Tamén tiveron tempo para escoitar e ver os vídeos da última canción para a Biblioteca e unha sesión de contacontos da profesora Cristina.
1/10/12
Infantil na Biblioteca
26/9/12
Plan de Mellora de Bibliotecas Escolares
O DOG publica hoxe, 26 de setembro, a resolución definitiva da
convocatoria do Plan de Mellora de Bibliotecas Escolares para o curso
2012/2013. Son xa 504 centros os que integran esta Rede de Bibliotecas Escolares de Galicia, espazos imprescindibles para a lectura, a información e a aprendizaxe.
23/9/12
Xa estamos no outono!!!
Xa entramos na estación do outono e xa sabedes que a Bibliosoños ten un blog especial.
Entrade nel e atoparedes moitas actividades e vídeos que vos gustan.
Entrade nel e atoparedes moitas actividades e vídeos que vos gustan.
20/9/12
Exposición de libros sobre O MAR
No expositor de libros do corredor presentamos unha morea de libros que nos falan do mar, o proxecto integrado que imos a traballar este curso. Podedes ir ollándoos!!!
16/9/12
Importante artigo do Blog BIBLIOTECAS ESCOLARES
Biblioteca escolar, acelerador de innovación
As bibliotecas escolares galegas viviron importantes transformacións nos
últimos anos, grazas ao esforzo conxunto de comunidades educativas e
administración, nunha tarefa que ten como finalidade ofrecer máis e
mellores instrumentos ao alumnado para a súa formación académica e
persoal. Estas transformacións non foron só físicas (moito profesorado
afirma que a biblioteca é o espazo máis fermoso do seu centro); o cambio
máis importante é o que se produce no centro educativo cando a biblioteca se activa,
porque arredor das súas propostas e dos seus recursos, da actividade
que xenera e os apoios que presta, botan a andar (ou cobran forza,
asentándose) dinámicas de traballo diferente, prácticas pedagóxicas máis
activas, propostas máis colaborativas, proxectos ilusionantes que
axudan a construír coñecemento e a construír comunidade tamén. As
bibliotecas, ao renovarse e activarse, confírmanse como aceleradores de innovación, de innovación educativa.
Con este lema, Biblioteca escolar, acelerador de innovación,
preséntase o cartel que neste curso 2012/2013 edita a Consellería de
Cultura, Educación e Ordenación Universitaria, co gallo da celebración
do mes da biblioteca escolar (outubro) e do Día da Biblioteca (24 de
outubro) e que chegará aos centros en datas próximas. Nesta ocasión, a
ilustración correspondeu ao creador galego Andrés Meixide,
que vén sumarse así aos ilustradores que teñen colaborado con esta
consellería no obxectivo de difundir as posibilidades da biblioteca
escolar (Manuel Mariño/2008, Miguelanxo Prado/2009, Marina Seoane/2010, Emma Ríos/2011)
12/9/12
BENVID@S
Ola!, Benvid@s a este novo curso!
Que tal ese verán lector?.
Eu lin un montón de libros e estiven moi ocupado buscando libros e actividades para traballar este ano. Os vosos profesores e profesoras xa vos irán informando sobre o proxecto para este curso, imos a traballar e aprender moitas cousas sobre O MAR.
A partir de hoxe xa podedes vir á Bibliosoños. É moi importante que recordedes as normas e veñades con moitas ganas de ler!
21/8/12
22/6/12
Teatro dos alumnos de 5º curso
Fixéronno estupendamente!
MINIOLIMPIADAS 2012 no colexio de Celeiro
O venres, 22 de xuño, o colexio celebrou unhas Miniolimpiadas como remate de final de curso.
Todos os alumnos e alumnas formaron parte das seguintes Seleccións:
ESPAÑA, MARROCOS, EE.UU., XAPÓN, CHINA, BRASIL E REINO UNIDO.
Os equipos participaron nos seguintes xogos:
- FÚTBOL
- HOCHEY
- XAVELINA
- CIRCUITO EQUILIBRIO
- ENCESTOS
- CARREIRAS
21/6/12
Un día con moitas actividades
Hoxe xoves, 21 de xuño, foi un día moi especial con actividades moi emotivas tanto para os mestres/as coma para os alumnos/as.
- Antes da hora do recreo tiveron lugar as graduacións dos cursos 6º de Infantil e 6º de Primaria
- Despois do recreo poidemos ver as finais dos Xogos Populares e a entrega de diplomas.
- E, por último, xuntamos todas as tapas e tapóns que estivemos recollendo, en colaboración con todas as familias, para o Proxecto "Mans, por man". Gracias a todos por colaborar nesta labor.
20/6/12
Educación en valores
Os alumnos e alumnas de 6º curso prepararon a dramatización do libro Orellas de bolboreta coas profesoras Rebeca e Virginia, despois contáronllo aos demais compañeiros do colexio.
Tradutor/a:
Manuela Rodríguez
Escritor/a:
Luísa Aguilar
Ilustrador:
André Neves
Ed. Kalandraka Editora,
2008 | Infantil-Xuvenil
-Mara é unha orelluda!
-Mamá, ti cres que son unha orelluda?
-Non filla, tes orellas de bolboreta.
-E como son as orellas de bolboreta?
-Pois son orellas que revoan na cabeza e pintan de cores as cousas feas.
Ter as orellas grandes, o pelo rebelde, ser alto ou baixo, fraco ou
regordecho...pode ser motivo de
parodia entre uns nenos e outros. Por iso cómpre un libro que lles
demostre a todos, tanto aos que dan como aos que reciben algún
comentario despectivo, que eses comportamentos son reprobables.
E especialmente aos que son sinalados polos demais, a mensaxe que lles
transmite este relato é que convidan en positivo aquilo que para outros
sexa motivo de mofa. Porque as características que nos diferencian dos
demais hai que poñelas en valor para que nos distingan como seres
especiais e únicos. Porque recoñecer e mesmo reivindicar a diferenza
fainos fortes, aceptándonos como somos e reforzando a nosa
personalidade. É o primeiro paso para aprender a rir dun mesmo...
Luisa Aguilar amosa unha gran sensibilidade neste texto sinxelo e cheo
de forza literaria, que transporta o lector a un mundo de formas, cores,
emocións e sentimentos. A figura materna destaca como referente vital
da protagonista, que contesta a cada comentario dos nenos seguindo as
indicacións da súa nai: o que para outros é un defecto, para Mara é unha
vantaxe da que os demais carecen.
15/6/12
Presentación en Viveiro de “Un niño no xardín” de Xoán Neira
"CANDO O AUTOR FALA DE SI"
O venres, 15 de xuño, ás 20:00 horas, no salón de actos de Novacaixagalicia de Viveiro, terá lugar o acto de prensentación do libro Un niño no xardín de Xoán Neira.
O venres, 15 de xuño, ás 20:00 horas, no salón de actos de Novacaixagalicia de Viveiro, terá lugar o acto de prensentación do libro Un niño no xardín de Xoán Neira.
Participarán: Marica Campo, Manuel Bragado e Xoán Neira.
Organiza: O Seminario de Estudos Terra de Viveiro e Xerais
8/6/12
Pequenas Olimpiadas no colexio
No noso colexio, antes de rematar as clases, imos facer unhas "pequenas olímpiadas".
Para empezar, na entrada do colexio, a profesora Eva preparou unha pequena exposición:
Tamén podemos entrar na páxina oficial para aprender moito máis sobre os xogos olímpicos.
Outras páxinas de interés:
Outras páxinas de interés:
4/6/12
Unha celebración moi importante
O martes, 5 de xuño, celébrase o Día Mundial do Medioambiente.
No noso colexio imos ter unhas actividades especiais para celebrar este día:
- Formación de Usuarios a través da páxina especial
- Sementamos xirasois
- Visita de Anxo Moure
Pero quen é Anxo Moure?.
El mesmo se define como:
El mesmo se define como:
2 de xuño, Festa de Voz Natura
- Tivemos un tempo estupendo no parque Acea de Ama.
- Os xogos e as actividades foron moi divertidos.
- A Exposición dos Traballos moi variada.
- A entrega dos premios unha gran alegría.
30/5/12
Preparativos para a festa de Voz Natura
Estes días andamos moi atarefados preparando os materiais que imos levar para a exposición de traballos que se vai poder ver durante a Festa de Voz Natura o vindeiro sábado, 2 de xuño no parque de Acea de Ama na Coruña.
Este ano levamos o Premio Provincial de Voz Natura e queremos levar unha mostra dos traballos que fixemos durante este curso e algo dos anteriores.
16/5/12
Festexamos "Os Maios e As Letras Galegas"
- Sesión de Formación de Usuarios na Bibliosoños
- Vimos a estrea do Vídeo Especial do colexio da canción: "Ai, se eu cho falo"
- Cantámoslle ao Maio, falamos de Valentín Paz Andrade e cantamos unhas Cantigas Galegas e Ai, se eu cho falo.
15/5/12
Unha boa nova!
Dende o Comité de Selección dos traballos de Voz Natura acaban de notificarnos que o noso Centro conqueriu o
"PREMIO PROVINCIAL da edición 2011-2012"
Este premio non sería posible sen a colaboración das familias, da ANPA, do Concello e de todos os que formamos parte da Comunidade Educativa.
Por iso, animámosvos a participar na entrega do premio que terá lugar o día, 2 de xuño, na FESTA DE VOZ NATURA, da que xa vos informamos. 
10/5/12
Avance de actividades para as Letras Galegas
Traballo-Presentación de Valentín Paz Andrade para ler os alumnos e alumnas de 6º curso na celebración das Letras Galegas no noso colexio.
Unha Caza do Tesouro en Educación Física
Os alumnos e alumnas do 3º ciclo van a participar nunha CAZA DO TESOURO sobre as Olimpiadas. Toda a información está no seguinte tríptico:
9/5/12
Día de Europa, 9 de maio
O 9 de maio de 1950, Robert Schuman presentou a súa proposta para a creación dunha Europa organizada, requisito indispensable para o mantemento de relacións pacíficas.
Esta proposta, coñecida como "Declaración Schuman", considérase o xerme da creación do que actualmente é a Unión Europea.
O 9 de maio converteuse no símbolo europeo (Día de Europa) que, xunto coa bandeira, o himno, a lema e a moeda única (o euro) identifican a entidade política da Unión Europea.. No Día de Europa celébranse actividades e festexos que achegan a Europa aos seus cidadáns e hermanan aos distintos pobos da Unión.
Esta proposta, coñecida como "Declaración Schuman", considérase o xerme da creación do que actualmente é a Unión Europea.
O 9 de maio converteuse no símbolo europeo (Día de Europa) que, xunto coa bandeira, o himno, a lema e a moeda única (o euro) identifican a entidade política da Unión Europea.. No Día de Europa celébranse actividades e festexos que achegan a Europa aos seus cidadáns e hermanan aos distintos pobos da Unión.
Clica na imaxe para ter máis información
7/5/12
Dous fermosos libros para a Bibliosoños
A profesora Pilar García donou para a Biblioteca dous libros en formato desplegable:
- El maravilloso Mago de Oz
- TITANIC
3/5/12
SESION DE CONTACONTOS NA CLAUSURA DA EXPOSICIÓN
O mércores, 2 de maio, na clausura da Exposición "De onte a hoxe..." profesoras dos colexios de Celeiro, Xove e Viveiro, fixeron unha sesión de contacontos onde poidemos escoitar os seus contos preferidos de cando elas eran pequenas.
Clausura da Exposición en Viveiro
Na clausura da exposición "De onte a hoxe...lembrando o pasado" houbo sesión de contacontos coa participación das mestras de infantil e primaria: Cristina Freán, Rebeca Palmeiro e Paula López; tamén participaron profesoras e alumnos de secundaria. Foi unha velada moi especial e pasámolo moi ben!
2/5/12
Xa está aquí o mes das Letras Galegas
Comezamos o mes de maio, mes das Letras Galegas que este ano cumple o seu 50 aniversario.
Dende a Bibliosoños presentamos esta pequena exposición coas láminas gañadoras do concurso convocado pola Secretaría Xeral de Política Lingüística e que gañou o CEIP "A.D.R. CASTELAO" de Rianxo.
Tamén hai libros sobre as Letras Galegas e dos autores homenaxeados, así coma tamén nos lembramos de Celso Emilio Ferreiro, no seu centenario.
29/4/12
Dramatización no "Día do Libro"
As profesoras Rebeca, Rosa, Cristina e Sandra puxeron en escea o libro "A figueira de Pelostortos", fixéronno estupendamente e todos os nen@s e profesores/as do colexio aplaudimos moito despois de rirnos un montón e pasalo moi ben.
26/4/12
Un día moi importante para as Bibliotecas Escolares
Xa inauguramos a Exposición "De onte a hoxe...lembrando o pasado"
Foi un acto entrañable no que participaron as comunidades educativas dos centros e ademais contamos coa presencia de Marta Coria e Pilar Sampedro, asesoras das Bibliotecas Escolares a nivel da provincia de Lugo e da Consellería de Educación.
Moitas grazas polo voso apoio, as vosas palabras son un pulo importante para o traballo que se está a realizar nas Bibliotecas dos Centros.
24/4/12
Exposición en Viveiro
O mércores, 25 de abril, ás 20:00 horas inauguramos a Exposición dos traballos
"De onte a hoxe: lembrando o pasado"
Presentámosvos o programa de actos
23/4/12
Entrega do PREMIO CERVANTES
Hoxe, 23 de abril, terá lugar a entrega do Premio Cervantes 2011. A figura homenaxeada este ano é NICANOR PARRA.
21/4/12
23 DEL ABRIL, DÍA DO LIBRO
O Día do Libro (tamén denominado Día Internacional do Libro e Día Mundial do libro) é un acontecemento anual que se celebra o 23 de abril. A festa celebrouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor.
No noso colexio faremos actividades durante toda a semana:
- Temos unha páxina especial con moita información sobre Miguel de Cervantes, vídeos, xogos e outras actividades.
- Teremos unha sesión de contacontos, cunha posta en escea moi especial, do libro A figueira de Pelostortos.
- Participaremos na exposición conxunta que estamos a preparar todas as Bibliotecas Escolares que pertencemos ao PLAMBE dos concellos de Viveiro e Xove. a exposición leva por título "De onte a hoxe...lembrando o pasado". A inauguración será o vindeiro mércores, 25 de abril, ás 20:00 horas.
A esta exposición irán unha selección dos traballos que fixéchedes coas vosas familias (algúns deles xa están expostos no colexio), xa que por falta de espacio é imposible levalos todos. Dende a Bibliosoños felicitamos a todas as familias pola gran participación e o entusiasmo posto nos traballos.
Sen dúbida estamos no camiño de conquerir os obxectivos que nos marcabamos con esta actividade:
a recuperación da literatura infantil como fonte de pracer, fomentar hábitos de lectura, recuperación e lembranza dos libros que forman parte da memoria das familias.
18/4/12
11/4/12
Encontros do Plan de mellora de bibliotecas escolares 2011/2012
NO BLOG DAS BIBLIOTECAS ESCOLARES DE GALICIA
PODEMOS LER:
Os vindeiros 19 e 20 de abril, o Palacio de Congresos de Santiago de Compostela reunirá a 315 asistentes nos Encontros do Plan de mellora de bibliotecas escolares 2011/2012. Nesta ocasión danse cita en Santiago profesoras e profesores que coordinan os equipos de biblioteca de máis de 300 centros incluídos no programa nas últimas convocatorias (desde a 4ª á 7ª), asistindo así mesmo asesores e asesoras da Rede de formación do profesorado que colaboran neste ámbito.
PODEMOS LER:
Os vindeiros 19 e 20 de abril, o Palacio de Congresos de Santiago de Compostela reunirá a 315 asistentes nos Encontros do Plan de mellora de bibliotecas escolares 2011/2012. Nesta ocasión danse cita en Santiago profesoras e profesores que coordinan os equipos de biblioteca de máis de 300 centros incluídos no programa nas últimas convocatorias (desde a 4ª á 7ª), asistindo así mesmo asesores e asesoras da Rede de formación do profesorado que colaboran neste ámbito.
Ademais das conferencias previstas (Casildo Macías, Elena Martín, Santiago Fernández, José Antonio Millán, entre outros), tamén haberá espazo para a difusión de experiencias de calidade, arredor dos proxectos interdisciplinares e as pequenas investigacións que, co apoio da biblioteca escolar e os seus recursos, permiten dotar ao alumnado de habilidades para o uso e produción da información, contribuíndo á adquisición de competencias básicas, especialmente as competencias de "tratamento da información e competencia dixital" e a de "aprender a aprender".
28/3/12
Día do libro Infantil e Xuvenil
O luns, 2 de abril, celébrase o Día Internacional do Libro Infantil e Xuvenil, imos estar de vacacións de Semana Santa pero dende este blog podemos recordar este día e aprender moitas cousas.
Tamén propoñemos esta actividade para facer en familia:
Dentro do proxecto da Biblioteca e en colaboración con outras Bibliotecas dos centros PLAMBE da zona (Plan de Mellora de Bibliotecas Escolares), pretendemos cara as conmemoracións dos vindeiros meses (mes do libro, Letras Galegas) propoñer ás familias a participación nunha actividade que leva por título:
“DE ONTE A HOXE: lembrando o pasado”
Ten como obxectivos a recuperación da literatura infantil como fonte de pracer, fomentar hábitos de lectura, recuperación e lembranza dos libros que forman parte da memoria das familias.
Por iso enviámosvos un folio para que, co membro da familia que decidades, recorde co neno/a os contos que lía de pequeno, cal era o seu favorito e logo faredes:
· Na esquerda cubrides os datos que se vos pide.
· Na dereita unha pequena obra plástica libre (exemplos: fotocopia da portada do libro, debuxo dos personaxes, fabricar o zapato da Cincenta e pégalo,…)
Á volta das vacacións e ata o 13 de abril enviádenos o folio co traballo plástico para facer unha exposición no centro e logo no mes da maio farase outra conxunta cos centros participantes nun local público.
Un saúdo o Equipo da Biblioteca.
Un saúdo o Equipo da Biblioteca.
27/3/12
22/3/12
Día da árbore e da auga
O xoves, 22 de marzo, celebramos conxuntamente estas dúas datas tan importantes para lembrar que temos que coidar o Medioambiente. Nesta páxina atoparemos máis información.
Durante a mañá limos o conto Dona Pinga e Don Carballo fan amizade.
Despois do recreo prantamos un carballo.
21/3/12
21 de marzo DÍA MUNDIAL DA POESÍA
Hoxe, Día Mundial da Poesía, imos celebralo recitando unhas poesías que seleccionamos nos diferentes cursos. Podemos atopalas no issuu seguinte:
OS VÍDEOS DA SESIÓN DE RECITADO ATOPARÉMOLOS NO BLOG DÍA DA POESÍA20/3/12
HOXE COMEZA A PRIMAVERA
A primavera astronómica chegou este martes 20 de marzo ás 06.14 horas, ás 05.14 horas en Canarias, e durará 92 días e 18 horas, ata que finalice o 21 de xuño, ao comezar o verán, segundo o Instituto Xeográfico Nacional (IGN).
Así, segundo o IGN, durante a primavera de 2012 o máis destacable será o tránsito de Venus por diante do Sol o próximo 6 de xuño, un evento astronómico que non sucederá de novo até o ano 2117 e que en España poderá verse con dificultade nas súas últimas fases.
PICA NA IMAXE PARA ENTRAR NO BLOG DA PRIMAVERA
19/3/12
O SEPRONA no noso colexio
Hoxe, luns 19 de marzo, teremos a visita da:
- sarxento, Isabel García Núñez (xefa da Oficina Técnica), e o
- investigador, Roberto Pérez Páramo (Equipo de investigación de incendios forestais) do SEPRONA.
O Servizo de Protección da Natureza (SEPRONA) é unha unidade da Garda Civil en España, encargada da conservación da Natureza e os recursos hidráulicos, así como da riqueza cinexética, piscícola, forestal e de calquera outra índole relacionada coa Natureza, segundo o artigo 12 da Lei Orgánica 2/1986 de 13 de marzo, de Forzas e Corpos de Seguridade.
VISITA ESTAS PÁXINAS ESPECIAIS
VISITA ESTAS PÁXINAS ESPECIAIS
16/3/12
Actividades na Bibliosoños na semana da prensa
O xoves, 15 de marzo, na Bibliosoños tivemos unhas sesións informativas. Participamos os alumnos do 2º e 3º ciclo.
Foron impartidas polo profesor do Centro, Vicente Míguez Salgueiro.12/3/12
Esta semana imos comezar coa práctica de xogos tradicionais
XOGOS TRADICIONAIS
Estes son os xogos populares que seleccionamos:
billarda, canicas, laberinto e béisbol.
O martes comezamos co xogo da billarda.
BILLARDA
Xogo tradicional, moi popular na Mariña luguesa.
Consiste nun pau pequeno (billarda) acabado en punta polos dous lados, onde hai que petarlle con outro pau máis grande e lanzalo lonxe. Gaña quen consegue mandalo a maior distancia.
PRIMEIRO FIXEMOS:
Recompilación de Xogos Tradicionais dende a casa.
PRIMEIRO FIXEMOS:
Recompilación de Xogos Tradicionais dende a casa.
- Nunha ficha rexistramos os datos preguntando aos papás, avós...sobre os xogos que xogaban de pequenos.
- Faremos unha exposición e un libro coa información recompilada
- E para rematar esta actividade poñeremos en práctica os xogos que máis nos gusten despois de aprender as regras dos mesmos.
8/3/12
2/3/12
Actividades para o mes de marzo
Durante este mes de marzo faremos moitas actividades para traballar as seguintes conmemoracións:
- Día Internacional da muller traballadora (xoves, 8 de marzo)
- Semana da prensa na escola (do 12 ao 16 de marzo)
- Día Internacional dos dereitos do consumidor (xoves, 15)
- Día Mundial da Poesía (mércores, 21)
- Día da árbore (Día forestal mundial) (mércores, 21)
- Día Mundial da auga (xoves, 22)
- Día Mundial do Teatro (martes, 27)
1/3/12
Hoxe comeza o mes de marzo
Para ter máis información pica no enlace:
Marzo na cultura popular galega
Refraneiro
Marzo marzolo, chuvioso e ventoso.
No marzo abrigo, noces e pantrigo.
Nin marzo con flores nin moza sen amores.
Se no marzo oes tronar, prepara as cubas e o lagar.
Marzo marzal, un día vento e outro vendaval.
No mes de marzo, haberá algún chubasco.
Marzo, espigas catro; abril, espigas mil.
O aire e o sol de marzo, queima as donas no pazo.
Cando marzo retorce o rabo, non deixa ovella nin pastor sano.
Marzo marzal, neve nos altos e chuvia no val.
Marzo marceador, de noite chove e de día fai sol.
Marzo marceiro, pon a troita no caneiro.
Marzo marzolo, trebón e raiolo.
Marzo marzolas, treboadas e raiolas.
Marzo amola, abril esmola.
Entre marzo e abril, sae o cuco do cubil.
Cando marzo non marcea, abril das súas espera.
21/2/12
Día de Rosalía de Castro
Follas novas
Adios, ríos; adios, fontes;
adios, regatos pequenos;
adios, vista dos meus ollos:
non sei cando nos veremos.
Miña terra, miña terra,
terra donde me eu criei,
hortiña que quero tanto,
figueiriñas que prantei.
20/2/12
Día Internacional da Lingua Materna
PICA NAS IMAXES PARA TER MÁIS INFORMACIÓN
En 1999, a UNESCO declarou o 21 de febreiro Día Internacional da Lingua Materna. O obxectivo desta celebración é impulsar a práctica das linguas maternas en todo o mundo e, en especial, as das minorías, por seren as que se encontran nunha situación máis difícil. A ONU entende que os idiomas son o instrumento de maior alcance para a preservación e o desenvolvemento da herdanza cultural da humanidade e que, daquela, toda iniciativa que promova a súa supervivencia servirá para incentivar, ademais do pluralismo lingüístico, a diversidade cultural. Pola súa vez, a diversidade cultural enténdese como un activo para o desenvolvemento dos individuos e dos pobos.
13/2/12
Suscribirse a:
Entradas (Atom)