Tamén celebramos o Samaín

Libros novos

Estos son os libros con que agasallamos á Bibliosoños no Día da Biblioteca Escolar.

I Concurso de Lectura en voz alta "Ler e escoitar"

A Consellería de Educación, a través da Dirección Xeral de Centros e Recursos Humanos, publicou no Portal Educativo a convocatoria do I Concurso de Lectura en voz alta, "LER E ESCOITAR", destinado ao alumnado de 3º Ciclo de Primaria e 1º Ciclo de ESO. O concurso terá unha primeira fase no centro e unha fase autonómica, da que sairán os finalistas da fase última do concurso que se resolverá nun acto de lectura pública. O concurso contempla as modalidades individual e de grupo. Haberá premios para as lectores e os lectores e para os centros de procedencia.

TEXTO DA CONVOCATORIA

O noso centro centro vai participar na fase autonómica nas dúas modalidades.

• Individual: Adrián Díaz.
• Grupo: Juan Fraga, Alba Lago, Tania López, Marlén Fernández e Catia Rodríguez.

Nos ensaios do colexio fixéronno moi ben. Moita sorte!!!

Mochilas viaxeiras

O vindeiro xoves, 28 de outubro, imos a celebrar o día da Biblioteca Escolar con moitas actividades que xa vos iremos contando.

Unha delas é a posta en marcha das Mochilas Viaxeiras para todos os cursos de primaria; con esta actividade queremos implicar ás familias e así proporcionar un motivo de encontro tomando como motivo o mundo dos libros e da cultura.

Hora de ler

Neste curso comezamos a facer a hora de ler  todos os ciclos á mesma hora, despois do recreo, de 12:00 a 12:20 horas temos cita cos libros que máis nos gusta ler

Tempo de outono

Neste tempo de outono xa puxemos  en marcha o rincón onde están expostos os diferentes traballos de educación documental e os froitos recollidos no horto escolar.

Tamén podedes atopar máis información na barra lateral dereita ou picando na imaxen

CELEBRACIÓN NA BIBLIOSOÑOS. Outono, Magosto, Samaín

Traballo de educación documental dos alumnos e alumnas de 5º curso sobre As árbores da fraga

Mario Vargas Llosa

PREMIO NOBEL DE LITERATURA

Colección de Agatha Christie

Acaba de chegar esta colección das obras de Agatha Christie a nosa Biblioteca.
Foi unha donación de Natalia Palmeiro, nai de María Maragoto de 5º de Infantil.
Moitas grazas pola súa aportación.
Estes e moitos libros máis poden ser solicitados e levados, en réxime de préstamo, por todos os membros da comunidade educativa.

Para pais e nais: Como contar un conto e non morrer no intento

Contar contos é unha actividade moi gratificante, non só para o que escoita senón tamén para o que narra. Habitualmente esta práctica asóciase ás primeiras idades, e é certo que aos máis pequenos encántalles que lles conten historias, pero os maiores son tamén un bo público. Seguro que a ti tamén che gusta escoitar historias e retés na memoria algunhas que che contaron na túa infancia.           Pica para ler a información

Mes das Bibliotecas Escolares

O pasado venres, 1 de outubro, comezou o 

Mes Internacional da Biblioteca Escolar, co lema 

“O desafío de atender á diversidade: Bibliotecas escolares para todos”.

No ano 2008 cambiouse o Día Internacional da Biblioteca Escolar polo Mes Internacional das Bibliotecas Escolares, o que permitirá aos responsables das mesmas  empregar o día, a semana ou mesmo todo o mes de outubro para por de relevancia a Biblioteca Escolar e a súa influencia no rendemento escolar e o desenvolvemento educativo.
A Biblioteca do noso Centro ten abertas as súas portas a toda a comunidade educativa e celebraremos o  Día da Biblioteca con actividades especiais  para todos.