Canción "Amar o mar"

Dentro do proxecto integrado  de dinamizacións "O MAR" fixemos unha canción especial:

"Amar o mar"

A letra é de Vicente Míguez (profesor do centro) e a música de Pedro Rodríguez (exalumno do centro). Está cantada por Marta Pérez (profesora do centro) e por Pedro Rodríguez.

Novo libro para a Bibliosoños

VÍCTOR FERREIRA E XOTI DE LUÍS
 O polbo de Mugardos

Temos este fermoso libro na Bibliosoños. Ademáis podemos visitar a Exposición de acuarelas que nos deixaron na Editorial BIBLIOS.

Semana da Prensa na Escola

 Do 11 ao 15 de marzo celebraremos a Semana da Prensa Na Escola

Páxina de RECURSOS PARA TRABALLAR SOBRE A PRENSA

OBXECTIVOS A TRABALLAR

• Fomentalo uso da prensa na aula.
• Descubrir a diversidade dos medios de información.
• Incitar aos alumnos a lela prensa utilizando varias fontes e soportes de información.
• Saber de  onde veñen as informacións producidas e difundidas polos medios.
• Situar no espacio e no tempo, os acontecementos que marcan a actualidade.
• Recoñecer as diferentes seccións dun periódico.
• Diferenciar entre feitos e opinións.

Día da Muller Traballadora

Para conmemorar esta data preparamos unhas actividades tanto para os alumnos coma para as familias.

Para os alumnos, os diferentes ciclos irán pasando pola Bibliosoños onde poderán visualizar uns vídeos preparados polo profesor Vicente que irán acompañados dunha pequena charla informativa que poderán completar con preguntas e diálogos.

Ademáis xa poden ir atopando moita máis información na seguinte PÁXINA ESPECIAL

Para as familias, o venres, 8 de marzo, teremos unha xornada de Portas Abertas en horario de 16:00 a 20:00 horas, para poder asistir ás seguintes actividades:

• Exposición de fotografías.
• Charla informativa, ás 19:00 horas, a cargo de Vicente Míguez no Salón de Actos do colexio.

Encontros do Plan de mellora de bibliotecas escolares 2012/2013

 Os vindeiros 7 e 8 de marzo terán lugar en Compostela os Encontros do Plan de mellora de bibliotecas escolares, unha actividade de formación organizada conxuntamente polo Servizo de Formación do Profesorado (CAFI) e pola Dirección Xeral de Centros e Recursos Humanos (Asesoría de bibliotecas escolares), da Consellería de Cultura, Educación e Ordenación Universitaria, coa colaboración do Ministerio de Educación, Cultura e Deporte.

Estes encontros responden á vontade da consellería de reunir, unha vez máis, ao profesorado que coordina os equipos de biblioteca dos centros integrados no Plan de mellora de b.e (PLAMBE), un programa que procura, desde o ano 2005, a transformación das bibliotecas escolares en auténticos centros de recursos para a lectura, a información e a aprendizaxe, e no que ten sido decisiva a creación de vínculos profesionais entre os integrantes deste colectivo.  

Ainda que se tratarán aspectos diversos relacionados cos servizos e o papel das bibliotecas escolares nos centros educativos, farase fincapé na función destas bibliotecas como compensadoras de desigualdades sociais, aspecto que cómpre salientar nun momento en que as diferenzas no acceso aos recursos culturais pode medrar. Outro dos aspectos destacados será a alfabetización mediática e informacional, un contido imprescindible para o alumnado que medra na sociedade da información e que ten na biblioteca escolar un aliado natural.

Daranse cita na segunda xornada destes encontros (día 8) un total de 504 responsables de bibliotecas da Rede de bibliotecas escolares galegas. Na primeira xornada (7) só participarán os responsables das 63 bibliotecas que se integraron no programa neste curso 2012/2013.

PROGRAMA

ENLACE AO ESPAZO MOODLE 

Exposición de libros no mes de marzo

Preparando "Unha primavera de poemas"

Dentro do proxecto da Biblioteca Escolar e en colaboración coas bibliotecas doutros centros da Mariña, o igual que o curso pasado (“Lembrando o pasado”), propoñemos ás familias a súa participación nunha actividade que leva por título:

“UNHA PRIMAVERA DE POEMAS: apadriña unha poesía”

Esta actividade ten como obxectivo a posta en valor da poesía como unha forma máis de literatura e moi importante na formación de hábitos lectores.

Por iso enviámosvos este formato para que acompañedes aos vosos fillos na procura dun autor, da súa obra e dun poema que lles guste. No mesmo terán que copiar a poesía, facer unha pequena obra plástica a modo de ilustración do contido do poema, inventar unha estrofa nova (si se desexa)… e por último cubrir os datos que se indican. 

Cando se remate o traballo entregarase ao titor ou titora tendo como data tope o luns, 18 de marzo.

Cos traballos faremos unha exposición no propio centro coincidindo coa chegada da primavera e o Día da Poesía (21 de marzo) e durante o mes de maio, unha exposición conxunta na Sala de Exposicións do Concello de Viveiro.

Hoxe homenaxeamos a Rosalía na Bibliosoños

Sesión de Formación de Usuarios Na Bibliosoños con motivo da Homenaxe a Rosía de Castro. Todos os ciclos participaron nesta actividade para  recordar á nosa máis "Ilustre galega"

 

Día Internacional da Lingua Materna

Desde o ano 2000, a UNESCO celebra cada 21 de febreiro o Día Internacional da Lingua Materna.

Este ano, o Día Internacional da Lingua Materna está dedicado “ao plurilingüismo para unha educación inclusiva”, tal e como explica Irina Bokova, directora xeral da UNESCO, na mensaxe difundida con motivo desta celebración.

 

Día de Rosalía de Castro

O vindeiro 24 de febreiro, será o DÍA DE ROSALÍA DE CASTRO. Este ano 2013 é o 150 aniversario da publicación do seu libro "Cantares Gallegos" (1863-2013), por iso na Bibliosoños fixemos esta presentación e musicamos o poema "Has de cantar" para que o poidamos cantar todos xuntos.

 

Tamén podemos atopar moita información na páxina especial que lle adicamos a 

ROSALÍA DE CASTRO

Vídeo da actividade "Mensaxes nunha botella"

Podemos atopar toda a información na páxina do 

PROXECTO INTEGRADO DE DINAMIZACIÓNS

Charlas informativas

Dentro do Proxecto O MAR tivemos unhas charlas informativas sobre Salvamento Marítimo, a cargo de Tito Villarmea Méndez.

Podemos ver toda a información na 

Páxina do Proxecto

Libros no mes de febreiro

Damos comezo co tempo de Entroido

Rematamos coas actividades complementarias sobre A Paz e xa imos comezar coas do Tempo de Entroido .

A primeria das actividades que poñemos en marcha é

 O Meco manda...

Todas as actividades  podemos seguilas no Blog do Entroido

30 de xaneiro. Celebramos o Día Escolar da Paz

Despois do recreo, todo o colexio participamos nas actividades que quedan reflexadas no vídeo seguinte.

Formación de usuarios na Bibliosoños

Nos días previos á conmemoración do Día da Paz os diferentes ciclos de Infantil e Primaria foron pasando pola Bibliosoños para visualizar e traballar nos diferentes blogs e páxinas de recursos que temos dentro do blog da Bibliosoños.

•  Blog "Día escolar da Paz e Non Violencia"
• Páxina de Recursos

Preparando o Día da Paz

Estamos preparando as actividades que imos a facer para conmemorar este día tan especial. Na seguinte presentación podemos ver o programa. Todas as actividades poderémolas ver no 

Blog "Día escolar da Paz e Non Violencia"

Fina Casalderrey na RAG

A RAG (Real Academia Galega) acaba de elixir a Fina Casalderrey como académica numeraria. 

Con Fina entra na Academia unha muller (por méritos propios) pero tamén a literatura infantil e xuvenil, pois como sabemos conta co Premio Nacional de Literatura Infantil e Xuvenil.

50 anos do libro Rayuela

 Clica na imaxe para ler o libro

A obra cumio de Julio Cortázar,  

Rayuela cumpre medio século; unha obra que, segundo especialistas, representa a entrada á modernidade.

Libros que falan da PAZ

Clica na imaxe