nadal.
O Obradoiro de Teatro vén ensaiando todos os luns as obras que se representan tamén a fin de curso no colexio e, para os pais, no Centro Sociocultural da Casa do Forno, onde, ao igual que en anos anteriores, o vindeiro domingo 8 de Xaneiro de 2017  participarán nunha representación de carácter solidario.

16/12/16

Información sobre o Apalpador

Quen é o Apalpador?

O vello Apalpador, tamén chamado en zonas Apalpabarrigas, ou Pandegueiro en partes do oriente ourensán, é unha figura lexendaria galega que achega os agasallos ás nenas e nenos polas datas de Nadal. Até os nosos días amósase como un xigante que baixaba das devesas e apalpaba as súas barriguiñas. Se estaban cheas dicía: «Así, así esteas todo o ano» e deixáballes unha presa de castañas. Senón calaba, pero deixáballes tamén as castañas.

Os nenos e nenas de 5º de Infantil fixeron un traballo moi interesante 
para aprender cousiñas sobre o Apalpador.



http://www.apalpador.com/

Na Bibliosoños temos o libro que escribiu Xoán G.
Clica na imaxe
http://pt.calameo.com/read/0004295847fa5af1395b5

10/12/16

Día dos Dereitos Humanos

O Día dos Dereitos Humanos celébrase todos os anos o 10 de decembro. Conmemórase o día en que, en 1948, a Asemblea Xeral das Nacións Unidas aprobou a Declaración Universal dos Dereitos Humanos.


9/12/16

CERTAME DE POESÍA INFANTIL

Dende a Biblioteca do noso centro poñemos en coñecemento das familias a convocatoria do

  • CERTAME DE POESÍA INFANTIL "NADAL 2016" (Fase local)

LIBROS PARA O NADAL



8/12/16

Dous fermosos libros en edición bilingüe

 Dous fermosos libros para a aula de inglés.

Autor: R. Lewis

A historia dun poliño en busca da súa identidade, que nos leva a aprender os animais da granxa e o vocabulario en inglés e español. Ideal para lectores de educación infantil.







O gato deste conto emprenderá unha viaxe espacial e ensinaranos que a lúa ten diferentes fases. Unha historia divertida recomendada para educación infantil

7/12/16

Calendario para o ano 2017

Xa está rematado o calendario que fixemos para o ano 2017!!!
Este ano estamos a traballar a pintura e dentro dela o estilo impresionista; por iso pareceunos que sería interesante vincular o calendario ao proxecto. Entón cada páxina do mes contén un cadro co seu título e autor e como foto principal a representación do mesmo polo alumnado dos diferentes cursos.
Agora os alumnos e alumnas de 5º e 6º curso están coa venta dos mesmos, polo que durante estas semanas, ata rematar o trimestre, poden pasar a recoller tanto os reservados como os non reservados ata que se acaben as existencias. Todo o recaudado empregarase para a excursión de fin de curso.


1/12/16

Libros novos na BIBLIOSOÑOS

No mes de novembro tivemos a visita de moitas editoriais e distribuidores de libro:
  • ANAYA
  • CONSORCIO EDITORIAL GALEGO
  • BULULÚ
  • EDITORIAL NOVA GALICIA
  • TOP LIBROS
  • PORTA DA VILA
Trouxéronnos moitos libros para ollar e escollimos moitos deles para a Biblioteca. Agora toca rexistralos e catalogalos.
Pouco a pouco iremos expoñéndoos no rincón das exposicións para que os  poidades ver, logo entrarán na biblioteca, colocarémolos nas súas respectivas estanterías, a partir dese momento xa os poderedes levar ás vosas casas.



25/11/16

Apadriñamento lector

Continuamos co proxecto de APADRIÑAMENTOS LECTORES que comezamos o curso pasado.

O apadriñamento lector é un proxecto de animación e fomento da lectura. Consiste en que alumnos e alumnas de cursos diferentes se constitúen en padriños ou madriñas para compartir momentos de lectura.
Con esta actividade preténdese principalmente a mellora dos diversos contidos da lectura, pero ademais contribuirá a desenvolver as relacións interpersoais dos alumnos do centro e o achegamento entre nenos de idades diferentes.

Nesta ocasión son os nenos e nenas de 2º curso que, xunto á súa mestra Angélica, prepararon o conto: "A NENA SEN NOME"  de Marina Chapman.
Ademais prepararon un audio conto no que se recollen os seus debuxos e voces.
Tamén visualizamos os vídeos que fixeron para conmemorar o DÍA DA INFANCIA



24/11/16

Día Internacional da Eliminación da Violencia contra a Muller

 Información para ler en familia

Que é a violencia de xénero?

Por que este Día Internacional?

         Contos para educar en igualdade:

      


23/11/16

Charla informativa para o alumnado de 6º curso


O luns, 21 de novembro, tivemos a oportunidade de contar coa psisóloga do CIM (Centro de Información á Muller), Ana María Abad, que impartiu unha charla informativa sobre AS EMOCIÓNS básicas (medo, rabia, alegría, tristeza e amor) ao alumnado de 6º curso de primaria.
Dividiu a sesión en tres partes:
.- Recoñecemento das emocións: describiunos o que son cada unha delas a través do que nos pasa fisicamente cando temos rabia, por exempo, e de como reaccionamos cando nos pasa isto.
.- Xestión de emocións: explicounos a técnica do semáforo e da tartaruga para manexar o que nos ocorre cando sentimos rabia.
.- Amosounos técnicas de relaxación e de autocontros.

Todos os nenos e nenas de 6º curso estiveron moi atentos e interesados e fixeron unha foto todos xuntos amosando cada unha das emocións aprendidas.


21/11/16

Xogos tradicionais no curso 16-17

Os xogos populares, como outros elementos culturais, conteñen diferentes concepcións que forman parte da sociedade, teñen unha dimensión lúdica e educativa, e son parte importante da convivencia e cooperación en grupo. Posúen un gran valor socio-cultural que sobrepasa os aspectos lúdicos, pois cada xogo presenta diferentes características dependendo da zona na que se practica.
Os xogos defínense como a actividade física ou mental que ten a finalidade de divertirse e entreterse.

  • Obxectivos:
Utilización axeitada e valoración das estratexias básicas do xogo: cooperación, oposición e cooperación/oposición.

Valoración do esforzo persoal e do colectivo nos diferentes tipos de xogos e actividades deportivas á marxe de preferencias e de prexuízos.
Aprecio do xogo e do deporte como medio de desfrute, de relación, de saúde e de ocupación do tempo de lecer.

Pretendemos potenciar, mediante unha metodoloxía activa, que o neno/a coñezaa o seu propio corpo, as súas posibilidades e limitacións practicando xogos e, ó mesmo tempo, coñeza unha parte importante da súa cultura participando nos xogos populares.

Este curso xa comezaron as fases clasificatorias; e como sempre, o profesor Vicente Míguez, coordina os mesmos durante os recreos.


17/11/16

Expoxición de libros sobre os Dereitos da Infancia

No rincón das exposicións podemos atopar libros sobre os Derietos da Infancia que vos axudarán a coñecer e saber moito máis sobre os vosos dereitos.



16/11/16

Traballos sobre os Dereitos da Infancia

 O 20 de novembro de 1959 aprobouse a Declaración dos Dereitos do Neno. E desde entón, en todo o mundo, celébrase nesta data o Día Universal dos Dereitos da Infancia.
No noso centro o alumnado e profesorado, seguindo a programación recollida no proxecto da Biblioteca e no EDLG (Equipo de dinamización da Lingua Galega), traballamos sobre este tema durante esta quincena.
Como primeiros traballos presentamos dous vídeos:
  • De Infantil: Derecho a Jugar
  • De 1º curso: Mural dos Dereitos da Infancia  

 

14/11/16

A castaña que estoupou coa risa

Para celebrar que estamos no tempo o outono os nenos e nenas de 2º curso fixeron un excelente traballo  como escritores e ilustradores, despois gravaron o conto e o resultado final é este vídeo que vos deixamos nesta entrada.

13/11/16

Polo San Martiño, moito canto, baile e magosto!

O venres, 11 de novembro, Día de San MARTIÑO, fixemos un GRAN MAGOSTO no colexio.
Houbo moito canto e baile!!!,  pero sobre todo houbo unhas ricas castañas asadas.
Foron feitas, ao calor do lume, por Antonio e Enrique. Son moi bos "asadores", por iso o MAGOSTO do noso colexio é o mellor de tódolos magostos.


10/11/16

Charla informativa para 5º e 6º curso

O mércores, 9 de novembro, os alumnos e alumnas de 5º e 6º curso tiveron  unha charla informativa sobre a temática do acoso escolar e o ciberacoso, a cargo do policía nacional Pablo Rodríguez González, Delegado de Participación Ciudadana.

Esta charla está enmarcada dentro do: 
O Plan, impulsado desde Delegación do Goberno en Galicia e a Alta Inspección de Educación, ofrece aos centros docentes a posibilidade de solicitar charlas informativas/formativas sobre temáticas como: acoso escolar, drogas e alcol, violencia de xénero, novas tecnoloxías, bandas xuvenís, etc.; charlas impartidas por persoas expertas das Forzas e Corpos de Seguridade do Estado e dirixidas ao conxunto da comunidade educativa (alumnado, profesorado, familias)



8/11/16

Novidades na Bibliosoños


       Almudena Janeiro

Os contos ábrennos os ollos, axúdanos a comprender mellor o mundo que nos rodea, transpórtannos a outras realidades e permíten que viaxemos a outros países... sen saírmos da casa!
A escolma de contos populares e de autor baseada no fondo editorial de OQO, ábrenos tamén as orellas. A nova achega Máis contos en cantos mestura literatura, imaxe e estilos musicais diversos para que cativos, e non tan cativos, gocen da lectura, do son e da estética.

2/11/16

Unha pequena homenaxe a Agustín Fdez. Paz

Comezamos o mes de novembro cunha exposición de libros de Agustín Fernández Paz, falecido no mes de xullo pasado.
Agustín foi o autor máis premiado da literatura xuvenil de Galicia.
Esta pequena exposición quere ser unha homenaxe á súa persoa. Está formada por libros que temos na nosa biblioteca. 
Esperamos que vos sirvan para coñecer un pouco máis a este gran autor que destacou polo seu compromiso co idioma galego.



30/10/16

É tempo de SAMAÍN

O venres, 28 de outubro, celebramos o Samaín no noso colexio. 
Durante a semana fixemos actividades que nos axudaron a coñecer e aprender en que consiste esta celebración:
  • buscamos moita información
  • fixemos fichas para facer pequenos libros
  • debuxamos e escribimos contos
  • decoramos as portas e corredores
  • os nenos e nenas de infantil, coa axuda das súas mestras, elaboraron un gran castelo que encheron de figuras monstruosas que trouxeron das súas casas e elaboradas con materiais de refugallo
  • houbo sesión "de contos de medo" na Biblioteca a cargo das mestras Kare, Cristina e Angélica.
  • os nenos e nenas de infantil remataran o día xogando e bailando no ximnasio

27/10/16

Semana de celebracións

Entramos na semana das celebracións do Día da Biblioteca, o luns 24  e O Samaín, o venres 29 de outubro.
No recuncho das exposición de libros temos unha boa colección de libros que vos animarán o Samaín.



26/10/16

Resolución definitiva do Plan de Mellora de Bibliotecas Escolares 2016/2017


O DOG de hoxe, 26 de outubro, publica a Orde de 13 de outubro pola que se resolve a convocatoria do Plan de mellora de bibliotecas escolares en centros non universitarios sostidos con fondos públicos para o curso 2016/2017. A resolución detalla as contías asignadas a cada centro para este curso que para os centros con máis de dous anos de permanencia no programa será só para fondos, e para os incluídos nesta convocatoria e na correspondente ao curso anterior, será para fondos, mobiliario e outros equipamentos imprescindibles, así como para gastos de funcionamento. 
As bibliotecas escolares, deben ter, ademais, no orzamento "ordinario", derivado dos gastos de funcionamento do centro, de entre un 5% e un 10%, segundo as instrucións de comezos de curso da D.X. de Centros e Recursos Humanos. 
Intégranse 38 centros públicos e 10 centros concertados, polo que o total de centros integrados neste "Rede de Bibliotecas Escolares" que constitúe o PLAMBE chega este ano a 615 centros.

25/10/16

Un percorrido polo conto "El cazo de Lorenzo" de Isabeller Carrier

Na aula de 6º de infantil traballouse o conto "El cazo de Lorenzo" de Isabelle Carrier.
Trátase dun conto que nos amosa en forma de metáfora os obstáculos que ten que superar un neno con dificultades. Esas dificultades represéntanse por medio dun cazo vermello que acompaña a Lourenzo a todas partes. 
A través do conto, podemos observar como Lourenzo ten que esforzarse moito máis cos demais para conseguir o mesmo, precisamente por ese cazo que lle complica un pouco a vida. 
Tamén nos amosa como Lourenzo ten moitísimas calidades; como hai persoas que só ven o cazo e atópano raro, e mesmo inquietante. Pero afortunadamente existen persoas extraordinarias (pais, mestres, terapeutas...) que axudan a Lourenzo a explotar os seus puntos fortes e a levar máis discretamente o seu cazo, o que lle facilita substancialmente a vida.

Como se traballou o conto?
Primeiro contóuselles o conto, sen explicarlles en ningún momento de que ía nin que significaba ese cazo, e logo viron varios  vídeos que están en internet. Despois fixéronse preguntas para ver  o que recolleran. Ningún entendera a metáfora, aínda que tampouco é de estranar, pois é difícil que a interpreten por si mesmos.
Entón explicóuselles que significaba ese cazo.  Ese cazo eran distintas dificultades coas que se podían atopar as persoas. E fomos poñendo exemplos: ese cazo podía significar non ver, non oír, non poder camiñar, ter dificultades para comunicarse... E con cada un dos exemplos, iamos falando sobre como podía afectar ao noso día a día (como o cazo complicábanos un pouco a vida) e que podiamos facer para que ese cazo fose máis discreto (por seguir cun exemplo, no caso de ter unha discapacidade auditiva, como a lingua de signos, a lectura de beizos ou uns audífonos podían facer a nosa vida moito máis fácil).

Tradución do conto.
Como o libro que temos na biblioteca está escrito en castelán fixémoslle a tradución ao galego, así os nenos e nenas participan por igual das dúas linguas oficiais de Galicia.

Actividades que levamos a cabo.
  •  Libro-Audio: que consistiu en reproducir as ilustracións, escribir e narrar o propio conto. Tomamos imaxes dos seus debuxos, gravamos as súas narracións e o resultado final foi o seguinte vídeo.
  •  Dramatización para os demais compañeiros do cole. Fixémolo coa colaboración do alumnado de 6º curso.  A representación tivo lugar no ximnasio o Día da Biblioteca Escolar, 24 de outubro. Gustou moito e o resultado final  queda recollido tamén en vídeo.

  • Reflexións e Gran Mural.  Finalmente fixemos un mural coa pancarta da dramatización, os debuxos e os textos do libro-audio.

24/10/16

Celebramos o Día da Biblioteca

Hoxe celebramos o Día da Biblioteca con moitas actividades:
  • Exposición de libros.
  • Exposición de Marcapáxinas.
  • Formación de Usuarios.
  • Dramatización do conto:
"O cazo de Lourenzo" de Isabelle Carrier
Fixemos a tradución do mesmo ao galego e os nenos e nenas de 6º de Infantil, coa colaboración dos de 6º de Primaria, puxéronno en escea.
Ademais tamén elaboramos un libro-audio con debuxos e voces dos nenos e nenas da aula de 6º de Infantil.
Outra das actividades que lles gustou moito foi a preparación da Canción para Rufo e que cantaron nas sesións de Formación de Usuarios.

TODOS OS TRABALLOS PODEMOS VELOS NO SEGUINTE   ENLACE


21/10/16

Para celebrar o Día da Biblioteca

Con motivo da celebración do Día da Biblioteca Escolar o luns, 24 de outubro, os equipos da Biblioteca e  de Dinamización da Lingua Galega preparamos unha chea de actividades que seguro  vos van a gustar e coas que aprenderedes moitas cousas sobre a nosa biblioteca.

·        EXPOSICIÓN DE MARCAPÁXINAS
o   A partir do venres, 21 de outubro
o   Nas escaleiras, colocadas na rede.

·        FORMACIÓN DE USUARIOS
o   Luns a 1ª hora: 5º e 6º  curso
o   Luns a 2ª hora: 3º e 4º  curso
o   Luns a 3ª hora: 1º e 2º  curso
o   Martes a 1ª hora: todo infantil
          Distribución da biblioteca e outros espazos
Organización dos fondos
Información sobre os adhesivos ou etiquetas
Normas de funcionamento

Vídeo sobre o conto “O cazo de Lorenzo” 
Vidéo da "Canción para Rufo"

·        APADRIÑAMENTO LECTOR
o   “O cazo de Lorenzo”, de Isabelle Carrier
o   Alumnado de 6º de infantil e alumnado de 6º curso
o   No ximnasio despois do recreo

17/10/16

Benvida a Saúl!

Dámoslle a benvida a Saúl, o noso auxiliar de conversa.
Vén de Wilmington (Delaware) nos Estados Unidos de América.

The Lighthouse

Este é un programa complementario de apoio e colaboración de profesorado nativo prioritariamente nos Centros Plurilingües, Seccións Bilingües e Escolas Oficiais de Idiomas para posibilitar a práctica da conversa oral, proporcionar un modelo de corrección lingüística e achegar o alumnado e profesorado á cultura do seu país.

8/10/16

Puxemos en marcha as Mochilas Viaxeiras

O venres, 7 de outubro, saíaron da Biblioteca as Mochilas Viaxeiras.
A Mochila Viaxeira está pensada para que, desde a Biblioteca Escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura.
A mochila é o soporte que permite aos rapaces e rapazas levar á súa casa, en préstamo temporal, uns materiais que reforcen o vínculo entre familia e escola na súa labor común para a formación dos lectores máis novos.




6/10/16

Cristina Novoa: “Nais e pais son primordiais como exemplo lector”

No Portal Galego de Educación atopamos este artículo moi interesante.



http://botons.eu/

29/9/16

O NOSO COLEXIO NA TVG


 Hoxe, na TVG, emitirán o programa COS PÉS NA TERRA, onde sairán os nenos e nenas do noso centro, que participaron nas actividades do Horto o curso pasado. Que pasen un bo día!

21/9/16

Exposición no comezo do outono

Comezamos coas exposicións de libros no recuncho situado exterior da biblioteca.
Como comeza o outono os libros fan referencia a esta estación.



14/9/16

Benvidos ao curso 2016-2017

Iniciamos un novo curso, o que supón un avance na vosa formación e preparación. Por iso, necesitaredes dedicación e esforzo persoal para alcanzar as metas que vos propoñades. Neste labor contaredes coa axuda dos vosos profesores. A nosa función é tentar formaros, pero tamén axudarvos para que cheguedes a conseguir esas metas.

Neste Centro son moitos os compañeiros e compañeiras que queren aprender e formarse como persoas. Para conseguilo, é preciso ter en conta unhas normas de comportamento que deben basearse no respecto aos  compañeiros, aos  profesores e ao persoal non docente.

Durante o curso vades ter unha persoa que vos guiará nas vosas dúbidas e problemas: o voso titor ou titora. Pero a cambio, pedímosvos que os axudedes no seu labor contribuíndo a crear un clima agradable de convivencia na clase. Tentade resolver os vosos conflitos cos compañeiros dialogando e razoando con eles; as voces, os insultos, os berros... só demostran unha falta de educación e non resolven nada.

Pedímosvos tamén a vosa colaboración en manter a orde nas aulas e corredores. Durante o tempo entre clase e clase debedes permanecer na vosa aula esperando ao profesor. Non están permitidos os berros e os saltos.  Utiliza as papeleiras que están repartidas por todo o Centro. 

E por último recordamos que tedes á vosa disposición unha Biblioteca ben dotada para que poidades retirar e devolver os libros que necesitedes. Coidádeos, pois teñen que ser utilizados por todos os alumnos e alumnas do Centro. O voso profesorado guiaravos nesta tarefa.


7/9/16

Biblioteca Escolar - Territorio das Artes

"Biblioteca escolar - Territorio das Artes" é o lema escollido para os materiais que a Consellería de Cultura, Educación e Ordenación Universitaria edita a comezo do curso 2016/2017  con destino ás bibliotecas escolares dos centros educativos galegos. Nesta ocasión foi MINIA REGOS a creadora convidada a interpretar o lema anual.
A imaxe creada por Minia Regos garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar.  
Nos últimos anos, as bibliotecas escolares demostraron que é posible integrar as ciencias e as humanidades nas actividades de lectura e de acceso e construción do coñecemento. Os materiais de divulgación científica, os xogos matemáticos, a xeografía ou as aventuras da exploración física ou simbólica foron temática de traballo e son xa parte esencial das programacións e dos proxectos coordinados desde as bibliotecas. Cómpre agora facer visible esa parte do coñecemento humano que conecta directamente coa creatividade: as Artes todas teñen cabida na biblioteca escolar e así o demostran as múltiples actividades programadas anualmente con está temática. 

1/9/16

Instrucións sobre a organización e funcionamento da biblioteca escolar para o curso 2016/2017


O Portal Educativo publica as INSTRUCCIÓNS de 1 de setembro de 2016, da Dirección Xeral de Centros e Recursos Humanos en relación coa organización e o funcionamento das bibliotecas escolares, durante o curso 2016/2017, e que serán de apliación en todos os centros públicos de titularidade da Consellería de Cultura, Educación e O.U. que imparten ensinanzas de nivel non universitario, coa adaptación pertinente ás diferentes tipoloxías de centros. Acompañan ás Instrucións propiamente ditas, un Anexo I de Anotacións, e un Anexo XI de Orientacións (este último correspondente á última convocatoria PLAMBE). 

20/6/16

Actividades de Fin de Curso

Esta semana rematamos o curso cunha chea de actividades.

 Todos os vídeos podémolos ver no seguinte 
ENLACE
O luns, 20 de xuño: 
  • Teatro escolar dos nenos e nenas de 4º e 5º curso
  • Baile dos alumnos e alumnas de 3º curso
  • Final dos xogos populares
 O martes, 21 de xuño:
  • Teatro Escolar dos alumnos e alumnas do Obradoiro de Teatro impartido polo profesor Vicente Míguez en horario extraescolar.
    • Obra: CINEMASCOLE
    • Autor e dirección: Vicente Míguez 
O mércores, 22 de xuño
  • GALIOLIMPIADAS 

16/6/16

TEATRO ESCOLAR na Casa do Forno


15/6/16

Entrega dos premios FESTA DA MERLUZA de Celeiro

Na tarde do martes, 14 de xuño, levouse a cabo a entrega dos premios do concurso de carteis infantis para a Festa da Merluza.

Primeiro premio: Traballo conxunto da aula de 4º de Educación Primaria do CEIP PLURILINGÜE  Santa Rita de GALDO. 
Segundo premio: Inés Cachón Oulego do CEIP Antonio Pedrosa Latas de Celeiro.




 Terceiro premio: Inés Alonso Otero do CEIP Antonio Pedrosa Latas de Celeiro.








Entrega dos diplomas de participación no colexio

11/6/16

RECYCLING WORKSHOP

Luisa e Marta estiveron no colexio  para compartir o seu tempo ensinando aos alumnos de 5º e 6º curso como reutilizar bolsas de plástico de supermercado e papeis de revistas para elaborar bolsos e pulseiras. O seu traballo pódese seguir na páxina do  seu FACEBOOK.
Este obradoiro forma parte do proxecto:
Ao finalizar o mesmo entregámoslles un presente que consistía nun robot feito con materiais reciclados da

Dámoslles as gracias pois aprendemos moito e ademais intentaremos facer algún obxecto.

7/6/16

Celebramos o Día do Medio Ambiente


Como todos os anos, no noso colexio celebramos o día do Medio Ambiente.
Fixémolo o luns, 6 de xuño.
Levamos a cabo dúas actividades que podemos ver no

SEGUINTE ENLACE

 

6/6/16

Cartel infantil da Festa da Merluza de Celeiro

O xurado outorgou os premios da convocatoria do CARTEL INFANTIL DA FESTA DA MERUZA. O primeiro premio foi para un traballo conxunto da aula de 4º de Primaria do CEIP Santa Rita de Galdo; o segundo foi para Inés Cachón e o terceiro para Inés Alonso, alumnas do noso Centro.
Naraboa aos gañadores!
Membros do xurado:  
Asociación Penalba-Colectivo Chilindrín 
Presidente da Confraría de Pescadores
Presidente de Porto Celeiro
Concelleira de Cultura do Concello de Viveiro

1/6/16

EXCURSIÓNS FIN DE CURSO

Xa estamos rematando o curso e agora é o tempo das excursións e viaxes de fin de curso.
  • Os nenos e nenas de Infantil fan a súa viaxe o martes, 31 de maio, a San Cibrao
  • O 1º e 2º curso de primaria van viaxar ata Mondoñedo o venres, 10 de xuño
  • O 3º e 4º curso de primaria van ir á Granxa Escola de Castropol o xoves, 2 de xuño
  • Os nenos e nenas de 5º e 6º curso estarán  en  Ocero (León) os días 30, 31 de maio e o 1 de xuño, no Complexo Rural El Arbedal.

26/5/16

Unha dedicatoria moi especial

No noso colexio gústanos moito ver e observar os traballos realizados por outros coles e así foi como chegamos ao COLE DA ARMENTEIRA.
Para traballar as Letras Galegas ilustraron varios poemas de Manuel María, engadíronlle música e efectos de vídeo. O resultado final podemos velo
Os nenos e nenas de 6º de Infantil do CEIP Pedrosa Latas felicitaron o traballo realizado enviándolles uns debuxos e eles en agradecemento fixeron este bonito vídeo


Todo o cole queremos agradecer este fermoso vídeo que nos dedicaron. Moitas grazas e novamente noraboa polos vosos traballos!

25/5/16

PITEAS (Boas Prácticas Educativas de Referencia)

PITEAS é un programa promovido pola Fundación Barrié en colaboración coa Xunta de Galicia e a participación da Universidade de Santiago de Compostela.
É a rede de proxectos de innovación educativa co obxectivo de ofrecer ideas e ferramentas científicas e pedagóxicas que potencien o traballo colaborativo, as metodoloxías activas e o desenvolvemento do talento persoal e colectivo.
PITEAS foi un navegante, explorador e científico grego do século IV a. C., a quen se atribúen importantes descubrimentos: entre eles, o de que a nosa Hispania era unha península.


Presentación do proxecto nas xornadas de formación e mentoring para o desenvolvemento do talento


21/5/16

Vídeos das actividades

CANCIÓN "DEPENDE DE MIN"
LETRAS GALEGAS NO COLEXIO
SEMBLANZA DE MANUEL MARÍA
DRAMATIZACIÓN "O BIGOTE DE MIMÍ"
ACTUACIÓN DO CORO "SONS DE CELEIRO" 

FESTA DO MAIO

18/5/16

As Letras Galegas no colexio



Durante o mes de maio son moitas e variadas as actividades que levamos a cabo todos os cursos do colexio:


  • Exposición de libros dos autores homenaxeados
  • Láminas sobre Manuel María
  • Traballos dos alumnos e alumnas
  • Dramatización "O bigote de Mimí" a cargo dos nenos e nenas de 1º curso
  • Presentación en vídeo da canción "Depende de min", con letra, música e coreografía dos profesores do centro.
  • Festival especial (venres, 20 de maio) coa participación dos alumnos e alumnas do colexio cantando a canción do MAIO e o coro "SONS DE CELEIRO" dirixido por Daniel Caxete.
  • Seguimento da páxina especial adicada a Manuel María na que tamén se recollen as nosas actividades
  • Participación no Proxecto da MICRORREDE PLAMBE A MARIÑA, "Os soños de Manuel María"

12/5/16

"Os soños de Manuel María

Seguimos coas actividades dinamizadoras que acompañan á Exposición "Os soños de Manuel María"

11/5/16

Inauguración da exposición "Os soños de Manuel María"

O martes, 10 de maio, tivo lugar a inauguración da Exposición "Os soños de Manuel María".
Asistiron a Xefa Territorial de Educación Maricarmen Gueimunde, o asesor do CEFORE Manuel Sánchez, a concelleira de Cultura Lara Fdez, as coordinadoras das bibliotecas escolares que integran a microrrede, así como as comunidades educativas dos diferentes centros.
A continuación sucedéronse as diversas actividades dinamizadoras correspondentes a este día.
  • CEIP Plurilingüe Santa Rita de Galdo con "Os soños non poden estar engaiolados"
  • IES María Sarmiento de Viveiro con varias actuacións de alumnos e alumnas
  • IES Perdouro de Burela co recitado de varios poemas.
No seguinte vídeo podemos ver un resumo



 A NOTICIA NA PRENSA LOCAL
 "EL PROGRESO (A MARIÑA)"
   


10/5/16

DEPENDE DE MIN

CANCIÓN DO COLEXIO PARA AS LETRAS GALEGAS
Letra: Vicente Míguez

Música: Marta Pérez/Pedro Rguez.

Coreografía: Eva Martínez

Gravación: Rita Lamas

Montaxe da exposición

Na tarde do luns, 9 de maio, o profesorado e colaboradores dos centros educativos da MICRORREDE realizamos a montaxe da exposición "OS SOÑOS DE MANUEL MARÍA".


5/5/16

Microrrede PLAMBE A Mariña 2016

Xa están rematados o cartel e o díptico da actividade colaborativa das bibliotecas escolares da Mariña, pertencentes ao PLAMBE (Plan de Mellora das Bibliotecas Escolares).
Nas seguintes presentación podemos velos.
Do martes, 10 ao venres, 13 de maio, en horario de 18:00 a 20:00 horas poderemos ver a exposición conxunta e as actividades dinamizadoras, este ano no Teatro Pastor Díaz de Viveiro.
O noso centro actuará o xoves, 12 de maio e participarán todo o noso alumnada, dende 4º infantil ata 6º de primaria.
CARTEL
DÍPTICO