Libro xigante

Xa está rematado o libro xigante que elaboramos entre todos os ciclos e que traballamos durante este curso, a través do proxecto VOZ NATURA.

Unha boa nova

Dámos conta deste correo que nos envían dende o Teatro Pastor Díaz de Viveiro:

"A biblioteca pública municipal de Viveiro para conmemorar o "Día das letras Galegas 2010" organiza unha función de teatro no teatro Pastor Díaz de Viveiro da compañía "Migallas" teatro que terá lugar o día 27 de maio (xoves) ás once e media da mañá; dita actividade está proposta para os nenos de terceiro e cuarto de primaria dos colexios do municipio, O nome do espectáculo e ¡Canta Connosco! e a duración aproximada é de 60 minutos. É un espectáculo que combina as cancións con accións dramáticas .Os temas que se tratan son: o consumismo, o coidado das mascotas, o pracer da lectura e a importancia da imaxinación.

Aquí podemos atopar información da compañía MIGALLAS TEATRO

Seguimos a traballar

Estes días na Bibliosoños andamos moi atarefados pois estamos a elaborar a memoria das actividades levadas a cabo e tamén o novo proxecto do PLAMBE para o vindeiro curso.

Aquí podemos ver un resumo en imaxes:

Adicado ás LETRAS GALEGAS

Hoxe estamos a levar a cabo unha actividade proposta polo Departamento de Normalización Lingüística do Centro:
24 horas en GALEGO.

RUFO,  a mascota da Bibliosoños, tamén vai participar!!!

Pola tarde, no Teatro Pastor Díaz de Viveiro, teremos sesión de Teatro para conmemorar as LETRAS GALEGAS.
Este é o programa invitación para as familias.

Neste enlace podemos ver as fotos no Teatro Pastor Díaz

17 de maio

DÍA DAS LETRAS GALEGAS

Nacido en Folgoso do Courel en 1930, foi un dos referentes da poesía galega contemporánea. Morreu en Santiago de Compostela cando apenas entrara na ancianidade, o 30 de outubro de 1999, e foi soterrado en Lugo. A bibliografía de Novoneyra é moi complexa, e algúns dos seus poemas máis célebres foron publicados en revistas ou panfletos moito antes de seren recollidos en libro. Unha das obras que podemos destacar é Os Eidos, con poemas escritos entr e1952 e 1953.

Neste blog temos unha páxina adicada á súa vida e obra.   


Para conmemorar esta data  estamos a facer moitas actividades e o martes, 18 de maio, iremos ao Teatro Pastor Díaz onde os alumn@s de 5º e 6º curso representarán a obra  QUE CIRCO, MAMMA MIA!!! e tamén farán unha semblanza de Uxío Novoneyra, ademáis de outras sorpresas!

QUE BEN 
O PASAMOS
NA FESTA  DO  MAIO !!!

Festa do Maio

Se o tempo o permite, o xoves 13 de maio, imos celebrar a nosa particular Festa do Maio.
Vestiremos roupas, sombreiros...con moitas flores e cantarémoslle ao Maio a canción que xa sabemos tod@s...

O curso pasado pasámolo moi ben!!!

Educación documental.

Educación para o acceso á información (educación documental).

Un dos obxectivos básicos da Biblioteca escolar é dar a formación necesaria aos usuarios para poder utilizar todos o recursos existentes coa maior precisión e exactitude.

Os alumnos e alumnas de 6º curso xa levan feito varios traballos partindo da información facilitada a través das páxinas do blog da Bibliosoños e outros documentos da Biblioteca.

Agora acaban de entregar os seus murais e traballos sobre Mozart. Para a súa elaboración buscaron a información na páxina adicada a Mozart, primeiro traballamos na Biblioteca, nas clases de música e cidadanía e despois, individualmente nas súas casas, fixeron os murais.

Quedaron moi ben e aprenderon moito sobre a vida e obra de Mozart!!!