Estes días no colexio estamos levando a cabo traballos no horto escolar.
Na seguinte PÁXINA podemos ver máis información
Estas actividades forman parte dos proxectos deste curso:
20/4/15
13/4/15
Preparando a celebración do Día Mundial do Libro
Coma en 
anos anteriores, as Bibliotecas Escolares de Galicia celebran o Día Mundial do Libro coa edición dun pequeno marcapáxinas en forma de díptico que acolle un texto inédito, neste caso da escritora María Solar,
sobre a maxia dos libros, con referencias literarias evocadoras de
aventuras e viaxes. Agradecemos a María Solar a súa xenerosidade e a súa
recomendación para este día: "Ás veces o destino está no libro que tes ao lado. Só tes que abrilo e gozar"
anos anteriores, as Bibliotecas Escolares de Galicia celebran o Día Mundial do Libro coa edición dun pequeno marcapáxinas en forma de díptico que acolle un texto inédito, neste caso da escritora María Solar,
sobre a maxia dos libros, con referencias literarias evocadoras de
aventuras e viaxes. Agradecemos a María Solar a súa xenerosidade e a súa
recomendación para este día: "Ás veces o destino está no libro que tes ao lado. Só tes que abrilo e gozar"7/4/15
DÍA MUNDIAL DA SAÚDE
DÍA MUNDIAL DA SAÚDE
Como este curso estamos a traballar sobre A ALIMENTACIÓN é importante ter en conta o seguinte artigo que recollemos na páxina do proxecto ALIMÉNTATE BEN.
2/4/15
DÍA DO LIBRO INFANTIL E XUVENIL
Dende 1967, o 2 de abril, coincidindo coa data do nacemento do escritor
danés Hans Christian Andersen, o IBBY (Organización Internacional para o Libro Xuvenil) promove a celebración do Día
Internacional do Libro Infantil co fin de promocionar os bos libros
infantís e xuvenís e a lectura entre os máis novos.
Todos os anos unha Sección Nacional é a encargada de elaborar unha
mensaxe para todos os nenos e nenas do mundo. Compartimos con vós a
difundida neste 2015 polos Emiratos Árabes Unidos, da man da escritora
emiratí Marwa Al Aqroubi e a ilustradora Nasism Abaeian.
"Falamos diferentes linguas e vimos de diferentes orixes, mais compartimos as mesmas historias"
Historias internacionais… historias tradicionais
É a mesma historia que se nos conta a todos
En diferentes voces
En diferentes cores
Pero permanece inmutábel…
Comezo…
Argumento…
E fin…
É a mesma historia que todos sabemos e amamos
Todos a escoitamos
En diferentes versións de diferentes voces
Mais sempre é a mesma
Hai un heroe… unha princesa… e un vilán
Non importa a súa lingua, nin os seus nomes,
Nin as súas caras
É sempre o mesmo comezo,
Argumento
E fin
Sempre ese heroe… esa princesa e ese vilán
Inmutábeis durante séculos
Acompáñannos
Murmúrannos nos nosos soños
Arrólannos para durmir
As súas voces marcharon hai tempo
Pero viven nos nosos corazóns para sempre
Pois únennos nun mundo de misterio e imaxinación
Para que todas as culturas se fundan nunha única historia."
Marwa Al Aqroubi
27/3/15
"O sabor da aventura está no mar"
Hoxe os nenos e nenas de primaria poideron disfrutar novamente da actividade:
Programa proposto pola Consellería do
Mar co dobre obxectivo de facilitar o coñecemento e o consumo de
produtos do mar de Galicia entre as nenas e nenos da comunidade e de
incidir e equilibrar as súas axudas alimenticias. Os seus destinatarios
son os escolares de educación primaria e os seus profesores.
Esta actividade forma parte do Plan Proxecta:
25/3/15
"Froita na escola"
Este curso estamos a traballar sobre a ALIMENTACIÓN e unha das actividades que vimos realizando con moito éxito é a de tomar froita na merenda da mañá.
A continuación podemos ver un vídeo no que os alumnos e alumnas de 2º curso, xunto co seu profesor Eduardo, nos presentan as cualidades das froitas e tamén soa de fondo musical a canción "Todo natural", tamén cantada por eles.
23/3/15
ANXO MOURE na Bibliosoños
Anxo Moure, pasou pola nosa biblioteca para contarnos contos sobre as árbores, como coidalas e respetalas...
Pasamos un ratiño moi divertido e entretido.
Queremos darlle as gracias ao CONSORCIO EDITORIAL GALEGO por poder contar con esta actividade.
19/3/15
Comezamos co traballo colaborativo da Microrrede PLAMBE A MARIÑA
Logotipo da Microrrede PLAME A Mariña. Creado por María Rolle (CEIP de Covas)
No mes de
abril celebramos o Día do Libro Infantil
e Xuvenil (2 de abril) e o Día do
Libro (23 de abril); no mes de maio As
Letras Galegas.
Por iso, dentro
do proxecto da Biblioteca Escolar e en colaboración coas bibliotecas doutros centros
da Mariña, como en cursos pasados (“Lembrando o pasado”,“Unha
primavera de poemas” e “De aqueles contos… novos finais), propoñemos ás
familias a súa participación nunha actividade que leva por título:
“O REFRANEIRO DE CERVO A
VIVEIRO”
Esta
actividade ten como obxectivo a posta en valor da TRADICIÓN ORAL E POPULAR.
A tradición oral transmite valores que
explican a importancia e a necesidade que ten o home
de vivir en sociedade, ensinando a respectar e comprender os seus propios estilos de vida e outros distintos.
de vivir en sociedade, ensinando a respectar e comprender os seus propios estilos de vida e outros distintos.
Trátase de
fomentar a comunicación e o diálogo entre a familia e o seu fillo-a,
traballando sobre os diferentes refráns
que coñecen, para despois pensar nun en concreto e a ser posible que se
utilice na nosa zona.
Por iso
enviámosvos o folio para que escribades un refrán en galego e o acompañedes dunha
ilustración ou obra plástica a realizar con técnicas libres (collage, debuxo,
manualidades…).
Cada
ano vides presentando traballos ben bonitos !!!
O traballo
entregarase ao titor ou titora tendo
como data límite o xoves, 16 de abril; cos mesmos faremos unha exposición
no colexio e na semana do 12 ao 15 de maio, unha exposición conxunta de todos
os centros participantes, na Sala de Usos Múltiples do Concello de Viveiro.
Esta exposición contará con actuacións variadas dos alumnos e alumnas dos
centros e poderá ser visitada polas familias.
Grazas
pola vosa colaboración.
18/3/15
Para celebrar o Día da Árbore
Unha das actividades para conmemorar esta data queda recollida no seguinte vídeo homenaxe:
- Canción "As árbores da fraga"
- Autores: Fol do vento
- Cantan: Coro do CEIP Antonio Pedrosa Latas de Celeiro, curso 2010-2011
17/3/15
Libros de poesía nas nosas lecturas
No rincón das exposicións hai moitos libros de poesía para ler nas aulas...xa sabemos que se achega o
DÍA MUNDIAL DA POESÍA
DÍA MUNDIAL DA POESÍA
21 de marzo
Traballo documental dos alumnos de Infantil
Os alumnos e alumnas de 5º e 6º de Infantil, xunto coas súas profesoras, prepararon un traballo moi especial sobre A VACA:
- Mural colectivo
- Información
- Canción
16/3/15
Na semana da prensa na escola
Durante a semana do 9 ao 13 de marzo, SEMANA DA PRENSA NA ESCOLA, as aulas enchéronse de prensa escrita e online coas novas tecnoloxías. Foron moitos os traballos realizados, aquí vos deixamos un exemplo dos alumnos e alumnas de 5º curso que aproveitaron tamén o Día da Muller.
11/3/15
ENCONTROS PLAMBE
Os vindeiros 12 e 13 de marzo terán lugar en Compostela (Palacio de Congresos) os Encontros do Plan de mellora de bibliotecas escolares,
unha cita anual do profesorado que coordina e representa aos equipos de
bibliotecas escolares dos centros integrados neste programa. No
presente curso participan deste Rede de bibliotecas escolares que supón o
PLAMBE, un total de 550 centros distribuídos por toda a xeografía do país.
Coma en anos anteriores, a participación nos encontros será do seguinte xeito:
- 12 de marzo: responsables das bibliotecas dos 33 centros que se incorporaron ao PLAMBE na convocatoria de 2014.
- 13 de marzo: responsables do resto das bibliotecas do PLAMBE ata un total de 550.
- MÁIS INFORMACIÓN
10/3/15
Unha xornada moi exitosa
A xornada do luns, 9 de marzo, foi moi completa:
- Pola mañá, os nenos e nenas do colexio tiveron a oportunidade de facer moitas preguntas ás mulleres homenaxeadas: Antonia Paz, Ana Meitín, as xemelgas Nieves e Carmen, María Antonia Ladra, Mari Carmen Iglesias, Emma Bermúdez, Sarai Blanco e Lara Balseiro, que atenderon amablemente ás cuestións plantexadas polos alumnos e alumnas dos distintos cursos.
- Pola tarde, excelente acollida da XORNADA DE PORTAS ABERTAS cunha afluencia de nais, pais, e sobre todo, avós e avoas, ademais de numerosos veciños que participaron nunha visita guiada polo colexio con clase incluida por parte do director, quen lles puxo ao día do actual sistema de aprendizaxe a partir das novas técnicas da información e comunicación. De seguido, asistiron á proxección de dous vídeos na honra das mulleres traballadoras de Celeiro e outro que reproducía o proceso de fabricación da conserva. Finalmente, unha mesa redonda na que participaron algunhas das homenaxeadas á mañá coa incorporación de Covadonga Viamonte.
- Tanto nesta xornada como ao longo da semana permanece aberta unha exposición con 104 fotos adicada aos diferentes traballos da muller.
6/3/15
Exposicións para o Día da Muller
Durante estes días estivemos traballando nas aulas sobre a celebración do DÍA DA MULLER; unha vez rematados fixemos varias exposicións que quedan reflexadas no seguinte vídeo:
2/3/15
Preparando o DÍA DA MULLER
O Día Internacional da Muller, orixinalmente coñecido como Día Internacional da Muller Traballadora, conmemorado cada 8 de marzo e recoñecido pola ONU
como unha xornada para reivindicar a igualdade e de facer balance sobre
a situación das mulleres na sociedade, e festa recoñecida nalgúns
países e tradicionalmente grupos e asociacións de mulleres militantes no
feminismo ou no movemento obreiro preparan manifestacións, por veces
utilizando o nome orixinal, por todo o mundo, para facer ver as súas
reinvindicacións para mellorar as condicións da muller, e festexar os
avances e loitar pola superación dos atrancos.
Para conmemorar esta data tan importante, dende os equipos de Normalización Lingüística e Biblioteca Escolar, diseñamos unha serie de actividades que de seguro van contribuir á sensibilización dos nosos alumnos e alumnas así coma a toda a comunidade educativa.
Para conmemorar esta data tan importante, dende os equipos de Normalización Lingüística e Biblioteca Escolar, diseñamos unha serie de actividades que de seguro van contribuir á sensibilización dos nosos alumnos e alumnas así coma a toda a comunidade educativa.
XORNADA DE PORTAS ABERTAS
Luns, 9 de marzo de 2015
En horario de 17:30 h a 19:30 h
ACTIVIDADES:
Exposición de fotografías do mundo do trababallo de Celeiro
Exposición de traballos dos alumnos e alumnas
Visualización de vídeos conmemorativos especiais
Charla-Coloquio con mulleres representantes de varios sectores laborais
24/2/15
Celebramos o DÍA DE ROSALÍA
O martes, 24 de febreiro, celebramos o DÍA DE
ROSALÍA DE CASTRO, no Salón de Actos do Colexio, xuntámonos todos os
cursos de Infantil e Primaria. As actividades que fixemos foron:
- Presentación a cargo de Álvaro Paz, alumno de 3º curso.
- Exposición con todos os traballos adicados a Rosalía.
- Recitados a cargo dos alumnos e alumnas que quedaron semifinalistas no concurso ROSALÍA SEMPRE VIVA.
- Dramatización da Vida e Obra de Rosalía e Manuel Murguía (Laura Ventura-Alejandro de Santiago e Fátima Mané-Hugo Casas)
- Recitados a cargos dos alumnos e alumnas que participaron no concurso ROSALÍA SEMPREVIVA
- Cantamos todos xuntos visualizando os vídeos que fixemos no colexio: "Has de cantar" e "Pasa, río, pasa, río"
22/2/15
Final do concurso escolar Rosalía sempre viva
A Casa-Museo Manuel María quíxose sumar ás celebracións polo DÍA DE ROSALÍA homenaxeando a nosa autora máis universal coa convocatoria, por vez
primeira, dun concurso escolar de recitado de poesía rosaliana que
estivo dirixido a todo o alumnado do ensino non universitario. 76 estudantes chegados de toda Galicia, de 5 a 18 anos, chegaron á Fase Final do concurso, logo de seren seleccionados na fase previa celebrada nos centros.
O xurado, que estivo formado por Paco Martín, Marica Campo e Anxo G. Refoxo, resolveu premiar a:
- Grupo de 1º de Primaria do CPI de Xanceda (Mesía), gañadores na 1ª Categoría polo seu recitado de Vente, rapasa.
- Irea Ferreiro López, do CEIP Virxe do Corpiño (Begonte), gañadora na 2ª Categoría polo seu recitado de A xustiza pola man.
- Fátima Barros Monteagudo, do CPI Santa Lucía (Moraña), gañadora na 3ª Categoría polo seu recitado de Ca pena ó lombo.
-Alejandro Sánchez Cela, do IES Leiras Pulpeiro de Lugo, gañador na 4ª Categoría polo seu recitado de Silencio.
Tamén se lle concedeu un premio especial ao CEIP de Albeiros (Lugo) por ser o que máis participantes conseguiu situar na Fase Final.
Os participantes do CEIP Antonio Pedrosa Latas: Pablo Gómez, Pablo Anido, Brais Álvarez, Candela Villarmea, Inés Alonso e Iago Leal, fixéronno moi ben e aínda que se puxeron un pouco nervosos, non se esqueceron dos poemas e todos quedamos moi contentos coa súa actuación.
NORABOA!!!
20/2/15
E agora Rosalía de Castro
Unha vez rematado o Entroido xa estamos a preparar as actividades para celebrar o DÍA DE ROSALÍA, martes, 24 de febreiro.
Este ano imos participar no Concurso que convoca a FUNDACIÓN MANUEL MARÍA:
ROSALÍA SEMPRE VIVA
O vindeiro sábado, 21 de febreiro en Outeiro de Rei, na
Casa Museo Manuel María, celebrarase a final do Concurso e representando ao noso colexio van participar os seguintes alumnos/as,
de 2º curso:
de 2º curso:
- Pablo Gómez Prieto
- Brais Álvarez Cociña
- Pablo Anido Polo
- Candela Villarmea Penabad
de 3º curso:
- Inés Alonso Otero
- Iago Leal Méndez
Nas aulas de Infantil xa teñen preparados uns murais ben bonitos!!!
2/2/15
Xa se achega o Entroido...
Xa estamos no tempo do ENTROIDO e con el chegan os preparativos para a súa celebración.
podemos seguir toda a actividade
Suscribirse a:
Entradas (Atom)